Eere na sa telebisyon via TV5's CineCinco Primetime ang 2020 sexy-romance-drama film na Hindi Tayo Pwede na pinagbidahan nina Lovi Poe, Tony Labrusca, at Marco Gumabao.
Ang pelikula ay iprinodyus ng Viva Films sa panulat ng National Artist na si Ricky Lee.
Umiikot ang kuwento ng Hindi Tayo Pwede kay Gabbie (Lovi), isang frustrated filmmaker na nagtatrabaho sa advertising agency.
Si Gabbie ay interesado sa mga pelikulang may happy endings.
Mai-involve si Gabby sa dalawang lalaki: ang kanyang fiancé na Gabriel (Tony Labrusca) at ang kanyang best friend na si Dennis (Marco Gumabao).
Nagkaaksidente ang kanyang fiancé kaya biglaan itong namatay.
Pero ang catch? Nakikita, nahahawakan, at nakakausap niya pa rin ang multo ni Gabriel!
Kaya naman patuloy pa rin nilang dini-develop ang istorya para sa dream movie nila.
Clueless naman si Dennis sa sa kanyang best friend, pero patuloy niyang itinatago ang nararamdaman niya para kay Gabbie.
Kalaunan, nasabi na rin ni Dennis ang kanyang itinatagong pag-ibig kay Gabbie.
The question now is: will Gabbie finally open her heart for a new love, or patuloy ba siyang magmamahal sa taong parte na ng kanyang nakaraan?
Read: REVIEW: Lovi Poe, Tony Labrusca, Marco Gumabao heat up the big screen via Hindi Tayo Pwede
NETIZEN REACTS TO TV5 PLUG OF HINDI TAYO PWEDE
Ngayong Huwebes, January 8, 2025, naka-plug sa Facebook page ng TV5 na ipapalabas na mamayang gabi sa primetime ng Kapatid network ang pelikula.
Nakalagay sa caption: "Pwede nga ba o hindi?
"Panoorin na ang #HindiTayoPwede, MAMAYA, 8:45PM sa #CineCincoPrimetime!"
Sinamahan ito ng isang simpleng poster.
Pero nakaagaw kaagad ito ng atensiyon ng netizens.
Para kasing hindi nabigyan ng effort ng graphic designer ang promotional material para sa Hindi Tayo Pwede.
Komento tuloy ng isang netizen, "absent graphic designer nyo no?"
Sagot ng TV5 social media personel, "Ckret!"
Ayon sa isa pa, "Ano ba namang edit yan? Daig pa kayo ng grade 2. Hahahahaha taena!"
Sabi ng isa, "Hindi tinamad, pero tinipid"
"Imbes na paganon, paganon!," tugon ng TV5.
Ayon sa isa pa, "*Niremove background
“Pwede na yan”
Face with peeking eye emoji lang ang sagot ng TV5.
Hinala ng isa, baka pakulo o strategy lamang ito ng social media staff ng istasyon para mapansin.
Aniya, "Clout chaser talaga 'tong TV5. Ayos strategy niyo sa madla, daming natuwa lalo na yung ghost fighter voice over"
Wala ng iba pang komento ang sinagot ng TV5.
Read: TV5 shows in 2026: Wilyonaryo, The Kingdom, The Good Doctor PH