Triggered ang maraming Pilipino, gayundin din ang teachers, kasunod ng pang-aalispusta ng isang foreign tutor sa isang Filipina teacher.
Binabatikos ngayon si Marnus Matthysen, isang South African "English as Second Language" (ESL) teacher, matapos niyang i-bash ang isang Filipino ESL teacher sa introductory video nito.
Gumawa ng three-minute reaction video si Marnus, at ipinost ito sa kanyang Facebook account.
Sa introductory video ng Pinay teacher, ipinapakilala nito ang sarili, tulad ng kanyang educational background at hobbies. Pino-pause naman ng foreigner ang video para magkomento—na kadalasan ay pinupuna at inaalipusta ang English-speaking skills ng Pilipina.
Pinuna ng banyaga ang pronunciation at word usage ng Pinay teacher: “How did you get your bachelor’s degree if you can’t even speak [proper English], by the way? I’m just asking.”
Kung pagbabatayan ang tono ng pagsasalita at facial expressions ng foreign teacher, may halong pang-aalipusta ang kanyang pagpuna.
Aniya pa habang pinapakinggan ang video, “It gets worse."
Ang mabigat na pahayag niya sa dulo ng reaction video: “This is what we’re being replaced with, a $2 an hour teacher from the Philippines who can’t even speak proper English, but she has a Bachelor’s degree in Business Administration and whatever she mentioned…”
Ang $2 ay katumbas ng PHP122.00.
Ang punto ni Marnus, marami sa teaching industry ang frustrated ESL teachers and tutors kahit dedicated at hardworking sila sa kanilang trabaho.
“This is the kind of bullshit and shit show that you’re sitting with that we’re being replaced with right there.”
Bilang pagtatapos, ang tanong niya: “That is what you pay [for] $2 per hour for. Two dollars an hour to hire a Filipino who can’t even speak proper English.”
Read: Restaurant promo vs. 20% senior/PWD discount: Which applies?
NETIZENS REACT
Maraming netizens, partikular ang mga Pilipino, ang hindi pinalampas ang ginawang kritisismo ng South African tutor.
Ipinagtanggol nila ang inalispustang Filipina teacher.
Libu-libo ang reactions at comments ng netizens sa reaction video ni Marnus.
Ang pangunahing binatikos ng netizens ay ang pamamaraan ng kritisismo ng banyagang tutor.
Parte ng reaksiyon ng isang netizen: “While corrections were indeed necessary, but the matter on how he did it was just… terrible.
“He was mocking and literally insulting the innocent teacher. What’s worse is that he didn’t even censor or blur the face of the teacher! Talk about future lawsuit on that one.”
Read: Passenger recognizes father on bus after 20 years
Nagkomento naman ng isang netizen na nagpakilalang isa ring ESL teacher at sinabing nauunawaan niya ang punto ng South African tutor.
Nakakadismaya nga raw na may mga “inexperienced, non-native speakers” na nagpapakilalang online ESL teachers at nagtsa-charge ng napakamurang halaga.
Malaking disadvantage raw ito para sa mga experienced English tutors, at may impact ito hindi lang sa kanila kundi maging sa mga estudyante.
Gayupaman, aminado ang netizen na hindi siya sang-ayon sa paraan ng pagpuna ni Marnus.
Sagot naman ng isa pang netizen, hindi porke’t frustrated ang mga experienced online ESL teachers ay may karapatan na silang manlait sa mga taong nais magtrabaho nang maayos.
Sabi pa ng netizen, “Had he done it in a correct and decent manner people would gladly accept that correction.”
Ang ibang Pinoy netizens, pinuna rin ang English ng South African tutor.
Nahalungkat nila ang isang previous long post ng tutor at kinorek ang kanyang grammatical errors.
SOUTH AFRICAN TUTOR RESPONDS
Kasunod ng matinding bashing na natanggap ni Marnus sa social media, gumawa siya ng follow-up na 12-minute video nitong August 12.
Ipinagtanggol niya rito ang sarili.
Ibinunyag niyang nakakuha siya ng maraming petisyon laban sa kanya at napagtantong ang kanyang reaction video “seriously pissed some people off,” lalo na ang Filipino community.
Tinawag daw siyang racist at ugly, at pinadalhan ng direct messages na itinuturing niyang death threats.
Pati raw ang mga previous posts niya na walang kinalaman sa isyu ay idinawit ng netizens.
Pero walang bakas ng pagsisisi ang foreign tutor sa kanyang naunang reaction video..
Sa katunayan, may pagka-sarcastic pa ang kanyang mga naging pahayag.
“I’m still here. It doesn’t scare me. And more importantly, none of that actually addresses what I say.”
Ang “funny part” pa nga raw, dahil sa atensiyong nakuha niya online, pumabor sa kanya ang mataas na engagement ng klanyang post.
Sabi niya sa kanyang bashers, “You’re potentially helping more people see it,” pagtukoy sa kanyang controversial reaction post.
“So, thanks, I guess…” sarkastiko niyang pahayag.
Pero sa kabila raw ng atensiyong nakuha, hindi dapat maligaw kung ano ang tunay na isyu.
Naghamon pa siya sa mga netizens kung mali raw ba ang kanyang argumento.
Hindi rin siya apektado sa tinanggap niyang personal attacks.
Nilinaw niyang hindi generalized ang sinabing bad teachers ang mga Pilipino.
Sa katunayan, marami raw siyang kilalang “brilliant Filipino teachers.”
Naging mahaba ang kanyang pangangatwiran.
Pero ang gusto raw niyang ipunto: kung totoong magaling ang isang tao, hindi raw siya dapat nag-o-offer ng cheap price.
Nagiging daan daw iyon para sa exploitation.
“You’re selling point should be, ‘I’m good at what I do,' not 'I’m the cheapest teacher.'”
Ang parunggit niya ay kung mag-o-offer ng services, tulad ng pagtuturo, kailangan ay maging magaling bilang teacher, hindi lang basta makapagturo at mag-offer ng murang serbisyo.
Aniya, “Sell value. Don’t sell cheap. Sell results. Sell skills.”
Hindi rin daw dapat issue ang nationality sa professional value.
Siya raw ay hindi American citizen kundi South African na nagpakahirap para maging mahusay sa English at makapagturo siya.
Aminado siyang “too harsh” ang mga salitang ginamit niya.
Bilang panghuli, iginiit niyang hindi dapat magpabayad ng $2 per hour ang skilled teacher.
Mas malinaw ang naging paliwanag ng South African teacher sa pagtatanggol sa sarili.
Mas highlighted ang kanyang ipinaglalaban kesa sa pangungutya.
Sa kanyang reaction video kasi, ipinabatid niya ang mensahe at the expense of the Pinay tutor.
Pero hindi niya pinairal ang pagiging constructive critic sa kanyang naunang video.
The damage has been done.
At ang pambabatikos sa kanya online ay resulta ng walang pakundangang pagmamaliit sa kapwa.