Matagal hindi nasilayan na umaarte sa telebisyon ang aktor na si Enrique Gil.
Ngayon at nagbabalik siya sa pamamagitan ng action-comedy primetime series na A Secret In Prague, katambal si Andrea Brillantes.
Inabot ng halos anim na taon ang pamamahinga ni Enrique, at in-enjoy ang buhay bilang normal na tao.
Kuwento niya sa Real Talk ng PEP.ph (Philippine Entertainment Portal) noong April 18, 2026: "I think, 2019. I think it was 2019. Yes, almost six years po.
"The pandemic. May existing show po kami noon tapos siyempre we had to cut it short dahil nga sa uncertainty ng times.
"Medyo nahirapan kami sa taping. Maraming cast members na either underage or over the, you know, safe age to work during those times.
"So, it just didn't make sense to continue the show.
"So we had to cut it, made the hard decision to cut it short."
Ang tinutukoy na show ni Enrique ay ang teleseryeng Make It With You sa ABS-CBN, kung saan katambal niya ang ka-loveteam at kasintahan noong si Liza Soberano.
Dalawang buwan lang ito umere, mula January 13, hanggang March 13, 2020.
Read: Liza Soberano, Enrique Gil give own ending to cancelled series Make It With You
ENRIQUE GIL ENJOYED NORMALCY; MULLED QUITTING SHOWBIZ
Pagpapatuloy ni Enrique: "So after nun, parang ano, e, parang nag-reset po lahat, e. Parang tumigil yung mundo, e, yung fast-paced life sa showbiz.
"At, in a way, parang na-enjoy ko masyado yung pagpapahinga sa bahay, yung makasama ko yung time ko with my family.
"And parang ayaw ko nang bumalik sa fast-paced life at showbiz life, you know.
"Kasi, parang for how many years, almost half of my life, yun ang ginagawa.
"Biglang tumigil. Na parang, 'Oh, ang sarap ng feeling.' Then, I think blessing in disguise yun, in a way, na nakasama ko yung family ko.
"Kasi little did I know, after ng pandemic, mag-aasawa na yung kuya ko, na umalis na sa bahay. Yung sister ko nag-migrate na sa Spain.
"So, I think sakto lang yung time na ilan... two, three years na magkakasama kami.
"Parang in a way, I was looking at it as a blessing ni Lord na... kasi nawalan din ako matagal ng oras at time sa family ko, e.
"Kahit sa birthdays nila, hindi ako nakakasama.
"Minsan, nakakalimutan ko na college na pala yung kapatid kong babae. 'Di ba, high school ka pa lang?' 'Ano ka ba, college na ako.' I was, like, 'Oh, my God!'"
Naramdaman niya yung normalcy sa buhay?
Pagsang-ayon ni Enrique: "Parang biglang nag-slow down, you know, nag-normalize yung buhay kasi ayaw ko nang bumalik. So sabi ko, 'Ayaw ko nang bumalik.'
"Oo, nag-normalize bigla. So sabi ko, 'Ma, ayaw ko na. Ayaw ko nang bumalik.'
"Tsaka mabe-burnout ka rin po, e, in a way.
"So at that time, parang inisip ko nga gusto kong tumira sa U.S., kasi I was staying there for quite some time din.
"So inisip ko, 'Kahit dito na lang siguro ako. Ituloy kong pagbi-build and sell sa Manila, tapos kahit maghanap na lang ng normal job sa Amerika.'
"Alam mo yung, parang kahit ganun, okay lang ako basta tahimik yung buhay. I was at that state na.
"Pero siguro that time, ewan ko... I was just finding a way to escape that."
Nais na niyang talikuran ang showbiz at magtrabaho na lamang. Na-burnout na din siya at napagod.
"I think so. I think it was that also. I don't know. I think when it's too much, kahit na i-enjoy mo, parang, it's not also good for you, you know, as a human being.
"I think it's too much, yeah, for one person to take. I don't know... Maybe just for me.
