Sa gitna ng kanilang pagdadalamhati sa pagpanaw ng Barretto matriarch na si Estrella "Inday" Barretto kahapon, January 29, 2026, pinasalamatan ni Claudine Barretto ang mga kapatid sa "pantay-pantay" na pag-aalaga sa kanilang yumaong ina.
Sa pamamagitan ng kanyang verified Facebook account ngayong Biyernes ng umaga, January 30, isang mensahe ang ipinaabot ni Claudine sa lahat ng mga kapatid, pati na ang mga apo ng yumaong ina.
Read: Inday Barretto, mother of Gretchen, Marjorie, Claudine, dies at 89
Saad ni Claudine sa kanyang mensahe (published as is): "to my Brother & all my sisters thank you. Magulo man po kami but in Grief we are all United. we all did our part.
"JJ, Michie, Gia, G, Marjorie & all the apos pati apo sa tuhod. Pantay pantay inalagaan ang mommy.
"We choose Peace over everything.
"We don't need flowers. Your Prayers all mean the world to each & everyone of us. Maraming salamat po sa inyong lahat."
Ang "G" na tinutukoy ni Claudine ay si Gretchen Barretto.
Ang panganay nilang kapatid na si Mito Barretto ay pumanaw noon lamang September 2025.
Sa huling bahagi ng kanyang mensahe ay nagpaalam si Claudine sa pumanaw na ina.
Tiniyak din niyang magiging "ok" sila dahil sila raw ay mga anak ni Inday Barretto.
Mensahe ni Claudine: "Goodbye Mom. We will be ok. how can we not?
"WE ARE INDAY BARRETTO's children.The strongest most loving Mother anyone could ask for"
BARRETTO SIBLINGS
Marami ang natuwa sa mensaheng ito ni Claudine dahil hindi lingid sa kaalaman ng publiko ang mga hidwaan sa pamilya Barretto.
Read: A Timeline: The Barretto Family Feud
Alam ng marami ang matagal nang alitan sa pagitan nina Mommy Inday at Gretchen, Gretchen at Marjorie, at Marjorie at Claudine.
Noon lamang October 2025 ay muling nagkalamat ang relasyon nina Mommy Inday at Marjorie dahil sa mga pahayag ng Barretto matriarch sa interview sa kanya ni Ogie Diaz.
Ngunit base sa post Claudine, isinantabi muna nila ang lahat ng ito upang alagaan si Mommy Inday mula nang ma-confine ito sa ospital hanggang sa bawian ito ng buhay.
Read: Marjorie Barretto laments Mommy Inday's statement against her