Anim na taon nang magkasintahan sina Enzo Pineda, 35, at Michelle Vito, 28.
Pareho silang nasa tamang edad sakaling gustuhin nilang magpakasal.
Read: Enzo Pineda, kailan magpu-propose kay Michelle Vito?
Sa solong panayam ng PEP.ph (Philippine Entertainment Portal), inamin ni Enzo na pinag-uusapan na nila ni Michelle ang pagpapakasal in the future.
"Kami naman po ni Michelle, siguro malalaman ninyo na lang po. We are on that stage. And at the same time, pinag-uusapan din namin siya
"Even life being a married couple, pinag-uusapan na namin yung mga bagay na ganoon," saad ni Enzo.
Gusto raw ni Enzo na paghandaan ang future nila ni Michelle.
Saad niya: "And for me, it’s all about God’s perfect timing. I pray for it.
"At the same time, kumbaga, I pray that I could be a good partner to Michelle, a good husband kung magye-yes po siya sa akin.
"And I also pray for, I guess, financial success. Mainly because I want to have a family with her, put up a house... So, more of those things na ang iniisip ko."
Nakapanayam ng PEP si Enzo, noong December 3, 2025, sa sidelines ng presscon para sa Bar Boys: After School.
ENZO PINEDA ON BAR BOYS: AFTER SCHOOL
Ang Bar Boys: After School ay isa sa walong entries sa 2025 Metro Manila Film Festival (MMFF).
Read: MMFF 2025 official entries: Horror, comedy, drama, thriller
Kasama niya sa lead cast sina Carlo Aquino, Kean Cipriano, Rocco Nacino, at Will Ashley.
Ang Bar Boys :After School ay sequel sa Bar Boys, na ipinalabas sa Pista ng Pelikulang Pilipino noong 2017.
Nadagdag sa cast ngayon si Will, ang Kapuso Second Big Placer ng Pinoy Big Brother Celebrity Collab.
Ikinuwento ni Enzo sa PEP ang pagbabalik ng kanyang character na si Christian.
"One of the OGs sa Bar Boys 1 po. I play a successful lawyer from New York.
"Nagbabalik po ang character ko dito para mag-reunite kami ng barkada. At the same time, to fix my personal issues with my family.
"Definitely, marami pong difference. Sa Bar Boys 1, estudyante pa lang kami.
"Eto, Bar Boys 2 pamilyado na kami. Nasa real world na kami. Marami na kaming pinaglalaban sa buhay."
Challenging daw para kay Enzo na mas bigyan ng lalim ang role niya bilang si Christian.
"Challenging siya kasi ibang tao si Chris noon sa ngayon. At the same time, it’s fun kasi I get to be with the younger artists, the new generation.
"Parang sabi ko sa sarili ko, parang nag-switch nung bata ako. Ay, nakakatrabaho ko yung mga idol ko, yung hinahangaan ko.’
"Ngayon kami na pala yung parang nasa senior artists level," paliwanag niya.
Ramdam daw ni Enzo na marami nang baguhang artista sa showbiz.
"Parang ang tagal ko na pala sa industriya. And I’m still here. [I feel] blessed na nandito pa rin ako,” aniya.
Ang mga makakalaban ng Bar Boys: After School sa MMFF 2025: Shake, Rattle & Roll: Evil Origins; Love You So Bad; UnMarry; Rekonek; I'mPerfect; Manila's Finest; at Call Me Mother.
Kaya ng Bar Boys: After School makipaglabanan sa takilya at awards?
"I do believe as an ensemble cast may laban kami," kumpiyansang sagot ni Enzo.
"I do believe that, especially with Ms. Odette Khan, she has a chance to win an award for this project, and I hope she does. She deserves it.
"Sa tagal na po sa industriya ni Ms. Odette Khan, hindi po siya nagbago. Ganoon pa rin siya kagaling simula nung Bar Boys 1 hanggang nung Bar Boys 2.
Read: Bar Boys cast and director, reunited sa Bar Boys: After School
ON WORKING WITH YOUNG STARS
Bukod kay Will, ang iba pang dumagdag sa cast ay sina Emilio Daez, Therese Malvar, Sassa Gurl, Klarisse de Guzman, at Glaiza de Castro.
Ayon kay Enzo, walang pasaway sa kanila sa set.
"Ay, wala po. Sa totoo po, baka nung Bar Boys 1 baka kami [Carlo, Kean, and Rocco] pa yung pasaway.
"Pero ngayon nakikita ko, itong mga batang kasama namin ay very professional,
humble, grounded, willing to learn.
"Bilib nga ako sa sagot nila kanina. Ini-imagine ko nung 19 ako, ganoon ba ako
sumagot? Sabi ko, parang hindi ako ganoon sumagot dati.
"And at the young age, ganoon ang knowledge and experience nila. So, nakakatuwa na may mga ganoong young actors who really take the craft seriously po."
CHRISTMAS PLANS
Ngayong Pasko, paano siya magdiriwang kasama ang pamilya?
“For me, [ang] Christmas kapag tumatanda ka, it’s usually giving back to your loved ones, to your family, friends.
"Sa totoo lang, pag Christmas, parang wala naman po ata akong binibili para sa sarili ko.
"It’s more of iniisip ko kung ano yung puwede kong ibigay sa mga taong mahal ko like kay Michelle, sa mom ko," sabi ni Echo.
Ang tinukoy niyang Michelle ay ang girlfriend niyang si Michelle Vito.
Pagpapatuloy ni Enzo: "Usually, my family wants me to guess and observe kung ano po yung mga gusto nilang ma-receive. Ganoon kami, e.
"Pero ako naman, I hope that, siyempre happy ako na maraming work. More work means mas maganda yung regalo na ibibigay ko po para po sa kanila.”
Kung may hiling man siya sa Pasko, ang gusto ni Enzo ay managot na ang mga korap na politicians na sangkot sa maanomalyang trillion-peso flood control projects sa bansa.
"Ayun, sana may makulong na. At sana po yung mga taong kulang sa boses ay magkaroon po ng boses to speak up for what’s right."
Sa personal na buhay niya, sabi ni Enzo: "Gusto ko lang po masaya ang pamilya ko and healthy.
"Very blessed to be here. Very thankful na umabot tayo ulit sa panibagong Christmas at makakasama natin ang ating pamilya."
WHAT'S NEXT FOR ENZO PINEDA?
May mga pinag-iisipan na ring career plans si Enzo para sa taong 2026.
"If things go well, baka mag-abroad kami for a show, an international show, hopefully,” sabay cross ng fingers ni Enzo.
Nabanggit ni Enzo na nag-audition siya para sa isang international project.
"Action series po siya, Korean. I don’t wanna jinx it. Pero sana, sana matanggap ako. Good for us, good for me."
May mga negosyo ring gustong itayo si Enzo.
"Meron akong tinatayong pilates business. I also want to put up a car wash business. I like to bake I’m gonna try that
"Magbebenta po ako ng cake sa Christmas, kung may oras. Kung hindi busy sa
pag-promote ng Bar Boys: After School sa Metro Manila Filmfest.
"Ita-try lang. Feel ko may place ako in baking," pagtatapos ni Enzo.