Aminado si Alden Richards na naging “safe” siya noon at umiiwas magbigay ng opinyon sa mga mahahalagang isyu sa bansa, gaya sa pulitika.
Pero isa si Alden sa mga artistang naging vocal sa pagkondena sa isyu at sa mga taong sangkot sa korapsyon sa flood control projects nitong mga nakalipas na buwan.
Ayon sa prized artist ng GMA-7, napagtanto niyang maaari niyang gamitin ang kanyang impluwensiya para maging boses ng mga taong walang tinig.
Read: Alden Richards, may patutsada kay Zaldy Co: "May araw ka rin."
Tinanong ng PEP.ph (Philippine Entertainment Portal) si Alden sa desisyon niyang maging vocal sa mahahalagang isyu ngayon, tulad ng korapsyon at online bullying.
“I have to admit, when it comes to callouts, and voicing out my opinion in terms of current events, I was silent for the longest time, na I don’t wanna be part of it.
“For a lack of a better term, I was safe,” sagot niya sa press conference ng The Alden Richards Ultimate Fan Meet nitong November 27, 2025.
“So right now, I came to a point na I realized na people who [have] platforms, such as mine right now… it’s an avenue to create a noise, to create awareness with what’s happening, so that the voiceless can be heard.”
Sa katunayan, idinaan ni Alden sa kanyang social media accounts ang pag-call out sa mga taong isinasangkot sa korapsyon at pagkondena sa korapsyon.
Kamakailan ay ipinalabas ang pelikula ni Alden sa Netflix na ukol sa injustice at korapsyon, ang Out of Order.
Si Alden ang mismong bida sa pelikula. Ito rin ang kanyang directorial debut.
Nitong kasalukuyang buwan, si Alden din ang nagpasinaya ng Click Kindness, ang anti-cyberbullying campaign ng Sparkle GMA Artist Center, sa 30th anniversary concert ng talent management arm ng Kapuso network.
Read: Alden Richards: Tamaan na kung tamaan ang mga kuracaught
ALDEN: “HINDI KA PA MAGSASALITA?”
Sa paliwanag ni Alden, lantaran at talamak na raw ang ginagawang panloloko ng mga nasa posisyon kaya hindi maaaring tahimik na lang.
Sabi ng isa sa highest celebrity taxpayers: “I think that’s one of the things I consider right now na parang, ‘Nakikita na natin sa harapan natin, hindi ka pa magsasalita?’
“And I think it’s mere selfishness to be even silent at times like this.
"I’m saying this in general, not in any particular issues that we have.”
Naisip daw ni Alden na para sa katulad niyang may malawak na impluwensiya, pagiging makasarili ang manatiling tahimik.
“Yun lang din yung na-realize ko, na parang ang selfish ko naman, na I am blessed with this reach and platform that I have, ‘tapos hindi ko siya magamit…
“Hindi ko siya ginagamit para makapagsalita doon sa mga taong hindi kayang magsalita.
“So, I think, being here and being able to be a voice of someone or a group of people, it has great effect kapag nagsalita yung mga tamang tao, which is marami namang ganun po at the moment."
Dugtong niya: “And right now, I appreciate and I’m one with that movement wherein we fight for what is right, and we fight for what is due to us.
“So I think that’s very important given a platform that you can have a reach to a certain group of people.”
Read: ICC rejects former President Duterte’s appeal for interim release
IS ALDEN SAYING NO TO LOVETEAMS?
Inusisa naman ng PEP si Alden kung hindi na ba siya bukas sa romantic team-ups o loveteams.
Hindi kaila sa publiko na dalawa sa pelikula ni Alden ang napabilang sa highest-grossing Filipino films of all time—ang Hello, Love, Goodbye (2019) at sequel nitong Hello, Love, Again (2024).
Sa parehong pelikula ay katambal niya ang ABS-CBN star na si Kathryn Bernardo.
Napabalita rin ang pagkakamabutihan ng dalawa, subalit naunsyami ito at hindi nauwi sa real-life romance.
Saad ni Alden: “Ako po, I really respect po kasi the culture that we have here in the Philippines, especially that we are such a huge fan of the love concept.
“So loveteams, love stories, love genres in general, or what have you.
“So ako, parang it really depends upon the person right now. How they want to establish their path in terms of the career they’re doing.”
Tanggap din ni Alden na malaki ang naging kontribusyon ng pagkakaroon ng loveteam sa kanyang narating.
“I have to admit and I have to say talagang huge part of what made me now is because of my loveteams before, and I thank them for that.
"And I thank those opportunities for that kasi we cannot eject that from the equation…
“Because that’s what really made me, at the moment.
“Right now kasi, I’m at the point in my life na I wanna try to venture on it also, and test and see na kaya naman din natin to create a name for ourselves.”
Nais tumbukin ni Alden na kahit magkaroon ng ka-loveteam, kaya pa ring makagawa ng pangalan para sa sarili, tulad niya.
Lumalabas na hindi kontra si Alden kahit na itambal siya sa iba, pero nakadepende na lang ito kung sang-ayon dito ang sinumang kanyang makakatambal.
“It’s very possible [to make a name for yourself] as long as you have good intentions.
“Ako, with the question kung kailangan pa po siya, I cannot speak on behalf of everyone. That depends on the person of what route they wanna take," sabi ng Kapuso actor.
Samantala, ipinagdiriwang ni Alden ang kanyang 15th anniversary sa showbiz ngayong taon.
Kaugnay nito, nakatakda ang kanyang ARXV: The Alden Richards Ultimate Fan Meet concert na magaganap sa Sta. Rosa, Laguna Multipurpose Complex sa darating na December 13, 2025.
Read: Husband wins PHP226M lotto jackpot prize; hides it from wife