Ang pageant veterans na sina Angelica Lopez ng Palawan, Alexie Brooks ng Iloilo City, at trans woman na si Anne Patricia Lorenzo Diaz ng Manila ang kinoronahang kauna-unahang Reina Filipinas 2026 queens.
Ginanap ang grand coronation night sa Newport Performing Arts Theater sa Pasay City nitong Biyernes ng gabi, August 7, 2026.
Dalawampu't isang kandidata mula sa iba't ibang probinsiya at lungsod sa bansa ang nagtagisan para sa tatlong titulo sa inaugural edition ng pageant — ang Reina Filipinas Miss Grand International Philippines 2026 at dalawang Reina Filipinas Miss Grand International All Stars Philippines crowns.
Read: Angelica, Alexie join inaugural Reina Filipinas pageant
Sa simula, nagtagisan ang 21 kandidata para sa Swimsuit round, kung saan mula rito ay masusing pinili ang Top 11 finalists via live scoring.
Ang Top 11 finalist ang umabante para sa Voice of Change round.
Ang mga napili ay ang mga sumusunod:
1. Bulacan Province - Fast Track Winner Reina Dandy Glow
2. Palawan
3. Nueva Ecija
4. Rizal
5. Iloilo City
6. San Mateo, Rizal
7. Muntinlupa
8. Manila
9. Zambales
10. Mandaluyong City
11. Camarines Sur
Mula naman sa Top 11, pito sa kanila ang napiling umabante sa final round para sumagot sa iisang final question.
Ang Top 7 finalists ay sina:
1. Iloilo City - Fast Track Winner Best Seller Awardee, chosen by Jojo Bragais
2. Caloocan City - Fast Track Winner Popular Vote
3. Zambales
4. Palawan
5. Mandaluyong
6. Camarines Sur
7. Manila
The first-ever Reina Filipinas queens
Sa huli, si Angelica Lopez ng Palawan ang kinoronahang Reina Filipinas Miss Grand International Philippines 2026.
Habang sina Anne Patricia Lorenzo Diaz ng Manila at Alexie Brooks ng Iloilo City ang itinanghal bilang Reina Filipinas Miss Grand International All Stars Philippines 2026.
First runner-up si Cleopatra Barrera ng Zambales; second runner-up si Isabella Ortega ng Camarines Sur; third runner-up si Zeah Nestle Pala ng Mandaluyong City; at fourth runner-up si Luisa Lorin Benavides (Caloocan City).
Reina Filipinas 2026 special awards
Si Alexie ang nagwaging Best in Long Gown at Reina Kserene.
Si Angelica Lopez ang tumanggap ng Best in Swimsuit, Best in Pasarela, at Reina Urban Smiles Award.
Nakuha naman ni Cleopatra Barrera ng Zambales ang Reina Photogenic Award.
Habang si Scarlett de Mesa ng Muntinlupa ang tumanggap ng Reina Beauty Vault Award.
REINA FILIPINAS 2026 hostS and panel of judges
Bukod sa kumpetisyon, naging usap-usapan din ang star-studded panel of judges ng inaugural edition ng Reina Filipinas.
Kabilang sa hurado sina Miss Grand International 2024 CJ Opiaza, Miss Grand International 2026 first runner-up Gotchabell Sarunat Puagpitat, Miss Grand International All Stars winner Vanessa Pulgarin, at Miss Grand International All Stars second runner-up Nguyen Huong Giang.
Kasama rin sa panel ang fashion designer na si Michael Cinco, gayundin ang mga negosyanteng sina Leo Ortiz at Dr. Ralph Figaroa Delas Alas.
Read: Jojo Bragais reveals his judging philosophy at MGI All Stars
Naging hosts ng coronation night sina Miss Philippines Earth 2025 Joy Barcoma at Mr. World Philippines 2026 first runner-up Sean Ortega.
Samantala, nagsilbing backstage hosts ang Miss Grand International All Stars queens na sina Gazini Ganados at Fuschia Anne Ravena.