Pumanaw na ang beteranang aktres na si Vangie Labalan, Ma. Christina Bonghanoy Labalan sa tunay na buhay, ngayong Huwebes, February 12, 2026.
Siya ay 83.
Inanunsiyo ng anak ni Vangie na si Carlo Labalan ang malungkot na balita sa pamamagitan ng social media post.
Sa Australia binawian ng buhay ang aktres dahil sa "illness" na hindi tinukoy.
Iuuwi raw sa Pilipinas ang mga labi ni Vangie, at ibabahagi ng kanyang pamilya ang mga detalye tungkol dito sa mga susunod na araw.
Naulila ni Vangie ang kanyang apat na anak.
Read: Vangie Labalan: Unforgettable Bitter Showbiz Experience
Nakasaad sa kabuuan ng Facebook post ni Carlo: "With heavy hearts, we announce the passing of our beloved mother, grandmother, sister, aunt, cousin and friend, Vangie Labalan (Ma. Christina Bonghanoy Labalan).
"She passed away today in Australia due to illness, surrounded by those dearest and nearest to her heart. Her memories will forever remain in our hearts.
"To everyone who know her, love her, and was touched by her kindness, we extend our deepest gratitude. She is deeply loved and will be dearly missed by her family, friends, and all whose lives she touched.
"She will be coming home soon. Further details regarding her wake and funeral services will be shared in the coming days.
"Thank you for your prayers, love, and support during this difficult time."
Read: Korean actor Jung Eun Woo passes away at 40
VANGIE LABALAN'S ACTING CAREER
Tumagal ng mahigit anim na dekada acting career ni Vangie Labalan.
Nag-umpisa ang acting career ni Vangie sa edad na 19 nang sumali siya sa audition para sa isang radio drama sa Bacolod noong 1962.
Ang National Artist for Film na si Ishmael Bernal ang nakadiskubre kay Vangie nang nakita niya sa dubbing studio noong 1979.
“I was dubbing for Aliw when Ishmael Bernal saw me and cast me for City After Dark [1980] and then Himala [1982], Sugat sa Ugat [1983] and the rest is history,” kuwento ni Vangie sa panayam sa kanya ni Jojo Gabinete para sa PEP.ph (Philippine Entertainment Portal) noong 2024.
Bukod sa mahusay na character actress, magaling ding voice actress at radio soap writer si Vangie.
Hindi na matandaan ni Vangie ang halaga ng unang talent fee na kanyang natanggap.
Sabi niya: “I forgot my first talent fees for TV and movie but I laughed at it because I earned big voicing for radio commercials.
“I was a writer also for radio soaps and Kasaysayan ng Lahi ni Ka Doroy Valencia. I also translated scripts and produced radio commercials.”
Read: Dawson's Creek star James Van Der Beek dies at 48
Dahil magaling at maaasahang aktres si Vangie, naging paborito siyang katrabaho ng isang National Artist for Film din, ang direktor na si Marilou Diaz-Abaya.
“Marilou got me for a number of films after Himala,” saad ni Vangie.
Itinuturing niyang highlight ng kanyang acting career ang mga eksena niya kasama sina Vilma Santos at Malu de Guzman sa Alyas Baby Tsina, na mula sa direksiyon ni Marilou at ipinalabas sa mga sinehan noong Oktubre 1984.
Kabilang din sa mga naunang pelikula ni Vangie ayBukas Luluhod ang Mga Tala (1984), Misteryo Sa Tuwa (1984), Pati Ba Pintig ng Puso? (1985), at Till We Meet Again (1985).
Napanood din siya sa Babaing Hampaslupa (1988), Dyesebel (1990), Kahit Konting Pagtingin (1990), Shake Rattle & Roll II (1990), Hihintayin Kita Sa Langit (1991), Maalaala Mo Kaya The Movie (1995), Madrasta (1996), Curacha: Ang babaeng Walang Pahinga (1998).
Kadalasan ng mga ibinibigay sa kanyang roles ay bilang yaya o kasambahay, ngunit mas tumatak siya sa mga manonood dahil sa kanyang comedy movies.
Napanood din siya sa mga teleserye gaya ng Anna Luna (1989-1995), Marinella (2000-2001), Sa Dulo ng Walang Hanggan (2001), Kay Tagal Kang Hinintay (2002), Sana'y Wala Nang Wakas (2003), Ang Iibigin Ay Ikaw (2003), Marinara (2004), Twin Herats (2005), Encantadia (2005), Bakekang (2006), Kung Mahawi Man ang Ulap (2007), Ako Si Kim Samsoon (2008), Darna (2009), Diva (2010), Jejemom (2010), Imortal (2010-2011), at Inday Will Always Love You (2018).
Naging bahagi rin siya ng mga action-drama series ni Coco Martin na FPJ's Ang Probinsyano at FPJ's Batang Quiapo.
Read: Barretto matriarch Inday Barretto dies at 89
Additional text by Jojo Gabinete