Content vs. delivery.
Ito ang hinimay ni Angeli Pangilinan-Valenciano sa kontrobersiyal na mga pahayag ni Alvin Aragon tungkol sa SexBomb Girls.
Inaakusahang "self-righteous" at "imposing" si Alvin ng ibang netizens dahil sa pamumuna niya sa mga mister ng SexBomb na hinayaang mag-perform ang mga misis nito sa SexBomb concert.
Lalo siyang nabatikos sa kanyang pag-quote ng Bible ng verses na may kinalaman sa "homosexuality" at kung bakit tutol siya sa transition ng anak ng misis niyang si Izzy Trazona.
Self-confessed transwoman ang anak ni Izzy na si Andrei, o mas kilala ngayong Sofia.
Read: StarStruck alum Alvin Aragon draws backlash over anti-gay remark
Nang eksklusibong makausap ng PEP.ph (Philippine Entertainment Portal) si Angeli, idinetalye niya kung bakit tingin niya ay nababatikos nang husto si Alvin.
Tulad ng mister na si Gary Valenciano, si Angeli ay bukas sa pagiging born-again Christian.
At nabanggit niya na sang-ayon siya sa pahayag ng mister na si Gary na may mga salita sa Bibliya na masakit pakinggan at mahirap tanggapin.
"When you say something, really, about the word of God, not everybody likes it, e, kasi it's really hardcore, di ba?
"E, kaya nga pinatay si Hesus, di ba? Kasi nga ayaw ng mga tao yung mga sinasabi niya," bungad ni Angeli.
Sabay ipinaliwanag niya na may pinipiling panahon at lugar ang pagbahagi ng salita ng Diyos.
"Pero my spiritual director or mentor told me, and Gary always tells me this, 'You always say the right thing, but many times you say it at the wrong time.'
"So if you say it at the wrong time, it makes it wrong even if what you say is correct.
"So my mentor told me, 'When you're saying something, you have to check how do you say it? When do you say it?' Question is, why do you say it? Why? How?"
Dugtong pa ni Angeli: "E, the Bible says, you know, you have to be gentle. E, medyo, siguro he's not as spiritual mature yet. Parang bata pa siya sa Lord or something.
"Sabi nga ni Gary, we love the same God or something like that. So, it's just..."
Ang tinutukoy ni Angeli ay ang pahayag ni Gary na noong baguhan itong born-again Christian ay diretsong pinupuna niya kapag may nakikitang taliwas sa nababasa niya sa Bibliya.
Ganoon din daw si Angeli noon.
"When I was what we call a 'baby Christian,' sinabi ko sa nanay ko, 'You'll go to hell,'" sabay natawa sa sariling sabi ni Angeli.
Pagpapatuloy niya: "Galit ng galit yung mga kapatid ko sa akin at saka nanay ko kasi [diretso kong sinasabi], 'Mom, alam mo sa Bible di puwede yun, ha,' ganon.
"Buti na lang wala pang [social media] dati kasi ganun din ako dati."
Baka raw kasi nag-viral din siya.
"So, this is my advice to Alvin, you know. There's also a time and a place for everything," diin ni Angeli.
Read: Gary Valenciano weighs in on backlash against Alvin Aragon
angeli pangilinan-valenciano ON GARY v at sexbomb concert
Kung si Alvin ay tutol na mag-perform ang misis na si Izzy, si Gary naman ay game na nag-perform sa Get, Get Aw! rAWnd 5: The SexBomb concert noong February 8.
Ipinaliwanag ni Angeli sa PEP kung paano nagdesisyon si Gary.
Si Angeli ang CEO at president ng Manila Genesis Entertainment and Management Inc., na namamahala sa career ni Gary.
Bilang manager ni Gary, pinag-isipan daw muna ng kanyang team ang gagawing guest performance ng respetadong singer.
"Meron kaming Board of Directors, I call them the Guardians of the Galaxy in Genesis.
"Yung mga over 60 [years old]. Yung mga with me for 30 years, 25 years, 35 years. I said, 'Should Gary do it or not?'
"Kasi he's a Christian leader, e. Sabi ng iba, 'Ah, no.'"
Pero iba ang posisyon ni Angeli.
Lahad niya pa rin sa PEP: "Sabi ko, 'Napaka-judgmental ninyo!'
"I said, 'I believe that he should do it. And if you're scared of... then let him sing a song that will bless them.
