Pumanaw na ang Filipino-American actor at dating matinee idol na si Roger Calvin noong July 30, 2026.
Siya ay 79 taong gulang.
Kinumpirma ng kanyang pamilya ang pagpanaw ng beteranong aktor.
Naulila ni Roger ang kanyang mga anak, kabilang ang Emmy Award-winning KTLA news anchor na si Cher Calvin, na dati ring nagtrabaho sa Pilipinas bilang TV news anchor.
Sa ngayon ay wala pang inilalabas na detalye ang pamilya tungkol sa sanhi ng kanyang pagkamatay.
Read: Veteran entertainment reporter Jobert Sucaldito dies at 65
ROGER CALVIN'S SHOWBIZ CAREER
Nakilala si Roger Calvin bilang isa sa mga matinee idol noong dekada '60.
Naging contract star siya ng LEA Productions, kung saan pinagbidahan niya ang ilang pelikula kasama ang ilan sa pinakamalalaking pangalan sa Philippine film industry noong panahong iyon.
Ipinakilala siya sa pelikulang Manang Biday na pinalabas noong 1966.
Kabilang pa sa kanyang mga pelikula ang Kwatang, Nag-Aapoy na Damdamin, Salamisim, Artista ang Aking Asawa, Boom Bang Bang, Devil Woman, at My Funny Girl.
Sa mahigit tatlong dekada ng kanyang karera, nakagawa siya ng mahigit 30 pelikulang Pilipino at naging isa sa mga kinikilalang leading men ng kanyang henerasyon.
Read: TAPE co-founder Romeo Jalosjos passes away at 85
LIFE IN THE UNITED STATES
Noong 1972, pansamantala iniwan ni Roger ang showbiz upang manirahan sa Amerika.
Habang nasa New York, nagtrabaho siya bilang bank teller at advertising assistant, kasabay ng pag-aaral ng graphic arts at filmmaking.
Sa Amerika na rin niya pinalaki ang kanyang pamilya.
Isa sa kanyang mga anak ay si Cher Calvin, na naging isa sa kilalang Filipino-American television journalists sa Los Angeles. Bago maging lead anchor ng KTLA 5, naging bahagi rin si Cher ng GMA Network at ABS-CBN sa Pilipinas.
Sa mga panayam noon, ipinagmamalaki ni Roger ang mga tagumpay ng kanyang anak at madalas niyang ikuwento ang pagiging malapit nila sa isa't isa.
HONORED FOR HIS CONTRIBUTION TO PHILIPPINE CINEMA
Bagamat matagal nang naninirahan sa Estados Unidos, hindi nakalimutan si Roger Calvin ng industriya ng pelikulang Pilipino.
Noong 2024, kabilang siya sa mga pinarangalan ng FAMAS bilang Iconic Movie Actor of Philippine Cinema, kasama sina Eddie Gutierrez, Dante Rivero, Coco Martin, Robin Padilla, Bong Revilla, Lito Lapid, at iba pang haligi ng lokal na pelikula.
Huli siyang napanood nang mag-guest siya sa FPJ's Ang Probinsyano noong 2019.