Waging-wagi sina Kara David, Ivana Alawi, Vice Ganda, Christian Esguerra, CongTV, at Coco Martin sa 1st FAMAS Broadcast Arts Awards noong Hulyo 20, 2026, Lunes ng gabi, sa The Manila Hotel, Ermita, Manila.
Magkasunod na nag-acceptance speech si Kara David para sa Best Documentary na "Embalsamador de Motor" ng I-Witness, at para sa Best Public Affairs Talk Show na I-Listen with Kara David.
Kasunod niyon ang pagkilala sa eponymous YouTube channel ni Ivana Alawi bilang Best Public Service Show, na sinundan ng announcement na tabla sina Kara at Ivana bilang Best Host for Public Service.
Si Kara para sa I Listen, at si Ivana para sa kanyang YouTube channel.
Sa 28 competitive categories ng 1st FAMAS Broadcast Arts Awards ay iyon lamang ang tabla.
Tinanggap ni Vice Ganda ang tropeyo ng It’s Showtime bilang Best Variety Show, at kapagkuwan ay kinilala siya bilang Best Host for Entertainment.
Read: Vice Ganda wins two FAMAS Broadcast Arts Awards
Kinilalang Best Podcast ang Facts First, at ang host nitong si Christian Esguerra ang nanalong Best Podcast Host.
Naging presenter pa si Christian sa first four categories ng awards ceremony.
Nanalo ang CongTV bilang Best Comedy Show (Long-Form or Short-Form), at may special award pa si CongTV na FAMAS Broadcast Arts Breakthrough Award.
Ang special award na Rosa Rosal Lifetime Achievement Award ay iginawad kay Bb. Tina Loy, tamang-tama sa nalalapit niyang ika-90 kaarawan.
Nilapitan si Tina Loy ng staff ni Korina Sanchez (Best News Anchor awardee para sa programang Agenda ng BNC) at kinuha ang contact number para mag-set ng interbyu.
Ang isa pang special award ay Special Citation for Excellence for Children’s Arts Education na natamo ng YouTube channel na Sining Bulilit.
COCO MARTIN’S ABSENCE
Dalawa ang tropeyo ni Coco Martin para sa FPJ’s Batang Quiapo, Best Screenplay (Series or Anthology) at Best Director (Series or Anthology).
Wagi rin ang FPJ’s Batang Quiapo bilang Best Series (Long-Form or Short-Form).
Ayon sa publicist ng FAMAS na si Pilar Mateo, nasa taping si Coco ng Coco Martin’s Sigabo.
Ang tumanggap ng award ni Coco para sa Best Screenplay ay si Mon Confiado, samantalang ang tumanggap ng award niya bilang Best Director ay si Joel Lamangan.
Si Mon din ang tumanggap ng award ng FPJ’s Batang Quiapo bilang Best Series.
At para sa pagganap na Roda sa FPJ’s Batang Quiapo ay kinilala si Joel Lamangan na Best Supporting Performer (Series or Anthology).
Kinabog ni Vice sa kategoryang Best Host for Entertainment sina Dingdong Dantes ng Family Feud, at Boy Abunda ng Fast Talk with Boy Abunda.
Ang last two awards na iginawad ay Best Show for Game, Reality, or Competition para sa Family Feud, at Best Entertainment Talk Show para sa Fast Talk with Boy Abunda.
Ang Divine Divas na presenters sa mga kategoryang iyon ang tumanggap ng kanilang tropeyo.
Read: James Graham on unexpected coming out: "I'm still in shock."
PHOTO OPS WITH IVANA
Dumating si Ivana kasama ang ina at manager na si Perry Lansigan bago mag-umpisa ang pamimigay ng awards.
Andaming nagpa-picture kay Ivana, pila-pila.
Kabilang diyan sina Kelvin Miranda (Best Performer para sa Encantadia Chronicles: Sang’gre), at Vance Larena.
Dumating si Vice habang ina-announce ang nominees sa ikapitong kategorya that night, yung Best Podcast.
Bumati at nagpugay si Vice Ganda kay Direk Joel Lamangan (Best Supporting Performer para sa FPJ’s Batang Quiapo).
Siyempre pa, andaming gustong magpa-picture sa Unkabogable Superstar.
Kaso, nasa unahan ang table ni Vice kasama sina Korina Sanchez at RS Francisco, kaya sinasaway ng floor director ang mga lumalapit dito.
LIVESTREAM
Nag-livestreaming ang 1st FAMAS Broadcast Arts Awards sa Facebook page ng FAMAS.
Ang nag-announce ng lahat ng winners ay si Dr. Anton Juan, na chairman ng inampalan.
Presenters sina Christian Esguerra, Ronald Llamas, Kelvin Miranda, Mon Confiado, RS Francisco, at Divine Divas.
Nag-aabot ng trophies ang FAMAS officials sa pangunguna ng President at Chairperson na si Francia Conrado, at Executive Director na si Atty. Vince Tañada.
Maliban sa pagiging performer ay backstage host si Johnrey Rivas, kasama si Mikee de la Cruz.
Performers din sina Isha Ponti, Yvonne Ensomo, Philstagers Ensemble, Divine Divas, 6ENSE, BILIB, at 7 Hearts ng musical na Rizal 3000.
JOEL LAMANGAN
Marubdob ang acceptance speech ni Direk Joel Lamangan bilang Best Supporting Performer (Series or Anthology) para sa FPJ’s Batang Quiapo.
“Kanina, habang nanonood ako, nakita ko, maraming nagtatrabaho para sa Sining na tumatanggap ng tropeo. Nagalak ako,” pasakalye ni Direk Joel.
