Dalawang beses sinubukang magpaalam ni Arnel Pineda sa iconic rock band na Journey bago ganapin ang kanilang ongoing farewell tour, subalit hindi siya pinayagan ng mga kagrupo.
Naka-set na ang 60 concert dates ng rock band ngayong 2026 sa U.S., at mayroon pa silang 40 dates sa susunod na taon.
Subalit labag ito sa kalooban ni Arnel. Ayaw raw sana niyang matuloy muna ang concert tour.
Ang dahilan ng Filipino singer ay “personal problems.”
Ibinunyag ito ng singer sa recent feature niya sa Rolling Stone.
“I said I wanted to retire because of my personal problems,” sabi raw ni Arnel sa bandmates na sina Neal Schon at Jonathan Cain.
“No answer. Obviously, they don’t want to find another singer.”
Si Schon ay lead guitarist habang si Cain ay keyboardist sa Journey.
Si Arnel ay napiling maging vocalist ng banda noong 2007, matapos magpaalam ang former vocalist ng grupo na si Steve Perry noong 1998.
Hindi naging madali para ka Arnel ang pagiging vocalist ng banda sa loob ng 19 taon.
Naapektuhan ang kanyang boses pati na ang kanyang relasyon sa asawa niya.
Rebelasyon pa ni Arnel, taong 2025 ay inabisuhan niya sina Schon at Cain na lagi siyang i-update kung kailan ang petsa ng kanilang farewell tour dahil lumalala ang kanyang personal issues.
Hindi raw siya sigurado kung gusto pa niyang gawin ang tour.
ARNEL PINEDA'S PERSONAL STRUGGLES
Ang personal issue ni Arnel ay may kinalaman sa kanyang divorce sa asawang si Cherry.
Inakusahan ng singer ang misis nito ng adultery, na itinanggi naman ni Cherry.
Inakusahan naman ni Cherry si Arnel ng pambababae at nakaranas umano siya ng psychological violence.
Read: Arnel Pineda charged with Anti-VAWC rap over marital infidelity
Ongoing na ang farewell tour ng Journey.
Pero rebelasyon ni Arnel sa interbyu niya pa rin sa Rolling Stone, “I was really not happy with how they scheduled this tour. My body has changed. I can’t take the cold weather anymore.”
Aniya, hindi raw siya kinonsulta sa U.S. Final Frontier tour ng Journey.
arnel pineda fulfills CONTRACTUAL OBLIGATION
Sinabi naman ni Schon na hindi puwedeng kumalas si Arnel dahil nakalagay sa kontrata na hindi puwedeng gawin ang tour nang wala siya.
Pagdedetalye ni Arnel sa sitwasyon niya ngayon, “I have a personal problem that’s taking a toll on me. It’s getting in my head, emotionally.
“I told them that I was a wreck and needed a little more time so that I could fix my family. But I still have to do this.”
Sa kabila ng pinagdadaanan, sinabi ni Arnel na nirerespeto niya ang kanyang mga kasamahan at patuloy niyang tatanawing utang na loob ang ginawa nila para sa kanya.