Patuloy na nakakapagturo ang gurong sinuntok ng dalawang estudyante,
Nakakapasok din sa paaralan ang dalawang magkapatid na nanuntok sa guro, ayon sa ulat ng Frontline Pilipinas.
Gumugulong ngayon ang imbestigasyon kaugnay ng nag-viral na insidenteng naganap sa Elizalde National High School, Maco, Davao de Oro,
Read: Facebook keeps lead as top news source for Pinoys--survey
THE VIRAL INCIDENT
Ayon sa police report, nasa gym ang mga estudyante dahil oras ng recess.
Dumating ang guro at sinabihan silang pumasok na sa kanilang mga silid-aralan.
Nakita ng guro na may hikaw ang isang Grade 10 male student, sinita niya ito dahil labag daw sa school policy.
Kung panonooring mabuti ang kuhang video, makikita ang pagkumpronta ng teacher sa estudyante.
Makikita ring pumalag ang estudyante, at umambang itutulak sa balikat ang guro.
Hinarap siya ng guro at tila binabalaan.
Aktong manununtok na ang estudyante, pero mula sa likuran ay may isa pang estudyanteng sinuntok ang gurong napahandusay sa sahig.
Magkapatid pala ang dalawang estudyante, na pinagtulungang bugbugin ang guro.
Mabilis namang umawat ang iba pang estudyante, habang nagsitakbuhan ang iba dahil sa komosyon.
Nagpunta sa pulis station ang guro para i-report ang pangyayari.
Dinala naman ang magkapatid sa Municipal Social Welfare and Development Office.
Ani Jenielito Atillo, Spokesperson, DepEd-XI, “Ang guro submitted himself for a medical intervention because of what transpired.”
Aniya pa sa hiwalay na interview, “This is very unfortunate if indeed the teacher is being attacked by students… this is an isolated case.
“Yung ating DepEd Davao de Oro has sent a team already headed by a lawyer to look into the details of the incident,” aniya sa GMA Integrated News.
Read: EXPLAINER: What is Pax Silica; why does it matter to Filipinos?
DEPED REGION XI REACTS
Naglabas ng official statement ang DepEd Region XI.
Hindi raw nito ito-tolerate ang karahasan sa mga paaralan.
“At the same time, the Division Office is undertaking its own initial fact-finding process in coordination with the school to ensure that appropriate interventions and necessary support are extended to all individuals involved.”
NETIZENS REACT
Naging hot topic sa iba’t ibang social media platforms ang insidente.
Mas marami ang pumapanig sa guro.
May mga netizens na nagkomentong expulsion dapat ang ipataw sa mga estudyante.
“Very alarming,” sabi ng isang netizen.
May humiling naman na i-post sana "ang resulta at sanctions given para hindi pamarisan…”
Pagsang-ayon ng isa pa: "Sana i-ban ang mga ganyang students. Imagine kung kaya nilang gawin yan sa mga teachers, what more sa mga kaklase or kapwa nila estudyante.”
Marami ang nagkomento na dapat may pananagutan din ang mga magulang.
“Ito talaga yun, e. Yung upbringing ng mga bata nagsa-sart sa bahay, nagre-reflect sa school or outside."
May mga sumang-ayon: "Matagal ko na ring sinasabi iyan pero yung iba, may katwiran: ano raw ang kinalaman ng mga magulang sa kasalanan ng kanilang mga anak?”
Hirit ng isang netizen, “Not just the parents but the minor should be held accountable as well.”
Pero pagkontra ng isa, “They are kids. And kids make a lot of wrong decision, made worst by poor parenting. Kids need proper guidance.”
