Nagbigay ng pahayag si Miss Universe Philippines 2025 Ahtisa Manalo ukol sa mainit na usapin ngayon tungkol sa pag-o-objectify at pagse-sexualize sa mga kababaihan.
Sinasang-ayunan ng beauty queen ang pagku-call out ng publiko — maging ng mga artista, organizations, at public figures — laban sa “sexist” comments sa mga kababaihan.
Naging malaking usapin kamakailan ang naging pahayag ni Quezon City Representative Bong Suntay sa House Committee on Justice hearing sa ginanap na impeachment trial kay Vice-President Sarah Duterte noong March 3, 2026.
Parte ng pinag-usapang statement ni Suntay, “Nakita ko si Anne Curtis… may desire sa loob ko na nag-init talaga.”
Makalipas ang maraming araw, hot topic pa rin ang isyung ito. Tuluy-tuloy ang pagkondena sa ginawang pahayag ng kongresista.
Read:
- Anne Curtis rejects Bong Suntay’s "non-apology"
- Asawa ni Bong Suntay, nag-apologize kay Anne Curtis
- Aktor, DGPI, FAP nanindigan kontra Congressman Bong Suntay
AHTISA MANALO CONDEMNS LEWD REMARKS ABOUT WOMEN
Mabilis ang naging sagot ni Ahtisa nang tanungin ng PEP.ph (Philippine Entertainment Portal) tungkol sa pagse-sexualize, pag-o-objectify sa mga kababaihan ng ilang mga kalalakihan at sa social media.
“I think it’s a deeply concerning issue that up until now that women are treated as objects.
“It’s pervasive in our society. Sadly, even with the recent news happening…” sagot ni Ahtisa sa contract signing niya sa Sparkle GMA Artist Center nitong March 10, 2026.
Isang simpleng paraan daw ng pagkondena rito ay maging vocal sa pagtutol.
Saad niya: “I think it all starts with the perfect way of calling it out, making sure that it doesn’t pass. Yung hindi mo siya papabayaang mangyari lang.
“Kasi pag pinabayaan mo, you’re also part of the problem.
“So calling it out is a great way to do it, to let people know that it’s not okay to do that.”
Paalala ng beauty queen, dapat ay ilagay ang sarili sa posisyon ng nasabihan nang hindi maganda.
Marami daw kasi ngayon ang walang pakundangan kung magkomento na nagtatago ng identity online.
Ani Ahtisa: “Just put yourself in that situation. Kapag ikaw yung sinabihan, how would you feel?
“I think it’s not okay to make people feel a certain way, especially with the protection of online.
“You think that the person reading it is not a person anymore. But sadly, they are people. They have feelings and they have lives.
“And sometimes the things you say actually affect their lives, so please be careful what you say online.”
AHTISA’S VENTURE INTO SHOWBIZ
Sa pagpirma ni Ahtisa sa Sparkle GMA Artist Center, sinabi nitong excited siyang pasukin ang pag-aartista.
Tapos na raw ang kanyang pageant journey.
“I know that I’m gonna carry the same values I had when I was competing internationally, so I’ll bring hard work and dedication, and hopefully that’s enough recipe for success in showbiz,” deklarasyon ni Ahtisa.
Gayunpaman, aminado si Ahtisa na maraming paghahanda ang kakailanganin niya.
“Zero preparation. Pumasok talaga ako dito, I’ve never been acting, I’ve never been into an acting workshop.
“I don’t know what I’m getting myself into but it’s honestly a surprise that I’m excited to see.”
Pagbubunyag pa niya: “Little bit of info, I was actually supposed to sign last year but I decided to do Miss Universe Philippines.
“And it feels right to be here now at this time. It feels like the perfect timing because now, I’m opening my doors to new opportunities, to new things.
"Because tapos na ako sa pageant journey ko. And I can’t ask for a better family than GMA.”