Nagpasalamat ang veteran director sa FAMAS at nag-congratulate sa mga bumubuo nito.
Inatasan ni Direk Joel ang audience na palakpakan ang FAMAS, lalo na ang mga nagtatrabaho sa likod ng produksyon.
Pagmamatwid ni Direk Joel: “Ang lahat ng nagtatrabaho sa Sining sa panahong ito ng kasinungalingan at kaplastikan, fake news…
“Ang Sining lamang ang maaari nating gamiting pantapat dito.
“Sa pamamagitan ng pagsasabi ng katotohanan! Sa pamamagitan ng dula, ng palabas, at ng kung anu-ano pang uri ng Sining na puwede nating ipakita sa madla.
“Maraming-maraming salamat sa pagkakataong ito. Maraming-maraming salamat po.”
Tinalo ni Direk Joel sa kategoryang Best Supporting Performer ang mga kasamahan sa FPJ’s Batang Quiapo na sina Angel Aquino at John Estrada, sina Mon Confiado at Eula Valdes ng Totoy Bato, at si Carlo Aquino ng It’s Okay To Not Be Okay.
Read: Bea Alonzo "at my happiest" after marrying Vincent Co
KELVIN MIRANDA
Emosyonal si Kelvin Miranda sa pagtanggap ng tropeyo bilang Best Performer (Series or Anthology) para sa pagganap niya bilang Adamus sa Encantadia Chronicles: Sang’gre.
Sabi ni Kelvin: “Speechless yata ako dito sa itaas. Unang-una, thank you, Lord, I appreciate.
“FAMAS, maraming-maraming salamat sa pagkilalang ito, and gusto ko lang din magpasalamat sa GMA sa patuloy na pagsuporta sa pangarap ko, na matupad yung mga pangarap ko.”
Nag-thank you rin si Kelvin sa Sparkle GMA Artist Center, kay Atty. Annette Gozon-Valdes sa patuloy nitong pagtitiwala sa kanya, kina Joy Marcelo at Tyronne James Escalante, at sa bumuo ng Encantadia Chronicle’s Sanggre.
Pagpapatuloy ni Kelvin: “Sa lahat po ng naniniwala sa akin, maraming-maraming salamat po. Sa lahat po ng tao dito, maraming-maraming salamat sa inyo.
“Alam niyo, sa totoo lang, hindi po ako talaga sanay tumanggap ng award o mga ganitong klaseng pagkilala.
“Pero ngayong gabi po na ito, ang FAMAS po ang nagbigay sa akin ng apoy para pagliyabin pa ang aking pangarap para maabot ko lahat ng aking gusto.
“And ang tropeyo po na ito ay nagsisilbing bagong simula, bagong pagsusumikap, at bagong paniniwala.”
Gumaralgal ang boses ni Kelvin sa pagtatapos ng acceptance speech: “Para din po ito sa tatay ko. Kung nakikita man niya ako ngayon, alam ko, magiging proud siya sa akin.”
Tinalo ni Kelvin bilang Best Performer sina Bea Alonzo ng Widows’ War, Coco Martin ng FPJ’s Batang Quiapo, Jodi Sta. Maria ng Lavender Fields, Esnyr Ranollo ng Esnyr High School Series, at Sharon Cuneta ng Saving Grace.
RADIO WINNERS
Ang winners sa walong competitive categories sa RADIO ay ang mga sumusunod:
Best AM Radio Program: Healing Mass sa Veritas, DZRV 846 AM
Best AM Anchor: Papa Ahwel Paz, Alam Na Dis!, DZMM
Best FM Radio Program: Dr. Love, 92.3 Radyo Singko True FM
Best FM Radio DJ: Papa Jack (John S. Gemperle), 106.7 Energy FM
Best Radio Drama Show: Gabi ng Lagim, DZRH
Best Radio Drama Performer: Nong Lading, 96.7 FMR Iligan
Best Podcast: Facts First Best Podcast Host: Christian Esguerra, Facts First
TELEVISION + NEW MEDIA WINNERS
Ang winners sa 20 competitive categories sa TELEVISION + NEW MEDIA ay ang mga sumusunod:
Best News Program: The World Tonight, ANC
Best News Anchor: Korina Sanchez, Agenda, BNC
Best Documentary: "Embalsamador de Motor," I-Witness
Best Public Affairs Talk Show: I-Listen with Kara David
Best Public Service Show: Ivana Alawi, YouTube
Best Host for Public Service: Kara David, I Listen; and Ivana Alawi for her eponymous YouTube channel
Best Educational Show: Born to Be Wild, GMA
Best Lifestyle Show (Travel, Food, Beauty & Wellness, Business, Hobbies): Biyahe ni Drew, GMA
Best Magazine Show: Rise and Shine Pilipinas, PTV 4
Best Variety Show: It’s Showtime
Best Host for Entertainment: Vice Ganda, It’s Showtime
Best Screenplay (Series or Anthology): Coco Martin, FPJ’s Batang Quiapo
Best Director (Series or Anthology): Coco Martin, FPJ’s Batang Quiapo
Best Supporting Performer (Series or Anthology): Joel Lamangan, FPJ’s Batang Quiapo
Best Performer (Series or Anthology): Kelvin Miranda, Encantadia Chronicles: Sang’gre
Best Anthology: Maalaala Mo Kaya, ABS-CBN
Best Series (Long-Form or Short-Form): FPJ’s Batang Quiapo
Best Comedy Show (Long-Form or Short-Form): CongTV
Best Show for Game, Reality, or Competition: Family Feud
Best Entertainment Talk Show: Fast Talk with Boy Abunda