Muling naging usap-usapan ang tarot card reading ng life coach, psychic counsellor, at tarot card reader na si Niki Vizcarra para kay Bea Alonzo matapos magpakasal ang aktres sa businessman na si Vincent Co.
Noong Enero 2021, naging panauhin ni Bea si Niki sa YouTube vlog ng aktres, kung saan binasahan niya ito ng tarot cards at ibinahagi ang nakikita niyang kapalaran sa pag-ibig at pag-aasawa.
Muling binalikan ng netizens ang naturang vlog kasunod ng civil wedding nina Bea at Vincent na ginanap noong July 13, 2026 sa Makati City Hall.
Isa sa mga naging usap-usapan ay ang nagkatotoong bahagi ng tarot reading ni Niki.
Hula niya sa aktres: “Civil wedding pero matatagalan pa pero bongga naman yung magiging kasal mo and married life after.
"Kasi, if you’ll be married now, may chances kang mag-separate kasi.
“Ito yung mapapangasawa mo, mature na kasi siya. Mature siya mag-isip ang love niya is true.”
Makalipas ang limang taon, nagpakasal nga si Bea sa isang civil wedding kay Vincent Co, isang lalaking mas mature kaysa sa kanyang mga naging dating karelasyon.
Mrami ang namangha at muling nagbahagi ng lumang video ng tarot reading kay Bea.
Read: Bea Alonzo's 2021 tarot prediction resurfaces after wedding
NIKI VIZCARRA ON VIRAL TAROT READING WITH BEA ALONZO
Sa eksklusibong panayam ng PEP.ph (Philippine Entertainment Portal) kay Niki ngayong Miyerkules, July 22, inamin niyang nagulat siya nang muling mag-viral ang kanyang tarot reading.
“Nagulat talaga ako na nag-trending. Sinasabi ng friends ko, ikaw pala ‘yung nagbasa kay Bea,” ani Niki, na labintatlong taon nang life coach.
Aminado rin siyang hindi na niya matandaan ang marami sa kanyang sinabi kay Bea noong 2021 dahil sa paraan ng kanyang pagbabasa ng tarot cards.
Saad niya: “Actually, I’m quite surprised and I even don’t remember na those things that I mentioned in the video.
"Kasi, the way we read, me and the people also around my circle with the same masters and tarot mentors, we read transcendentally.
“Sa amin kasi, there are four methods in reading the tarot cards.
"One is suggestive or definitive, meaning yung definition ng tarot cards ang babasahin.
“Second is intuitive, intuition sa cards, meaning yung first emotion and thoughts na makikita sa cards.
“Yung third is visionary.
"Kaya lang, ako kasi, is transcendental reader, meaning we are channeling from the divine.
"It’s called divination, yung method like me, nagpapa-pray muna ako.
“Parang, 'Ma’am before we proceed, please ask permission, seek the blessing.'
"Kapag nag-read kami, tuluy-tuloy yan. Medyo mabilis magsalita.
“After ng reading session, nawawala sa amin yung information and it’s safe for us.
"Sinadya yon ng gods para hindi kami ma-information overload, kasi we read thousands of people every week.
“It’s safe for us para hindi kami ma-saturate even ng isang tao. Hindi namin siya makilala nang lubos through the readings, walang bias din.”
Read: Boss Toyo apologizes after Kara David documentary backlash
BEA ALONZO BECAME NIKI'S CLIENT
Ibinunyag din ni Niki na hindi nagtapos sa vlog ang kanilang ugnayan ni Bea.
Ayon sa kanya, naging regular na ang konsultasyon ni Bea sa kanya bilang life coach at tarot reader.
“Going back to B [Bea], sa reading niya, hindi ko na talaga actually maaalala yung iba na sinabi ko sa kanya.
“Ito lang ang ire-reveal ko, after that kasi, she’s been coming to me na for consultation, life coaching, every once in six months.
