Noong 2023 pa ang shooting ng pelikulang Sweet Escape ni Arci Muñoz at ng Korean actor Kang Donggun, pero close pa rin ang dalawa hanggang ngayon.
Ito ang ibinahagi nila sa entertainment press sa gala premiere ng kanilang indie film na kalahok sa 8th Sinag Maynila Film Festival sa Gateway Mall, Cubao, Quezon City, kagabi, March 27, 2026.
Kuwento ni Arci, tinutulungan siya ni Donggun kapag bumibisita siya sa South Korea. Ipinapasyal din niya ang Korean co-star kapag nasa Pilipinas ito.
Enemies-turned-into-lovers and roles nina Arci at Kang sa Sweet Escape, na kinuhanan sa Bohol.
Read: Korean actor Lee Sang Bo found dead
MEETING ARCI
Sa Bohol na unang na-meet ni Donggun ang Filipina actress.
Gayunpaman, pinaghandaan na raw ito ni Donggun bago pa man siya makarating sa Pilipinas.
Matapos daw kasi siyang makapasa sa online audition ay ni-research niya agad ang kanyang magiging leading lady.
Kuwento ni Donggun, “Before I prepared my acting, I searched for Arci Muñoz and saw her movies and dramas. I knew she was a good actress.”
Naunang makarating sa Bohol si Donggun kaya’t sinalubong niya si Arci paglapag nito sa airport.
Pagpapatuloy ng Korean actor, “And when I met her at the Bohol airport, she just looked like a cute girl.
"But the next day when we started shooting—amazing. She is a very good actress."
KISSING SCENE TAKE TWO
Kinabahan daw si Donggun dahil kissing scene agad ang kinuhanan sa unang araw ng shooting.
Lahad niya: “It was our first shoot, and we were filming the almost-last scene where we show love and emotion.
"The director prepared a long take, about four minutes, with a drone and cameras ready.”
Mahaba raw ang naging halikan dahil kinuhanan pa ito ng drone.
Pero noong sumigaw na ng "cut" ang direktor nilang si Rommel Ricafort ay saka raw nila nalamang hindi na-record ang eksena.
“It was so long. After the 'cut,' I asked her if she was okay.
"But then the cameraman said, 'Oh my god, I didn't push the recording button!'
"So we had to do Take 2,” kuwento ni Donggun habang tumatawa.
Read: Are Jake Cuenca and Rabiya Mateo an item?
SUPPORTIVE LEADING MAN
Pahayag naman ni Arci tungkol sa first-day kissing scene, hindi raw siya nahirapan dahil magaan katrabaho si Donggun.
“We’re professionals, and he’s a gentleman. We got the director also to guide us.
"I was really happy that we got to pull off yung lahat ng scenes na yun,” saad ng aktres.
Dagdag niya, “We often see each other in Korea whenever I’m there.
"So yun po, everything po, when were shooting magaan, and we really just tried to have fun.”
Supportive daw ang foreign actor sa pagka-fan ni Arci sa Korean pop culture.
Tumulong nga raw ito dati para mabisita niya ang hangouts ng sikat na K-pop group na BTS.
“You know, there was one time I was in Korea, si Oppa personally drove me to, like, BTS spots, and he got me, like, BTS posters as gifts,” sabi ng aktres.
Kapalit nito ay ang pagtulong naman ni Arci na ipasyal si Donggun kapag nasa Pilipinas ito.
“Tinour ko po siya sa gimikan," sabi ni Arci.
"Tinour ko siya sa mga bars, sa mga gigs, pinapunta ko siya sa gig ko, e, sa metal scene.
"Pina-introduce ko siya sa metal scene. So, ayun, ewan ko na-shock ata siya.”
Biro pa ng aktres, siya ang nagturo sa Korean actor na uminom ng isang matapang na inumin.
“Pinainom ko siya ng Red Horse, kasi paborito ko yun,” sabi ni Arci habang tumatawa.
Showing ang Sweet Escape sa ilang sinehan sa Metro Manila bilang bahagi ng Sinag Maynila Independent Film Festival hanggang March 29, 2026.
Ang RR Entertainment Production ang producer nito.
Read: Nico Bolzico, Wil Dasovich admit underestimating Alden Richards