Hindi pa rin humuhupa ang mga kontrobersiyang bumabalot sa Miss Universe 2025 pageant.
Tinawag na “cooking show” at “rigged” ng pageant enthusiasts at viewers ang resulta ng 74th Miss Universe.
Kinuwestiyon nila ang pagkapanalo ni Fatima Bosch ng Mexico sa ginanap na grand coronation sa Thailand noong November 21, 2025, Biyernes.
Bukod pa rito, may mga kandidatang nag-post at kinuwestiyon ang pamamalakad ng kasalukuyang namumuno ng Miss Universe Organization (MUO).
Hindi nakaligtas sa mga puna ang MUO president at Mexican businessman na si Raul Rocha.
Sumasagot si Rocha sa social media at sa interviews para ipagtanggol ang kanyang pamamalakad sa MUO.
Sinukat niya ang kanyang pamamalakad nang ikumpara ang number of Instagram followers ng winners na nasa ilalim ng kanyang pamamahala at sa winner ng previous management, partikular si Miss Universe 2022 R’Bonney Gabriel.
RAUL ROCHA'S VIRAL VIDEO
Pinag-uusapan ngayon ang video ni Rocha na kalat na sa socmed.
Sa kanyang native language, iginiit ni Rocha na inggit lamang ang mga kumukuwestiyon sa resulta ng Miss Universe 2025.
“Because people do not tolerate success of others,” rough translation ng kanyang pahayag sa video.
Pagkatapos ay ibinida niya na makalipas lamang ang isang linggo, pumalo na raw ng three million ang followers ni Fatima sa Instagram.
Binanggit din niya ang dalawa pang former Miss Universe titleholders na nagkaroon ng higit one million IG followers matapos niyang bilhin ang Miss Universe franchise mula kay Anne Jakrajutatip noong 2024.
Ito ay sina Miss Universe 2024 Victoria Theilvig ng Denmark at Miss Universe 2023 Sheynnis Palacios ng Nicaragua.
Si Sheynnis ang current titleholder nang bilhin ni Rocha ang 50% stake ng MUO kay Anne.
Kasunod nito ay tinira ni Rocha ang aniya'y wala pang isang milyong IG followers ni Miss Universe 2022 R’Bonney Gabriel ng USA noong nasa ilalim pa ni Anne ang MUO.
Rough translation ng bahagi ng pahayag ni Rocha: “Yet, our former American queen, R’Bonney, who won in 2022, has reached only around 800,000 followers in nearly five years. The number speak for themselves.
“Fatima’s reach, engagement, and resonance with the public have been nothing short of extraordinary.”
Read: Resigned Miss Universe 2025 judge: "Miss Mexico is a Fake winner"
R’BONNEY REACTS; FANS SHOW SUPPORT
Ang video clip na ito ni Rocha ay ipinost ng isang pageant vlog sa IG account nito.
Nag-react dito si R’Bonney.
Komento ng Filipino-American beauty queen: “I’m so tired of being measured by follower account.”
May ilan ding personalidad ang nagkomento at kinampihan si R’Bonney.
Isa na rito ang American actress-model at Miss USA 2007 runner-up na si Meagan Tandy.
Anito: “Who cares though? Followers can be bought. It’s hard to really know if it’s real or not.”
Sundot ni Thom Brodeur, Miss USA and Teen USA president: “Buying followers has never been easier. Look at the engagement. THAT'S what matters, and anyone with half a brain and a minute of digital experience knows this. It's why micro and nano influencers are increasingly important to brands.”
Kaliwa’t kanan din ang ipinakitang suporta ng pageant fans kay R’Bonney ngayong Miyerkules, November 26, 2025.
Sunud-sunod ang pangangampanya nila na i-follow sa IG si R’Bonney para maabot ang one million followers.
Nire-repost naman ni R’Bonney ang mga ito sa kanyang Instagram Story.
Makalipas lamang ang ilang oras, ang tinatayang 900,000 IG followers ni R’Bonney ay pumalo na sa 982,000 followers at this writing, at patuloy na umaakyat.
Post ng beauty queen (published as is): “Thank yall so much for the overwhelming love and support. This is insane.”
R’BONNEY’S STANCE ON FOLLOWERS
Una nang sinagot ni R’Bonney sa isang TV interview ang isyung siya ang least followed Miss Universe titleholder during her reign ilang taon na ang nakalilipas.
“[P]eople love to remind me that,” aniya ukol sa kaunting followers kumpara sa ibang titleholders.
“Honestly, I don’t really care because the numbers are just a number.
“I always think to myself, ‘What if these all went away one day? Who would we be? Who would I be?”
Pag-amin niya: “It’s definitely addicting to want those numbers, and want those likes.
“But at the end of the day, you just don’t wanna put too much energy into it.
“Little growth and some growth is all that I need.”
Hindi raw niya kailangang magkaroon ng one million followers, at hindi iyon ang mahalaga para sa kanya.
“[T]o me, it’s the platform. I want to spread messages on sustainability, community work, and just show people what I’m doing as Miss Universe.
“So if that one person tuning in, 10 people tuning in, that’s fine, as long as I’m growing at the end of the day,” saad ni R'Bonney.