Masaya si Mikee Quintos, 28, na umabot sa puntong maayos na silang nakapag-usap ng dating nobyong si Paul Salas, 28.
Nangyari ito nang magkita sila sa bachelor's party ng common friend nilang si Mikoy Morales noong Pebrero 2026.
Pero nilinaw ng Kapuso actress na bago pa iyon ay nagkaroon naman sila ng closure nang mag-break sila noong summer of 2025.
"Hindi siya closure-closure na usap. I think I got the closure even before nung usap na yun.
"Ano lang, confirmation ng closure. Ganun siya for me," saad ni Mikee sa eksklusibong panayam ng PEP.ph (Philippine Entertainment Portal).
Hindi raw planado ang pag-uusap nilang iyon.
"Nangyari lang kasi nagkita kami sa bachelor's [party] ng best friend ko. He's the best man and I was best woman.
"Nagkita kami out of town. Naturally, first time namin nagkita uli after the breakup, we talked."
Mas nakahinga siya nang maluwag nang makapag-usap sila ng ex?
"Like I've said, I got the closure naman before that. So, yung hingang luwag before that nakuha ko na," sagot ni Mikee.
Paglalarawan pa niya sa takbo ng usapan nila ni Paul: "Parang usap na lang na, 'Nandito na ako, okay na. Ikaw, kumusta ka?'
"Mayroong kumustahan and we wish each other well.
"Ako, okay na ako, na-feel ko naman sa kanya na okay naman."
Read: Paul Salas on Mikee Quintos: “We had a good closure.”
MIKEE QUINTOS MOVING FORWARD
Tinanong din ng PEP.ph ang Saving Cherry actress kung sa ngayon ay nag-e-entertain na siya ng mga manliligaw.
"Minsan nag-i-start na ako uli, pero dating, wala pa. Lumalabas-labas lang ako na ako.
"Darating naman yun pag time na, pero okay pa ako, honestly. Nag-e-enjoy ako," tukoy niya sa kanyang single life.
Dagdag niya, "Okay ako, happy ako sa work."
Para rin kay Mikee, marami siyang aral na natutunan sa naging relasyon nila ng Kapuso actor.
"Surrender lang talaga. Di mo mako-control, di mo mapipili, di mo rin mapipilit.
"But let me be clear, surrendering doesn't mean na wala ka nang gagawin totally, ha?
"For me, it's expressing. So if you have feelings, i-express mo pa rin pero wag mong i-control yung result after the expression.
"Those are different things. And yung di pagkontrol ng results, that's surrendering.
"Kahit anong gusto mo so surrender, let things happen."
Read: Mikee Quintos and Paul Salas reunite at Mikoy’s bachelor party
MIKEE QUINTOS ON SAVING CHERRY
Nakapanayam ng PEP si Mikee sa press conference ng pelikulang Saving Cherry, na ginanap sa Cinema 16 ng Gateway Mall sa Quezon City noong August 3, 2026.
Masaya si Mikee na nakasama siya sa cast ng Saving Cherry, isang comedy-drama film na pinangungunahan ni Barbie Forteza kasama sina Mika Salamanca, AC Bonifacio, Sassa Gurl, JC Alcantara, at Khalil Ramos.
Ang direktor ay si Ivan Andrew Payawal at iprinodyus ito ng Regal Entertainment.
Mapapanood ang pelikula sa mga sinehan simula sa September 2, 2026.
Saad ni Mikee: "Sobrang honored, lahat sila ang huhusay—from the director to the whole team, to the core and, of course, the cast.
"Ang hirap lang di tumawa kasi ang huhusay nila, pero that's part of why we enjoy the set, too.
"Abangan nila ang Saving Cherry. It's worth it, promise, nag-all-out kami dito. May mga makikitang versions dito ng mga aktor na hindi niyo pa nakita before so abangan niyo."
Puring-puri rin ni Mikee ang husay at propesyunalismo ng Saving Cherry lead actress na si Barbie.
"Iba, kakaiba ito, teaser pa lang. Yung Barbie na kilala ko sa totoong buhay ay di kayang magmura.
"Di ko alam kung paano niya na-deliver yun nang ganun katigas. I think that's why, yun nga, nag-expand si Barbie dito.
"I think, she also didn't expect it from herself, and I saw that in person. I'm excited for you guys to see this," pagtatapos ni Mikee.