Walang kagatol-gatol na sinagot ni Vice Ganda ang pamba-bash sa kanya ng ilang masugid na mga tagasuporta ni Kim Chiu.
Ito ay matapos makaligtaan ni Vice na banggitin si Kim sa kanyang thank-you speech sa kauna-unahang FAMAS Broadcast Arts Awards kagabi, July 20, 2026.
Read: 1st FAMAS Broadcast Arts Awards: Highlights and sidelights
Pinarangalan si Vice bilang Best Host for Entertainment dahil sa markado niyang hosting style sa It's Showtime, ang daily Kapamilya noontime show na umeere sa GMA-7.
Nanalo rin ang It's Showtime bilang Best Variety Show.
Sa thank-you speech ni Vice para sa Best Host for Entertainment, ibinahagi niya ang tropeyong natanggap sa It's Showtime co-hosts.
Binanggit niya sina Anne Curtis, Vhong Navarro, Jhong Hilario, Amy Perez, Ogie Alcasid, Jugs Jugueta, at Teddy Corpuz.
Binanggit din niya sina Karylle, Jackie Gonzaga, Ion Perez, MC, Lassy, Cianne Dominguez, Darren Espanto, Ryan Bang, Brent Manalo, Ralph de Leon, at It's Showtime Baby Dolls.
Hindi nabanggit ni Vice si Kim, at ito ang ikinagalit ng ibang fans ng actress-TV host.
Hindi naman pinalampas ni Vice ang mga bumatikos sa kanya.
Sabi kasi ng isang fan, kataka-taka raw na nakaligtaan niya si Kim pero yung mga bagong host ay naalala niya.
Post sa X ng isang fan ni Kim: "Strange how someone could forget to mention her name when she’s an essential part of the show—one of the main hosts while the newer ones were mentioned. @vicegandako"
Buwelta ni Vice: "The toxicity of these fantards!"
Sabay tinag niya si Kim para ipaabot dito ang pamba-bash sa kanya ng fans ng aktres.
Ayon sa isa pang fan, hindi raw dahilan na walang prompter para kalimutan niya si Kim.
Halatang may "favoritism" daw si Vice.
Balik-sagot ni Vice: "Grabe the kacheapan of these fans! Look @prinsesachinita."
May nagpaalala namang fan kay Kim na hindi raw dapat nito hinahayaang maliitin o balewalain siya.
Sabi ng fan: "You know your worth don’t let anyone dim that. You deserve so much better than this, better treatment, better respect, and better recognition.
"Still hoping you’ll quit Showtime!"
Sagot ni Vice: "The entitlement. Eeeewwww!!!!"
Naka-tag si Kim sa lahat ng buwelta ni Vice sa fans ng aktres.
Nakarating naman agad kay Kim ang pangyayari, at kinontra niya si Vice sa sinabi nitong "ka-cheapan" ang sentimyento ng fans ng aktres na nadismaya kay Vice.
Depensa ni Kim (published as is): "Ayaw ko na sanang palakihin ito. Pero bilang mga taga supporta hindi naman cguro ka cheapan ang tawag duon.
"Cguro po marahil sa sobrang pagmamahal at supporta nila sa idolo nila ay protective sila. Initial reaction po cguro ito.
"Hindi sa tinolerate ko sila pero sana hinayaan na natin ito. Kung wala ang mga taong sumusuporta at lubos na nagmamahal sa atin wala din tatangkilik sa lahat ng ginagawa natin."
Paalala naman ni Kim sa sariling fans, "Let’s spread love and love always!!"
Read: Bea Alonzo confirms wedding to billionaire scion Vincent Co
VICE GANDA SAYS NO TO "ENABLING TOXIC BEHAVIOR"
Hindi sang-ayon si Vice sa pahayag ni Kim na hindi na niya dapat pinatulan ang fans nito.
Katuwiran ni Vice: "Sa aking mga LITTLE PONIES hindi sapat at katanggap tanggap na dahilan na mahal nyo ko para maging masama kyo sa iba.
"Ipinagpapasalamat ko ang suporta nyo but i will not enable your toxic behavior just because i seek ur support."
Patutsada pa niya, "I love you my mature and thinking Little Ponies!"
Idiniin din ni Vice na ang fans ay pinasasalamatan "but not enable."
Ipinunto pa ni Vice na maging ang kanyang sariling ina ay hindi naman kasama sa thank-you speech niya nang manalo ng FAMAS Award.
Hirit niya: "Sa mga kamag anak ng Nanay ko sana po wag nyo kong ibash dahil nakaligtaan kong imention ang Nanay ko sa speech ko kagabi."
Sa huli, nilinaw ni Vice na hindi raw ibig sabihing nagkontrahan sila ni Kim ay magkaaway sila.
"Oh, we're not fighting. We're messaging each other now. As friends," paglilinaw niya.
Sa latest tweet naman ni Kim, nagbahagi siya ng sariling meme kung saan naka-heart sign siya.
Caption niya rito: "Let’s spread love and love always!!!!"