Marami ang nagulat sa rebelasyon ng Filipino international singer-actress na si Lea Salonga na hiwalay na sila ng kanyang asawang si Robert Chien, isang American businessman of Chinese-Japanese descent.
Sina Lea at Robert ay parehong 54 years old.
Bahagyang nabanggit ni Lea ang tungkol dito sa panayam niya sa ilang piling reporters, kabilang na si MJ Marfori ng TV5, para sa promo ng Les Miserables: World Tour Spectacular na nagsimula nang magtanghal sa The Theatre At Solaire noong January 20, 2026.
Gumaganap si Lea sa Les Miserables bilang Madame Thenardier.
Read: Lea Salonga on husband Robert Chien: "I married an incredibly wonderful guy!”
LEA SALONGA CONFIRMS SEPARATION FROM ROBERT CHIEN
Isiniwalat ng Broadway star ang estado ng relasyon nila ni Robert nang madako ang usapan tungkol sa nag-iisa nilang anak, ang trans actor na si Nic Chien.
Ayon kay Lea, maraming nakukuhang suporta si Nic mula sa mga nagmamahal sa kanya.
Ito ay sa kabila ng "super busy" nila ni Robert.
"He [Nic] has so much support... We're both super busy but, thankfully, the dad and dad's partner are the ones kind of 'Pag may sipon ka, it's here, let's send you food. Let's make sure that you're well.'"
Pagkatapos nito ay kinumpirma na nga ni Lea na hiwalay na sila ni Robert.
"Yes... So, yes, it's not a secret. I am... yeah, we've been separated for a while.
"And now he's happy and I am happy that he's happy," saad niya.
Hindi na nagbigay ng karagdagang detalye si Lea tungkol sa sanhi ng paghihiwalay nila ni Robert at kung kailan ito naganap.
Ikinasal sina Lea at Robert sa Cathedral of Our Lady of Angels, Los Angeles, California, noong January 10, 2007.
Read: Lea and Robbie: A Wedding Fit for a Diva