"Kasi sa simula, I didn't really want to... di ko dream maging artista, e, you know.
"I just had an opportunity to work at a young age kaya I had to stop school para makatulong sa mom ko, because my dad passed away.
"So, tsaka that time, nung nagsimula ako, di naman sure kung may mangyayari.
"Pero nung biglang nagpi-pick up, ayun, nakakatulong kay Mama hanggang sa sabihin ni Mama, 'Quen, retire na ako.' 'O, ano? Sige, Ma, retire ka na. Puwede na.' Alam mo yun?
"So, ayan. Siyempre naging blessing lang. Super blessing. So I just went with the flow, you know.
"Pero na-enjoy ko naman eventually siyempre. I wouldn't stay, I think, as long for... kung miserable naman ako, di ba? Na-enjoy ko rin."
Nakausap ng Real Talk ng PEP.ph si Enrique sa studio ng Summit Media noong Sabado, April 18, during the promo stop para sa A Secret in Prague.
Read: Tuesday Vargas receives on-the-spot endorsement contract
ENRIQUE GIL ON COMEBACK AS PRODUCER, ACTOR
Ayon kay Enrique, nabuo ang konsepto ng A Secret in Prague habang nasa inuman siya at ilang mga kaibigan.
Lahad ng aktor: "Nandun kami sa beach house ko sa Batangas. Nagwa-wine lang kami. Sabi ko, 'Tara, I want something action, light comedy.'
"Ang bibigat kasi ng mga nangyayari. Gusto kong magbigay ng relief sa tao.
"Siyempre andoon pa rin yung romance, yung action to keep, you know, things interesting.
"Pero gusto ko sa lahat, ang kailangan na nangibabaw, yung pagka-lightness.
"Kahit mabigat man yan, natu-tweak na medyo light pa rin yung, yung mangyari.
"Kahit action pa yan, may comedy na nakakatawa pa rin. So you're still engaged but in a way, may lightness.
"Yung relief, yun ang mahirap ibalanse. Either todong action...
"So, yun ang hinahanap po namin at gusto naming ibigay. Kasi bibihira na yung ganun."
Paano naman siya naging co-producer ng proyekto?
"Then ayun, so going back to pagpro-produce po. So, kausap ko si Mark, sabi ko, 'Tara, usap tayo pag-uwi mo. Maybe we can talk about something.'
"And then doon, nagkikita kami dito. Sabi ko, 'Tara, bro, why don't we...'"pagtukoy ni Enrique kay Mark Angos, ang writer ng halos lahat ng teleserye niya sa ABS-CBN.
"Nagpahinga din yung writer. Ako nagpapahinga.
"'Tara, balik kaya tayo, bro? Why don't we do our own production? Let's just, you know, hindi ko kaya yung mga pini-pitch, e. Gumawa tayo ng sarili natin. Kung ano ang gusto mo.'
"At doon na nagsimula lahat.
"And doon din yung gusto ko na, gusto ko iwan dito sa industry ha, is production na kahit wala na ako sa harap ng camera, kahit behind the cam na lang, nagpo-produce pa rin kami ng entertainment na, di ba, nagbibigay pa rin kami ng entertainment sa manonood."
Bago umere sa TV5 ay mag-i-streaming muna ang A Secret in Prague sa Netflix simula bukas, April 24, 2026.
Malaki ang pasasalamat ni Enrique, bilang producer, na kinuha sila ng Netflix.
Aniya: "Super, super malaking bagay yan for me.
"Netflix is super important especially now kasi, well, of course, TV is still...
"Sa masses, malaki pa rin TV, pero you know, the platform and everything is evolving, e, media.
"So, malaking tulong talaga yung Netflix even for abroad. So, yeah."
Mapapanood ang A Scret In Prague sa free TV simula April 27, 8:00 P.M.
Read: Tatlong primetime series unang mapapanood sa Netflix bago free TV