Arestado ng National Bureau of Investigation (NBI) ang talent manager na sangkot diumano sa human trafficking.
Naganap ang bust operation ng undercover agents sa isang five-star hotel sa Manila noong gabi ng Miyerkules, July 29, 2026.
Limang female artists ang dinala ng talent manager para sa meet-up sa undercover agents.
Ayon sa ulat, ang singil ng talent manager kada female artist ay nagkakahalaga ng PHP250,000
Pasado alas nuebe ng gabi nang dumating sa hotel ang grupo ng female artists kasama ang talent manager.
Pagdating sa meeting room, inabot ng agents ang marked money bilang bayad sa talent manager.
Sa puntong ito, inaresto ng agents ang talent manager.
Sa imbestigasyon ng agents, napag-alamang mga pulitiko at maimpluwensiyang tao ang target clients ng talent manager.
Ayon kay NBI director Melvin Matibag: "Inaalok niya for sexual favors ang mga kababaihang ito. Napakalaking halaga.
"Actually, yung entrapment nila rito, PHP250,000 ang hinihingi niyang presyo bawat isa.
"Pagkakaalam namin dito, babae tsaka lalake rin. May mga alaga na ganun na pinu-provide siya sa mga pulitiko, mataatas na tao, mga negosyante, men in uniform..."
Read: Bela Padilla opens up about being let down by people she trusted
NBI ON ALLEGED PLOT AGAINST ADMIN OFFICIAL
Napag-alaman din sa imbestigasyon ng pulisya sa talent manager at female artists na may nilulutong plano ang mga ito na i-set-up ang isang opisyal mula sa administrasyon.
"Para palabasin na itong opisyal ng administrasyon ay kanilang parokyano," dagdag niya.
Nakita rin daw ang planong ito sa palitan ng mensahe na nakita sa mobile phone ng talent manager.
May mga usap-usapan sa social media kung sino ang pinaghihinalaang target ng set-up pati na rin ang tingin nila'y mastermind nito.
Pero sa ngayon ay hindi pa opisyal na pinapangalanan ng NBI kung sinu-sino ang mga ito.
Read: Kim Chiu stands firm on pursuing legal case vs. sister Lakam