“And I really appreciate that for someone… she’s a Christian actually. She doesn’t believe sa mga magical, supernaturals.
“She’s very Christian. Very prayerful, very good soul and I really appreciate that.
"Nagulat nga ako nung kunin nila ako that time.”
Hindi pa raw nakakausap ni Niki si Bea matapos ang kasal nito kay Vincent dahil pareho silang abala.
Gayunman, ibinahagi niyang ilang buwan bago muling magkita sina Bea at Vincent ay nakita na niya sa tarot cards ang pagdating ng tamang lalaki para sa aktres.
“Busy siya, busy rin ako," pakli niya.
"Six months before sila nagkadaupang-palad uli, kasi before nag-meet na sila ni Vincent Co. This was in January 2025.
"Nabasa ko na yon kay B. Sabi ko, ‘B, ito na. Ito na talaga. Parang nakikita ko na yung the one mo.’
“Sabi niya, ‘Sino ‘yan?’
“Sabi ko, 'Someone in the past. Very mayaman. Ito na yung si very matured guy. Basta, basta months from now.'
"And then, tuluy-tuloy na, pero hindi ko na masyadong ni-reveal. Ganoon kasi ako magbasa although I have an idea na in mind.”
Read: Robin Padilla questions "one-sided" prosecution in VP Sara Duterte impeachment trial
NO TO NEGATIVE PREDICTIONS
Bilang life coach at psychic counselor, sinabi ni Niki na sinasadya niyang umiwas sa pagbibigay ng negatibong prediksyon sa mga taong lumalapit sa kanya.
Paliwanag niya: “Ayoko ng negative. I don’t declare any negativity to anyone, to the state.
"Ayoko rin ng pulitika, and sina Nostradamus, like mga doomsday problem, ayoko ng ganoon.
“I just wanna give the blessings, I don’t wanna curse.
"When you read kasi, eto ang mangyayari sa yo, tapos bad, it’s not a reading anymore.
“It’s a declaration. It’s a curse, and it’s very easy to do that.
"Ang daling sumira, like, baliin mo yung lapis, it would take seconds.
"But the challenge is, 'Sge nga, ibalik mo nang buo? Sige nga, i-heal mo yung tao, yung may sakit.' That’s the real challenge."
Pagpapatuloy ni Niki: “As my masters and my gurus taught me, pinalaki rin ako ng mga magulang ko to be very positive.
"At sa dami ng mga pagsubok na pinagdaanan ko when I was young, traumatic and all that, pinatibay ako ng buhay, ng pagkakataon, ng destiny.
"So, hindi ako nagpapaapekto sa mga negativity.
“That’s what I am here for. Yun ang purpose ko, ang mga lumalapit talaga sa amin, mga negative people, kasi may mga problema, mabigat ang loob or the curious lang.
“Ang challenge diyan is kung papaano mo sila iki-cleanse. Very intense yon na cleansing that’s why we chant for four hours every night.”
Ibinahagi rin ni Niki na gabi-gabi siyang nagdarasal, mula alas-dose ng hatinggabi hanggang alas-kuwatro ng madaling-araw, bilang bahagi ng kanyang spiritual practice.
Read: James Graham on unexpected coming out: "I'm still in shock."
MORE CONSULTATION REQUESTS
Dahil sa muling pag-viral ng kanyang tarot reading para kay Bea, sinabi ni Niki na dumami ang gustong magpa-consult sa kanya.
Gayunman, nililimitahan daw niya ang kanyang appointments sa limang tao lamang bawat araw.
Aniya: “They can contact me sa IG and Facebook ko. They can message me. I read naman.
"Ngayon lang talaga, I just accept five people a day para chill lang din. Sunday lang ang pahinga ko.
“Ang message ko na lang, please bear with me brothers and sisters. Sana maging patient sila in contacting me.
“Lahat gusto ko ma-accommodate pero lima-lima lang talaga every day. Just wait for their turn lang talaga. Re-replay-an ko silang lahat.”