Tukoy niya sa SexBomb Girls, "Because it was the girls talaga na gustong, gustong, gusto nila si Gary.
"Andami nilang Kristiyano na diyan, e, or renewed Catholics, ganyan. So, I said, 'Let him sing a Christian song, an inspirational song.'
"So we agreed to 'Shout for Joy.' We didn't know, 'Isa pa! Isa pa!' So he did 'Hataw Na,' pero impromptu, walang rehearsal. Ganda, ganda! Grabe, nag-viral yun, e."
Punto pa ni Angeli, hindi nagpri-preach si Gary pag tumutungtong ng entablado.
"But his song said it all," aniya sa performance ng asawa.
Sabi pa niya tungkol sa mensahe ng kinanta ni Gary, "Jesus is Lord, and he's right for you. Sing his praise unto the Lord.'"
Iyon daw ang kaibahan ni Gary kay Alvin.
"Pero si Alvin, unang ginawa niya, parang, he's not naman a preacher so he was not yet in that level of ire-respeto.
"Si Gary kasi, legacy artist na kasi si Gary, di ba? So, parang he earned the right to say what he has to say about these things.
"Kaya nga, meron isang comment doon, 'A mature Christian versus amateur.' But what it really was saying was he is a Christian, but it's just, he's still not yet used to how to say things.
"The timing is always the most important."
Read: SexBomb rAWnd 4: stunts and surprises in an unforgettable reunion
ON ALVIN ARAGON NAME-DROPPING HUSBANDS OF SEXBOMB GIRLS
Tanong pa ng PEP, nakasama ba kay Alvin na nandawit pa ito ng mga pangalan ng SexBomb Girls at mga mister ng mga ito?
Kinumpara kasi ni Alvin ang paninindigan nito na hindi pasalihin sa concert ang misis na si Izzy sa pagpayag ng mga mister ng ibang miyembro ng iconic all-girl group.
Sagot ni Angeli: "Like I said, bago pa siya. Or even if he's not bago, he's still in a season where hindi pa niya natututunan yung dapat. Siguro, in that area. Maybe in other areas, mature na siya, ganyan.
"Pero in this area, he forgot that he was, I feel, he was bulldozing over the others who are Christians also, who are in SexBomb also.
"Si Jopay [Paguia], inaanak ko. Asawa niya si Joshua Zamora. And they're very strong Christians those two.
"Pero, hindi niya [Alvin] nakita na parang naapakan niya sina Jopay, sina Rochelle [Pangilinan]. So yun, hindi niya na-realize yun."
Read: Jopay Paguia saddened by Alvin Aragon’s remarks vs SexBomb Girls
Naiintindihan daw ni Angeli si Alvin dahil siya man ay ganoon daw noong nagsisimula siya bilang Kristiyano.
"And promise, I was the queen of foot-in-mouth disease dati," natatawang bulalas ni Angeli.
"Foot in mouth, yung ang dami mong sinabi na mali," paglalarawan pa niya sa sarili niya noon.
"I was very infamous. Sa mga script, di ba?" tukoy ni Angeli sa pagiging prangka niya bilang manager ni Gary.
Wala pa raw siyang "wisdom" noon.
"Wisdom kasi, it takes time," dagdag niya.
Sa huli, nag-iwan ng mensahe si Angeli para kay Alvin.
Sabi niya; "Pero my advice to Alvin is focus on Christ. Parang yun si Peter when he was walking on water, di ba? He walked on the water when he was focused on Jesus.
"Nung tiningnan niya yung wind and the waves, he sank. But when Jesus pulled out his hand like that, he reached his destination.
"So what I wanna tell Alvin, 'You wanna reach your destination? Focus on Christ. Don't look at the trolls. You cannot please the world.
"You only have an audience of one. You must please God. So focus on him and obey him. That's it.'"
Pagpapatuloy ni Angeli: "Because if you look at everyone, your asawa, the other Sexbomb dancers... Andami niyang nasabi, di ba? He ended up hurting a lot of people, you know.
"And practice what you preach. The gifts of the Holy Spirit, wala naman doon anger, rage, or condemnation. Walang ganun, e.
"It's love, joy, peace, patience, kindness, goodness, gentleness, self-control. Yun ang fruits of the Holy Spirit.
"Hindi mo naman nakita yun sa mga sinasabi niya, di ba? I'll pray for him na lang and Izzy.