Ang opening film ng Philippine Film Industry Month (PFIM) 2026 sa Setyembre ay ang Tinimbang Ka Ngunit Kulang (1974) ni National Artist Lino Brocka.
Ang closing film ay ang political drama na Sister Stella L (1984) ni Mike de Leon.
Nasa cast ng dalawang pelikulang iyan ang presidente ng Cinemalaya Foundation na si Direk Laurice Guillen.
Ang remastered version ng dalawang pelikulang iyan ay ipinalabas sa 40th Il Cinema Ritrovato Festival (Hunyo 21-25, 2026) sa Bologna, Italy.
Read: Ricky Lee reveals creative collisions with Brocka, Bernal, Abaya
STRIPTEASER
Unforgettable para kay Direk Laurice ang eksena niya sa bowling alley sa Tinimbang Ka Ngunit Kulang.
“Ako ang unang humalik kay Christopher de Leon sa screen!” bulalas ni Direk Laurice sa eksklusibong panayam ng PEP.ph (Philippine Entertainment Portal).
Debut film ni Christopher ang nabanggit na 1971 film.
Nakatsikahan namin siya sa Cinemalaya 2026 mediacon noong Hulyo 8, 2026 sa Grand Atrium ng Shangri-La Plaza, Shaw Blvd., Mandaluyong City.
“Actually, it’s also the first time I was directed by Lino Brocka. First film ko with Lino Brocka.”
Memorable ang pagganap ni Direk Laurice sa Ina, Kapatid, Anak, Anak (1979).
“Kasama ko sina Lolita Rodriguez at Charito Solis,” sambit ni Direk Laurice.
Singit ni Film Development Council of the Philippines (FDCP) Chairman Jose Javier Reyes, “Pinakamagaling siya sa Lunes, Martes, Miyerkules, Huwebes, Biyernes, Sabado, Linggo (1976)!”
Sambot ni Direk Laurice, “Ay, naku! Sumayaw talaga kami sa harap ng mga G.I. Joe. Sa harap ng mga Amerikano. Striptease yon!
“Wala na yung pelikula, wala nang kopya, pero meron akong pictures! At in those days, puwede pa!”
Read: Winnie Cordero opens up about husband's death, life after loss
REMEMBERING BROCKA
Ano ang fond memories niya kay Direk Lino (1939-1991)?
Napangiti si Direk Laurice, “Ay, naku! Everyday, paggising niya, tatawag na sa akin yan. Isa, dalawang oras na kaming magkukuwentuhan sa telepono.
“Iyun ang nami-miss ko sa kanya. And of course, iyung fun time. Si Lino, oras na maano ka niya, he enjoys you, he likes you as an actor… binarkada ako niyan. Friends kami, di ba?
“So hindi ako sumasama siyempre sa lahat ng mga ano niya, sa lahat ng lakad, sa lahat ng ano. Pero iyung araw-araw na tawag, nandun yun.
“At saka pag na-casting ako sa kanya, ang hindi ko makalimutan sa kanya, yung style niya ng pagdirek, imumuwestra muna niya.
“Pinapanood ko siya. ‘Kaya ko bang gawin iyang ginagawa niya?’ Ha! Ha! Ha!
“He’s one of a kind, not only as a National Artist. He’s really a character. He was really a very lively, animated, and unforgettable character.”
Read: Rob Sy shuts down "false narrative" thrown at his son
CINEMALAYA 2026
Kasado na ang 22nd Cinemalaya indie filmfest sa Agosto 6-18, 2026. Ang prime venue ay ang Shangri-La Plaza, Mandaluyong City.
May screenings at activities din sa Gateway Cineplex sa Cubao, Quezon City, maging sa select Ayala Malls.
May budget na ba para sa 23rd Cinemalaya next year, na malamang ay prime venue muli ang Cultural Center of the Philippines (CCP) sa Pasay City?
“Malalaman ko in a few days,” tugon ni Direk Laurice.
“Ganun naman ang exciting tungkol sa Cinemalaya. Kasi siyempre, dumarating ka sa mga rough places, rough shores.”
Ipinagpapasalamat sa isang kilalang personalidad ang “pagsagip” sa Cinemalaya 2026. Siya ang tagapagligtas…
“Ay! Ayaw na niyang sabihin!” sambit ni Direk Laurice.
“Ayaw niyang sabihin. Sinabi niya, huwag na.”
Tutulong kaya muli ang nasabing savior? “Siguro. Ha! Ha! Ha! Ha!”
Read: Rob Sy shuts down "false narrative" thrown at his son
REEL REFLECTIONS
Siyam ang feature-length films na magtatagisan sa Cinemalaya 2026, na ang tema ay “Reel Reflections.”
Kabilang sa mga artistang tampok sina Ruru Madrid, Iza Calzado, Ronnie Lazaro, Sue Ramirez, Jhong Hilario, Janine Gutierrez, Lucas Andalio, Cherry Pie Picache, Jackie Lou Blanco, Marietta Subong (Pokwang), Joey Marquez, Zaijian Jaranilla, Meryll Soriano, Jojit Lorenzo, at Bituin Escalante.
Andiyan din sina Ruby Ruiz, Alessandra de Rossi, Beverly Salviejo, Rocco Nacino, Chai Fonacier, Martin del Rosario, Miguel Odron, Yayo Aguila, Epy Quizon, Luis Alandy, Nikki Valdez, Beaver Magtalas, Benedix Ramos, Anthony Falcon, Frances-Makil Ignacio, Elora Españo, Bodjie Pascua, at marami pang iba.
“Iba-ibang subject matter ang mga pelikula,” pakli ni Direk Laurice.
ACTING WORKSHOP
Mentors sina Direk Laurice, Direk Joel Lamangan, at Direk Joey Reyes sa The Masters Series: FDCP Acting Workshop for Filipino Talents 2026 (Hulyo 7-18).
Kabilang sa 20 finalists niyon ang VMX artists na sina Victor Relosa at Ashley Lopez.
“Kahapon, nag-start na ako sa acting workshop. Magagaling,” lahad ni Direk Laurice.
“We had two days of auditions para mapili iyong 20 participants. They’re scholars.
“So we always remind then, ‘You’re scholars. This is a rare opportunity.’ Lahat naman, ginagamit ang kanilang time to learn as much as they can, to jump into the exercises.
“So OK naman. I was very happy, kasi usually, when you have a workshop, maybe on the first day, you only get three to five percent na maganda ang mga exercises. “But yesterday, it was like 70%.”
Paminsan-minsan na lang nagko-conduct ng acting workshop si Direk Laurice, at ipinasa na niya iyon sa daughters niyang sina Anna Feleo at Ina Feleo.
“It’s been a while na hindi ako nagbibigay ng workshop. And then all of a sudden, inimbita nga ako ng FDCP to conduct a workshop,” pagsisiwalat ni Direk Laurice.
“Which I did. And then I realized that iyung iba sa kanila, talagang are very, very eager to learn everything, na hungry!
“So they take every workshop that comes in the way, so I was being very careful yesterday that I don’t become technical, and confuse them.
“Parang inano ko na lang na, ‘OK, tatayo ka doon, you’re going to step into the set for the first time. You arrive in the set. What’s your first problem?’ Ganun.
“Hindi nila alam ang problem nila. So yesterday was all about preparing their instrument, making them realize that as an actor, it’s a craft and an art, and they have to hone their instrument.”