Hindi naikunsidera ang pelikulang The Kingdom sa 73rd FAMAS Awards na ginanap noong Agosto 22, 2025, sa Manila Hotel.
Isiniwalat ito ng kasalukuyang artistic director ng FAMAS (Filipino Academy of Movie Arts and Sciences na si Atty. Vince Tañada sa mediacon ng inaugural FAMAS Broadcast Arts Awards noong Enero 28, 2026, Miyerkules, sa Acacia room ng Manila Hotel.
Read: 73rd FAMAS: Marian, Vice, Arjo, Nadine win top acting honors
“Sa FAMAS, kailangang mag-entry. Iyon ang mga pipiliin namin,” paliwanag ni Atty. Vince.
“Simula nang nag-artistic director at nag-head jury ako sa FAMAS… kasi dati, rule nila, kailangang mag-entry. E, may mga magaganda, ayaw mag-entry.
“Nagko-communicate kami. Sabi namin, ‘Mag-entry kayo.’ Kasi, ine-email namin talaga. Kasi… baka mamaya, hindi nila nakita ang post namin, gusto naman pala nilang mag-entry.
“Maraming ganun, lalo na sa FAMAS for film. Tinatawagan namin, at nag-e-entry naman sila.
“May isa lang na talaga… ayaw mag-entry. Kahit anong pilit namin, ‘Sige na! Kasi puwede talaga kayong manalo.’
“Yung The Kingdom last year. Ayaw nilang mag-entry. Nakailang email kami, ayaw nilang mag-entry.
“Kasi naniniwala kami, ang ganda ng production design. Ang ganda nung cinematography.
“Tapos si Vic Sotto, naniniwala kami, puwede siyang ma-nominate. E, ayaw! So, wala kaming magagawa. Ayaw, e!”
Ang The Kingdom ay joint venture ng APT Entertainment, MQuest Ventures, at MZet Television Productions. Idinirek ito ni Michael Tuviera.
Maliban kay Vic, nasa cast ng The Kingdom sina Piolo Pascual, Cristine Reyes, Sue Ramirez, Sid Lucero, Nico Antonio, Zion Cruz, Ruby Ruiz, Iza Calzado, at Cedrick Juan.
Nalaman ba nila kung bakit ayaw sumali ng The Kingdom sa 73rd FAMAS Awards?
“No. No response… pero we emailed them, yung mga importanteng email nila, in-email namin,” sambit ni Atty. Vince.
Read: Michelle Dee, sinampahan ng qualified theft ang driver ni Rhian Ramos
IAN VENERACION DECLINED FAMAS CHILD ICON AWARD
Para sa 73rd FAMAS Awards ay napiling Child Icon of Philippine Cinema sina Niño Muhlach, Matet de Leon, Ice Seguerra, Judy Ann Santos, Gladys Reyes, at Ian Veneracion.
Dumalo sa awards night sina Onin, Matet, Ice, Juday at Gladys, pero absent si Ian.
“Nag-email kami nang nag-email, tapos nalaman na lang namin, he didn’t want to accept the award,” pagsisiwalat ni Atty. Vince.
“So kami naman, for some reason, may nagpahatid sa amin, so okay. Pero in-email namin nang in-email.”
Isang kaibigan ni Ian ang tinawagan daw ng kampo ng FAMAS para ma-inform si Ian personally. Non-responsive daw si Ian.
Ibinigay pa ba nila kay Ian ang FAMAS trophy?
“Hindi. Kasi, ayaw niya,” sey ni Atty. Vince.
Nasa-FAMAS Facebook page pa ang artcard ng announcement kay Ian para sa naturang special award. Invalidated na raw iyon.
Puwede pa bang ma-nominate si Ian sa FAMAS in the future?
Mabilis na tugon ni Atty. Vince: “Oo naman. Oo naman, kasi we are geared towards excellence. Hindi naman ugali ang basehan ng FAMAS kung sino ang a-award-an.
“May ganung ibang award-giving bodies, ha? Yung ugali ang tinitingnan. Tapos pagka ano. Hindi naman kami ganun.
“Kaya lang, ito kasi ay special award, yung Child Icons.”
Read: Tommy Tiangco addresses alleged falling-out with Tim Laude, "f*** boy" issue
FAMAS PRESIDENT REACTS
Ano ang pakiramdaman ng mga taga-FAMAS sa pandededma o pang-iisnab ni Ian Veneracion at ng The Kingdom?
OK lang ba iyon sa kanila?
Graciosang sagot ni FAMAS President Francia Camacho Conrado: “Hindi ako masyadong nagpo-focus sa mga ganyan. At least we did our part. Kung hindi man nila ire-return back yung aming ino-offer sa kanila, it’s OK.
