Umani ng atensiyon online ang post ni Matet de Leon matapos siyang magbahagi ng isang larawan na may makahulugang caption tungkol sa “mana.”
Sa larawang ipinost ni Matet, kasama niya ang mga kapatid na sina Lotlot, Kiko, at Kenneth de Leon.
Nangyari ito ilang araw matapos ideklara ng isa pa nilang kapatid na si Ian de Leon na siya ang nag-iisang legal na tagapagmana sa mga naiwang ari-arian at assets ng yumaong ina na si Nora Aunor.
Makahulugang caption ni Matet, "Post ko lang uli. Eto nga pala ang ngiti ng mga ampon na walang mana. Mukha ba kaming may pake?"
Sa comments section ng post ni Matet ay nag-reply si Lotlot.
Ani Lotlot, "Hahahhahahahhahahahhaha dami ko tawa hahahhahahahaha."
Komento ni Matet, "O di ba te? Tawa tayo nang tawa."
Read: Lotlot de Leon at Ian de Leon, may hidwaan?
Sina Lotlot, Ian, Matet, Kiko, at Matet ay mga anak ng namayapang Superstar at National Artist.
Sa kanilang lima, si Ian lamang ang biological child ni Nora sa dati nitong asawa na si Christopher de Leon.
Sina Lotlot, Matet, Kiko, at Kenneth ay pawang adopted.
DE LEON SIBLINGS’ INHERITANCE ISSUE
Matagal nang usap-usapan ang umano’y sigalot sa pagitan ng magkakapatid matapos pumanaw ang kanilang ina noong April 16, 2025.
Mas lalo itong naging tampulan ng diskusyon online nang talakayin ang mga naiwang assets ni Nora matapos makapanayam si Ian sa programang Beyond The Exchange noong April 13.
Read: Ian de Leon no personal motive in managing Nora Aunor's legacy
Dito, isiniwalat ni Ian na siya umano ang solong legal na tagapagmana at naatasang mamuno at magtaguyod sa lahat ng naiwang property at legasiya ng yumaong showbiz icon.
Maging ang pagtatatag niya ng One Person Corporation (OPC), kung saan sakop ang Nora Aunor Enterprise at Nora Aunor Foundation, bilang aniya'y pagbibigay-pugay sa alaala ng National Artist.
Ayon kay Ian, bagamat siya ang nag-iisang tagapagmana, nirerespeto niya ang kanyang mga kapatid at ipinaalam niya umano sa mga ito ang pagtatatag ng OPC.
Read: Lotlot at Matet de Leon, wala sa misa para kay Nora Aunor
Ngunit mariin itong itinanggi ng kampo ni Lotlot sa pamamagitan ng kanyang legal counsel na Estur & Associates.
Sinabi sa inilabas na pahayag ng abogado ni Lotlot na wala raw anumang kinalaman si Lotlot sa itinatag na korporasyon ni Ian.
Hindi rin daw totoong kinonsulta ng aktor ang kanyang ma kapatid tungkol dito.
Bahagi ng official statement ng abogado ni Lotlot na si Atty. Mark Julius Estur: “To dispel any speculations and doubt, Ms.de Leon was not in any way and in any capacity involved or consulted in the establishment of a One Person Corporation (OPC) for both a foundation and an enterprise in honor of Ms. Nora Aunor which Mr. lan De Leon has mentioned in his interview.
“In fact it is our view that a Foundation cannot be established through an OPC legally. Any statement of attribution to Ms. de Leon is misleading and a false representation. She has not participated in the founding, management or fundraising efforts of the OPCs that Mr. lan de Leon has established and that her personal charitable efforts remain focused elsewhere.
“In Mr.de Leon's recent interview, he stated that, despite the claim of being the sole heir, our Client and her siblings are still included in the plans. Our client denies such statement as insofar as she is concerned, she was not consulted and simply informed at the very least of any participation or plans for the administration of their mother's estate."
Dagdag pa ng kampo ni Lotlot, sa kanilang pagkakaalam ay walang Last Will and Testament na nagtatakda kay Ian bilang solong tagapamahala at nag-iisang may awtoridad sa estate ng kanilang ina.
Idiniin din ng abogado na hindi habol ni Lotlot ang anumang mana at kikitain sa estate at legacy ng pumanaw na ina.
Kusa raw lumayo si Lotlot sa anumang responsiblidad matapos magdesisyon si Ian na kunin ang responsibilidad sa lahat ng usaping legal kaugnay nito.
Ito ay sa kabila ng alam daw ni Ian na may nauna nang itinatag na foundation si Lotlot, kasama silang magkakapatid, at nagpahayag pa raw ito ng suporta.
Anila, "It was deeply hurtful and difficult to understand on our client's end when, after the foundation's YouTube channel and Facebook page were made public he denied knowledge of the same."
Read: Lotlot de Leon's camp breaks silence on issue with brother Ian
Additional reports by Erwin Santiago and Jojo Gabinete