“Ang tagal nang patay ng lola ko. Please leave her out of your political commentaries and analogies.”
Ito ang bahagi ng mensaheng ipinarating ng dating child actor na si IC Mendoza para sa senador na si Juan Miguel Zubiri.
Si IC ay apo ng “Queen of Intrigues” at Philippine showbiz icon na si Inday Badiday, Lourdes Carvajal (Agosto 6,1944- Setyembre 26, 2003) sa tunay na buhay.
Dalawampu’t dalawang taon nang namamayapa si Inday Badiday, pero muling umingay at nag-trend sa social media ang pangalan niya noong Lunes, Mayo 25, 2026, dahil sa pag-alma ni Zubiri sa "propaganda video" na ipinalabas ni Senator Imee Marcos sa Senate plenary session.
Ikinagalit ni Zubiri ang akusasyon ni Marcos na kabilang siya sa mga senador na pabor na isulong ang charter change sa pamamagitan ng constitutional assembly.
Bahagi ng litanya ni Zubiri: "I just want to point out that the video that the lady senator presented was obviously opinionated, a propaganda tool, right?
"It should be stricken off the record...
“Kung galit po kayo, magsalita po siya [Imee] diyan, magalit siya sa gobyerno niya, magalit siya sa kapatid niya, murahin niya kapatid niya.
"Pero huwag naman niya idamay yung mga taong walang kinalaman diyan."
Si Senator Imee Marcos ay kapatid ni Pangulong Ferdinand Marcos Jr.
Mariin ding itinanggi ni Zubiri na nagkaroon sila ng pag-uusap ni dating Senate President Tito Sotto tungkol sa charter change dahil alam daw ng mga itong tutol siya rito.
Sabi pa ni Zubiri: "Inday Badiday na ba tayo rito sa Senado?
"Kaya nga sinasabi we're circus. I apologize to those watching, they think we're circus.
"We're circus because this type of language that we are pushing in this august chamber. It's unparliamentary."
Read: Remembering Inday Badiday, The OG Queen of Philippine Intrigues
IC MENDOZA REACTS TO SENATOR ZUBIRI MENTIONING HIS LATE GRANDMOTHER
Hindi nagustuhan ni IC ang pahayag ni Zubiri tungkol sa kanyang yumaong lola na si Inday Badiday.
Sa pamamagitan ng isang Facebook post, ipinarating niya sa senador ang kanyang mensahe.
Saad ni IC (published as is): “Please do not disrespect the legacy of my late mommy Luds. She was more than showbiz chika and intrigues.
"She helped shape local pop culture and the entertainment journalism landscape of her time, and her work influenced conversations around media and entertainment for generations.
“Reducing her name and legacy to describe the 'circus' happening in the Senate is offensive.
"Ang tagal nang patay ng lola ko. Please leave her out of your political commentaries and analogies.”
Read: Robin and Kiko clash during heated Senate exchange
ZUBIRI APOLOGIZES TO INDAY BADIDAY'S FAMILY
Humingi naman kaagad ng paumanhin si Zubiri nang makarating sa kanya ang reaksiyon ng apo ni Inday Badiday tungkol sa naging pahayag niya.
Ayon sa senador, "slip of the toungue" ang nangyari.
Pahayag ni Zubiri: "Sa buong pamilya of the late Inday Badiday, I am sincerely sorry for mentioning her name during my manifestation sa Senado.
"Slip of the tongue po iyon in the middle of a heated debate, and I take full responsibility because I should have been more careful with my words."
Kasunod nito ang pagpapaulan niya ng papuri sa yumaong si Inday Badiday.
"I want to say this from the heart: I respect Inday Badiday, and like many from my generation, lumaki rin po ako na nakikita siya sa TV, bahagi siya ng pop culture natin and she was loved by so many Filipinos.
"Lovable talaga siya, with her own charm, wit and warmth, and I fully recognize her contribution to Philippine television, entertainment journalism and media.
"My frustration was about the video shown on the Senate floor, and I never meant to disrespect her memory or reduce her legacy to politics.
"Tama si I.c. Mendoza, dapat hindi na nadamay ang lola niya sa usaping pulitika. Kaya muli, I apologize deeply to the family and I will be more mindful moving forward."
Tinanggap ni IC ang paumanhin ni Zubiri, pero sinubukan pa rin ng PEP.ph (Philippine Entertainment Portal) na hingin ang reaksiyon ng kanyang ina na si Dolly Anne Carvajal, anak ni Inday, tungkol sa isyu.
Ayon kay Dolly Anne, sa darating na Huwebes, Mayo 28, pa siya magbibigay ng pahayag.
Pero kaibigan daw niya si Zubiri.
Read: Pro-Duterte senators oust Senate President Sotto; Bato surfaces