Focus daw muna sa career at trabaho ang Sparkle artist na si Cheska Fausto, 26, kaya hindi muna raw iniisip ang love life.
Saad niya: "Single po ako and I decided to be single since... ang hirap na nga, actually, manicure, pedicure lang nga, wala na po akong time. What more a serious relationship?
"And I really believe in, siguro message ko sa kabataan, sa mga tao, don't be in a relationship just to be in a relationship.
"Kasi, hindi hindi mo kailangan yun, e. What you need right now is to build yourself, build your character, be closer to your faith, to the people who love you.
"And later on yung pagmamahal na yan, darating na lang yan at mas sweeter pa, better than you expected. Kasi ibig sabihin, from God na siya, e."
CHESKA'S THREE SHOWS ON GMA-7
Sa ngayon, abala si Cheska sa tatlong programa sa GMA-7: ang afternoon drama series na Hating Kapatid, ang gag show na Bubble Gang, at ang upcoming primetime series na Firewall.
Katunayan, nagsisimula na raw siya ng martial arts training para sa Firewall.
Lahad niya: "Actually, nakailang trainings na rin kami for firing, especially for my character, kasi sharpshooter siya. So she really has to know how to handle guns and how to fire correctly.
"So, nag-firing workshop na kami and also combat workshop kasi importante yun when you're doing operation scenes, yung nagre-raid kami, yung mga ganyang bagay.
"So, importante yun para effortless tingnan sa camera, especially for some of us who's never done it or especially for me, I've never done action before."
Nakausap ng PEP.ph (Philippine Entertainment Portal) at GMA News si Cheska sa formal launching niya bilang bagong endorser ng Clever Skin suncreen nitong nakaraang March 14, 2026.
Aniya: "I'm really happy kasi si Clever Skin, they made everything like convenient. Even yung packaging ng product nila, it's so easy to use.
"And yung formula ng kanilang product is actually super lightweight. So, hindi ka tatamarin.
"Actually, may pa-cooling effect pa nga siya ng onti, e. So When you go out of the sun, di ba, medyo mainit, parang yun yung mag-motivate sa yo, 'Oh, I'm gonna put a little bit of this,' kasi na-absorb siya agad ng skin mo.
"And masarap siya sa feeling. So, I guess that's a motivation as well."
Read: Michelle Vito does not believe in seven-year itch
CHESKA FAUSTO ON GIVING HER ALL
Hindi pa ganun katagal sa showbiz si Cheska.
Nagtiyaga raw talaga siya para maabot ang kanyang mga pangarap. At nitong taong ito, sabay-sabay ang mga trabahong dumarating sa kanya.
Ano ang masasabi niya na hindi siya nababakante?
Sagot ni Cheska: "Actually, kumbaga, yung totoo yung sabi nila, kumbaga, 'Nasa Diyos ang awa, nasa tao yung gawa.'
"Ako kasi, alam ko na ibinigay sa akin ng Panginoon yung craft ko, kumbaga yung talent ko sa pag-aarte or the way I'm talking, sa paghu-hosting as well.
"So, ang ginagawa ko po talaga, sinisipagan ko po talaga sa workshops, experiences, ayan.
"And talagang prayers po talaga. And I really believe that what's meant for you will be yours talaga kapag hinimok siya kay Lord at pinaghirapan niyo talaga."
Naka-experience na ba niyang matarayan ng ibang artista o direktor?
Pagpapakatotoo niya: "Sa awa ng Diyos ko, wala naman po.
"I'm super happy beause sa lahat ng nami-meet ko po talaga, alam mo yung ka-wavelength mo, ka-vibe mo, because I really do believe kung ano naman yung binibigay mo sa mga tao, yun din yung mari-receive mo.
"So, I guess yun rin yung parang nagiging reflection on me, kasi I'm really being kind and nice to the people around.
"So, siguro nakikita din nila yun."
Read: Anthony Pangilinan, son Donny cut diesel prices at family station