“Marami pang pagkakataon. Napaka-busy din naming tao. But you know we’ve been hearing a lot kasi about Ian Veneracion that, ‘Ay! May attitude yan.’
“From his co-artista, ha? Like, when I was talking to Matet, sabi ni Matet, ‘Ha?! Ian?!’ Smirk lang siya.
“He has to know. I’m sorry, hindi naman basta-basta lang io-offer sa kanya ng FAMAS iyon kung hindi naman talaga siya iconic.
“You can say, ‘I’m sorry, Ma’am, I cannot go. May shooting ako,’ or what. As simple as that. Mahirap bang gawin yon?
“But to be snubbed totally for a FAMAS trophy… well, hello.”
Read: Rhian Ramos at Michelle Dee, sinampahan ng torture, serious illegal detention
famas BROADCAST ARTS AWARDS
Nakatakda ang 1st FAMAS Broadcast Arts Awards sa Mayo 4, 2026, sa Fiesta Fiesta Pavilion ng Manila Hotel.
Ang bawat awardee ay pagkakalooban ng bronze FAMAS trophy, kung saan ang babae ay may hawak na play button sa halip na rolyo ng pelikula.
Dalawampu’t walo (28) ang competitive categories — walo sa Radio, at 20 sa Television + New Media.
Meron dalawang special awards — Broadcast Arts Icon Award, at Broadcast Arts Breakthrough Award.
Ang walong kategorya sa Radio ay Best AM Program, Best FM Program, Best AM Anchor, Best FM Anchor, Best Radio Drama Show, Best Radio Drama Performer, Best Podcast, at Best Podcast Host.
Ang 20 categories sa Television + New Media ay Best Series (Long-Form or Short-Form), Best Anthology, Best Performer (Series or Anthology), Best Supporting Performer (Series or Anthology), Best Director (Series or Anthology), Best Screenplay (Series or Anthology), Best Variety Show, Best Comedy Show (Long-Form or Short-Form), Best Educational Show, Best Lifestyle Show (Travel, Food, Beauty & Wellness, Business, Hobbies), Best Magazine Show, Best Entertainment Talk Show, Best Public Affairs Talk Show, Best News Program, Best News Anchor, Best Public Service Show, Best Documentary, Best Show for Game, Reality, or Competition, Best Host for Entertainment, at Best Host for Public Service.
To qualify, entries should have run between January 1, 2024 and December 31, 2025.
SABUNG-SABONG
Last year tinanggap ni Atty. Vince Tañada ang responsibilidad na maging artistic director ng FAMAS.
“I am handling now FAMAS Annual, yung movies. FAMAS Prestige. And for the first time, we are producing FAMAS for Radio, Television and New Media,” lahad ni Atty. Vince.
“Of course, there were apprehensions sa start. Kasi nga, alam naman natin, may PMPC Star Awards for TV na. Kaya lang, naisip namin, the more, the merrier.
“There’s no monopoly of ideas. And we can support the industry also by having this first FAMAS for Broadcast Arts.
“Nagkaroon kami ng malawakang pag-aaral tungkol dito at ang nakita namin, that we should honor also not only free TV, but mga new media na tinatawag.
“Halimbawa, yung sa Tiktok, sa YouTube, at yung sa iba pang mga social media handles.
“So we are also honoring mga influencers, even yung sa YouTube na mga series. At ang maganda dito, magkakalaban sila lahat. Sabung-sabong!
“Because hindi naman natin puwedeng paghiwa-hiwalayin kunwari. Ang ibig sabihin, we are honoring talents.
“So we are recognizing and acknowledging na ang talent natin ay pare-pareho regardless kung ano yung platform.”
Andami nang iba pang award-giving bodies, tulad sa mga paaralan, at may mga indibidwal na ginawa nang negosyo ang pamamahagi ng parangal.
Pagmamatuwid ni Atty. Vince: “Ang kakaiba sa FAMAS, if you will compare it to PMPC Star Awards, puro sila mga movie reporters. Halimbawa kung Gawad Urian, puro sila mga manunuri o tinatawag natin na critics.
“The thing kasi with FAMAS, not only with the Broadcast Arts but also with the annual award for movies, multi-sectoral kami.
“So iba’t ibang mga representation yung merong mga jury sa amin. May housewife, may students, may politician. Somebody from the government.
“May businessmen. May artist. So iba-iba. Napakahirap dahil magkakaiba ang taste ng mga iyan.
“Ang gusto ko lang sabihin, that we represent the entire country. So, hindi mo puwedeng masabi na isang sektor lang.
“Multi-sectoral ang FAMAS. Ganoon din sa B.A., for Broadcast Arts. Kasi, we are honoring yung sa TV, sa online, at sa radio.
“At ang pipili ng mga nominado at mga awardees ay multi-sectoral.”