Wala raw insecurity si Bong Quintana at longtime partner niyang si Boy Abunda pagdating sa achievements nila sa kanilang karera.
Pahayag ni Bong sa PEP.ph (Philippine Entertainment Portal): "Naku, wala!
"Masaya kami for each other kapag may mga naging achievements kami. We uplift each other. We inspire each other.
"Like, he’s happy na nagtuturo ako ngayon sa kolehiyo."
Matagal na ang relasyon nina Bong at Boy.
Noong November 3, 2025, ipinagdiwang nila ang kanilang 42nd anniversary bilang couple.
"The relationship now is better," proud na sabi ni Bong. "Stronger and more secure compared to when we’re starting."
Nag-iiba ba ang dynamics along the way?
"Yes," pagsang-ayon ni Bong. "Nag-iiba, kasi we grow as people. Mabuti na lang sa amin productive yung growth."
Paano nila inaayos kapag nagkaroon sila ng di pagkakaunawaan ngayon?
"We always talk and give our full love and trust to each other," sagot ni Bong.
Ang term of endearment daw nila sa isa't isa ay "Baby" o "Bebeng," natatawang rebelasyon pa ni Bong.
Bukod sa happy and content relationship nila ni Boy, naikuwento rin ni Bong sa PEP ang journey ng kanyang karera.
Dati siyang katuwang ni Boy sa pagpapatakbo ng Backroom, Inc., ang talent management company na pagmamay-ari ni Boy.
Hanggang sa pinasok ni Bong ang corporate world.
Aniya, "In 2010, I joined PAGCOR as assistant vice-president of the entertainment department. Until I retired as vice-president in 2023."
Read: Eric Quizon reveals how adopted sister waived her 50% inheritance
BONG QUINTANA ON ENTERING THE ACADEME WORLD
Sa ngayon ay abala naman si Bong sa pagtuturo sa kolehiyo.
Faculty member siya ng College of Hospitality and Tourism Management (CHTM) sa Eulogio Rodriguez Institute of Science and Technology (EARIST) sa Sta. Mesa, Manila.
"I teach first year to third year students. I haven’t handled fourth year students yet.
“I never thought I’d join the academe. But I always have the interest in sharing my ideas and experiences to friends and staff," kuwento ni Bong.
Si Boy raw ang nag-encourage sa kanyang magturo.
Lahad pa ni Bong: "Nobody pushed me to be in the academe.
"But somehow I think that Boy played a very big part in inspiring me and motivating me to share the knowledge and experiences I have.
"Ganoon kasi ka-generous si Boy sa pag-share niya ng kanyang istorya."
Malapit sa puso ni Bong ang pagtuturo sa CHTM ng EARIST dahil hospitality and tourism industry ang pinakaunang field of career na pinasok niya noong '80s.
"I came from the hospitality and tourism industry. Naging international flight attendant ako sa Philippine Airlines noong 1987.
"It was my first full-time job at 21 years old. It was a phase in my life that, until today, would bring back excitement in my life," nakangiting saad niya.
Read: Dustin Yu, nilinaw ang estado nila nina Bianca at Will
REWARDS AND CHALLENGES OF BEING A TEACHER
Kaya nae-enjoy na raw ni Bong ngayon ang pagpasa ng kaalaman sa mga estudyante niya.
Ano ang pinaka-rewarding sa pagiging teacher?
Sagot ni Bong: “When I see my students learn from my life experiences I share with them.
“The reward is when I get to inspire them to do the best and be the best.”
Ano naman ang challenges?
"There are a lot of challenges as well, especially sa mga facilities sa school.
"Challenges also sa ibang mga students who cannot make it to class kasi galing sa trabaho or walang pamasahe. This breaks my heart."
Read: Eman Bacosa, binigyan ng apartment at luxury watch ni Manny
ON FACILITATING A PUBLIC SPEAKING SEMINAR
Isa sa exciting projects na nilahukan ni Bong bilang faculty member ng EARIST ay ang two-day seminar na isinagawa ng CHTM at ng College of Management, Accountancy and Tourism ng Kabankalan Catholic College, Inc. sa Negros Occidental.
Sa Day 1 ginanap ang seminar para sa public speaking. Ang mga dumalo ay ang mga estudyante mula sa CMAT Council, B.S. Tourism Management, BSED English, The Chronicle, The Herald, at ilang piling elementary pupils.
Sa Day 2 naman ginanap ang seminar para sa basic flight attendant training program.
Ang facilitators ay sina Bong, Maria Rhoda D. Dinaga (college dean), Dr. Tenie P. Lirazan (program chair for extension services), at John Erwin Matol (EARIST alumnus).
“It marked the first regional extension project for my institute, EARIST. I served as the project leader and the resource person during the seminar.
"We have built great teamwork, which made the recent academic venture a success. I’m truly grateful to them," saad ni Bong.
Dagdag niya, "Required sa akademya na makapagbigay kami ng serbisyo sa pamayanan.
"Kaya ibinahagi ko ang aking kaalaman sa basic flight attendant training, event management, at public speaking."
Ayon kay Bong, malaki ang ambag ng partner niyang si Boy Abunda sa kung ano ang mga nababahagi niyang tips sa public speaking.
"Boy always reminds me to teach from the heart and carry my stories with me. He says never to lose grip on reality and to hold fast to my core because when you do, then, you cannot be broken."
Bukod sa pagtuturo, inspirado si Bong dahil malapit na siyang matapos sa kinukuha niyang doctorate degree.
"Right now, I am preparing for my final defense in my doctorate in Business Management and working hard to graduate in July 2026," pagtatapos niya.