Nagbigay ng reaksiyon si Luis Manzano sa usap-usapan tungkol sa "power couple" na mala-fairtytale marriage ang public image sa showbiz pero mayroon daw palang itinatagong marital conflict.
Diumano, ilang beses nang nambabae si mister.
At nitong huli ay hindi na umano kinaya ni misis na napaiyak pa raw sa harap ng mga kaibigan.
Pero kahit may third-party issue ay tila handang magtiis si misis.
Ilang celebrity couples ang inuugnay ng ibang netizens sa isyu.
LUIS MANZANO'S REACTION
Sa parte ni Luis, kaswal niyang pinabulaanang hindi sila iyon ng kanyang asawang si Jessy Mendiola.
Ni-repost pa Luis ang post sa X na may kalakip na screenshot ng blind item.
"Sleep lang po ako, di po kami," malamang post ni Luis sa kanyang X account noong Biyernes, January 9, 2026.
Sina Luis at Jessy ay nagpakasal noong Pebrero 2021. Ang anak nilang si Peanut ay tatlong taong gulang na.
Unang lumabas ang blind item sa Facebook page ng isang online lifestyle magazine noong January 6, 2026.
Related articles:
- Dennis Trillo says "no issue" between wife Jennylyn, his parents
- Marian Rivera says “power couple” blind item not her and Dingdong
A COUPLE OF DENIALS
Sa pag-react ni Luis, tuluyan na niyang tinuldukan ang usapang sila ng asawang si Jessy Mendiola ang tinutukoy ng tsismis.
Hindi lang si Luis ang nagbigay ng opinyon ukol dito.
Nariyan sina Marian Rivera at Dingdong Dantes.
Noong January 8, 2026 ay si Marian mismo ang tumanggi rito sa pamamagitan ng pagtawag sa PEP.ph (Philippine Entertainment Portal) contributor at Marites University co-host na si Rose Garcia.
Ayon kay Rose, nagpadala pa si Marian ng litrato nila ni Dingdong na magkasama noong mga oras na kinumusta ni Rose si Marian.
Dinismiss lang ni Marian, at sinabing sanay na umano siya sa pang-iintriga sa kanila ni Dingdong.
Isa rin si Dennis Trillo, na dinepensahan ang asawang si Jennylyn Mercado.
Bukod kasi sa issue ng hiwalayan ay may usap-usapan ding may hidwaan umano sa pagitan ni Jennylyn at ang mga magulang ng Kapuso actor.
Pinabulaanan ito ni Dennis sa isang Facebook post.
“Sa mga hindi po nakakakilala sa aking asawa, isa siya sa pinakamabuting tao sa buhay ko. Isang pribilehiyo na ako ang pinili niyang makasama habang buhay.
“Ang mga magulang ko naman ay may edad na po. Hindi din sila showbiz at tahimik lang sila na namumuhay... wag naman sana sila bigyan ng isyu,” saad ng Green Bones actor.