Umani ng samu't saring reaksiyon ang mga naging pahayag ng ex-StarStruck Avenger na si Alvin Aragon kaugnay sa sexual orientation ng stepdaughter nitong si Sofia Trazona.
Sa panayam kay Alvin ng DWAR Abante Radyo noong Biyernes, February 13, 2026, malinaw na hindi ito sang-ayon sa pagiging trans woman ni Sofia.
Si Sofia, na ang totoong pangalan ay Andrei Trazona, ay anak ng dating miyembro ng SexBomb Girls na si Izzy Trazona sa dating karelasyong si Michael Navarro.
Ayon kay Alvin, taliwas sa utos ng Diyos ang pagiging LGBTQ at naniniwala siyang sa impiyerno ang bagsak ng mga ito.
WHAT ALVIN SAID ON AIR
Binalikan ni Alvin ang isyu na diumano'y hindi tinanggap ni Izzy si Sofia dahil ninais nitong maging trans woman.
"E, totoo naman, e. Ano bang sabi sa Bible? God judged homosexuality.
"Read Genesis 17:18 and 19 — 'those men in Sodom and Gomorrah want to have sex with other men, and God judged Sodom and Gomorrah,'" diin ni Alvin.
"Ngayon, ang mabuting magulang, sasabihin mo sa anak mo kung ano yung huwag mong gawin, di ba? Kasi mapapahamak ka diyan pag ginawa mo."
Pagpapatuloy ni Alvin: "God will throw you to hell if you continue to do homosexuality.
"Mamuhay ka, and you don't want to believe in Jesus? I assure you that God will throw you to hell if you don't stop, repent, and believe in the gospel."
Incidentally, nabanggit ni Izzy kamakailan ang estado ng relasyon nito kay Sofia.
Bagamat hindi nagkikita, may komunikasyon pa rin naman daw sila ng anak.
Read: Trans woman na anak ni Izzy, inaming di na sila nagkikita ng ina
Ipinakita ni Izzy, sa pamamagitan ng social media, ang mensahe sa kanya ni Sofia kung saan binati siya nito matapos ang surprise performance ng ina sa reunion concert ng dati nitong grupo na SexBomb Girls.
Mensahe ni Sofia sa ina (published as is): "I'm so happy and proud of you! Inspite of everything you still sticked to what you know is right. Naiiyak lang ako na nakita ko na nasa concert ka with your friends."
Nagpasalamat naman si izzy kay Sofia at sinabing miss na niya ito at mag-iingat ito palagi.
Sagot ni Sofia: "I miss you super! Pinagpi-pray kita palagi. I love you too!"
Samantala, sa parehong panayam kay Alvin ay kinontra niya ang haka-hakang siya ang dahilan kung bakit nilisan ni Izzy ang SexBomb Girls.
Saad niya: “Sinasabi nila, ‘Kaya pala wala sa SexBomb si Izzy dahil sa lalaking yan, e.’ Teka lang, ha! Matagal nang wala si Izzy sa SexBomb, 2009 pa lang. Hindi pa nga ako yung asawa, e.
“Sino ang nagpa-resign kay Izzy sa SexBomb? Ang Panginoon, noong naging Christian si Izzy. Pinag-resign ng Lord.”
Read: Izzy Trazona bares recent convo with trans child Sofia
NETIZENS REACT TO ALVIN'S STATEMENT
Katulad ng inaasahan, marami ang nag-react sa mga sinabi ni Alvin laban sa LGBTQ community.
Komento ng isang netizen sa TikTok (published as is), "sorry mami izzy pero anong nagustuhan mo rito? [crying emoji]."
"Ang linis linis ni Alvin Aragon!!" reaksyon ng isang nakapanood.
May nagsabi ring, "Hindi lahat ng taong alam ang salita ng Diyos ay mabuti."
Palagay naman ng isang netizen: "ang mabuting magulang mamahalin ang anak kahit ano pa sya."
Sa isang banda ay may nagtanggol din kay Alvin at sa sinabi nito.
"Tama naman sinasabi ni alvin. Nasa bible yan. Hnd yan gawa gawa lang."
Read: Raising LGBTQ+ children: Does a parent truly love when one does not accept a child's gender?