Nagbigay ng update ang aktres na si Rita Avila tungkol sa kalagayan ng kanyanng mister, ang direktor na si FM Reyes.
Sa Instagram kahapon, July 23, 2026, nag-post si Rita ng bagong larawan nila ng asawa at anak nilang si Kate Reyes.
Makikitang may handbrace support sa kanang kamay ang direktor ng Blood vs Duty.
Nakangiti ang tatlo na animo'y malayo na sa kapahamakan si Reyes.
Ayon kay Rita, mabuti na lamang daw at walang tinamang artery sa braso ng asawa matapos itong tamaan ng grinder.
Nagpapagaling na raw ito sa kasalukuyan.
Saad niya (published as is): "Salamat sa mga nagpahatid ng concern k Direk FM Reyes.
"Sa mga d pa alam, nabagsakan sha ng grinder sa wrist. Inoperahan sha at mabuti na lang ay walang tinamaang artery.
"Kasalukuyan na shang nagpapagaling.
"#direkfmreyes #bloodvsduty"
View this post on Instagram
Read: Oyo Sotto, Danica Sotto talk about inheritance from parents
RITA AVILA ASKS FANS NOT TO BE RUDE TO CELEBS
Noong July 22, Miyerkules, unang isinapubliko ni Rita ang disgrasyang tinamo ng asawa sa pamamagitan ng Facebook.
Lunes daw ito nangyari, July 20, habang nasa promo events siya ng kinabibilangang serye, ang Someone, Someday.
Bilang pagpapakita ng propesyunalismo, hindi ipinahalata ni Rita na may bumabagabag sa kanyang isipan at tinapos ang event.
Lahad ni Rita (published as is): "So habang may event kami para sa promo ng Someone, Someday nung lunes, naaksidente naman ang asawa kong direktor na si FM Reyes.
"Bumagsak sa kamay nya ung grinder sa may wrist."
Kaya paalala niya sa mga tao, huwag masyadong husgahan ang mga artista kung hindi man makakaway o ngumiti sa kanila kung makita nila sa public events.
Ani Rita: "Smile Smile ako sa event pero ung isip ko ay nag aalala.
"Kaya wag kayong malupit sa artista kung hindi nakangiti o nakakaway sa inyo, minsan may dinaramdam din kami.
"Isang hibla ang layo sa mga ugat na pwedeng ikamatay ng asawa ko. Sugod ako sa ospital matapos ang event.
"Inoperahan sha at ngayo’y nagpapagaling na."
Read: Rita Avila's husband, director FM Reyes, injured in accident