Isinakripisyo pansamantala ni Bianca Umali, 26, ang sariling edukasyon upang patapusin ng kolehiyo ang kanyang pinsan.
"Ako po ay K-12 graduate," pagbabahagi ni Bianca sa i-Listen podcast ni Kara David na in-upload sa YouTube noong August 19, 2026.
Ang K-12 Program sa Pilipinas ay isinabatas sa pamamagitan ng Republic Act No. 10533 noong 2013.
Pinalawig nito ang basic education mula sampung taon tungo sa 13-taong sistema na binubuo ng kindergarten, anim na taon ng elementarya, apat na taon ng junior high school, at dalawang taon ng senior high school.
Layunin nitong iayon ang sistema ng edukasyon ng Pilipinas sa pandaigdigang pamantayan at mas mapahusay ang kahandaan ng mga mag-aaral sa trabaho.
Tinanong ni Kara si Bianca kung bakit hindi niya itinuloy ang pag-aaral sa college.
Dito ibinahagi ng Kapuso actress ang tungkol sa nakakabata niyang pinsan na babae na binigyan niya ng prayoridad makapagtapos ng kolehiyo.
Lahad ni Bianca: "It was a choice not to send myself to school first, because yung isa po sa mga apo inside the house of my Lola [Vicky Umali], is pinsan ko po, one of the youngest cousins.
"Nung kinaya ko na po na maging stable independently, I chose to take her in.
"Inampon ko po siya and I helped raise her and I sent her to school.
"Inuna ko po siyang pag-aralin. It was a choice of mine because... her name is Sam."
Si Sam ay nakapagtapos ng kursong Multimedia Arts sa College of Saint Benilde.
Labingwalong taong gulang daw si Bianca nang simulan niyang pag-aralin ang pinsan.
Pagpapatuloy ng aktres: "And, ang situation po kasi ni Sam is that she also has two younger sisters after her.
"And I chose to send her to school first because... pinili ko po na siya muna because I wanted for her to be able to help her sisters.
"For me, it was really to pay it forward also. And it was my way of giving back to my lola kasi naniniwala naman din po ako na yung pag-aaral naman po, it will never get too late for anyone to study.
"And, because I was also very focused on my work.
"Siya, e, waiting lang naman siya to be sent to school. Then sabi ko, 'Sige, you go.'
"I mean, if I was fortunate enough, I could have sent the both of us sabay. Pero hindi po kaya because hindi rin po murang mag-aral lalo sa panahon ngayon.
"But now, she graduated already. And now she helps me with my work. We're together."
Read: Queen of Country Dolly Parton dies at 80
BIANCA on sam'S graduation: "fulfillment for me."
Ano ang naramdaman niya nang nagmartsa na si Sam para kunin ang diploma nito?
Saad ni Bianca: "Actually, through her, I get to discover din kung ano yung pagmamahal ng isang nanay.
"And in fact, ano rin, yun pala yung pagmamahal ng lola namin para sa amin.
"Kaya po may mga oras na nagugulat ako sa sarili ko. Lumalabas sa akin yung mga salita ng lola ko kasi yun pala yun."
Dagdag niya: "Knowing that she graduated was a fulfillment for me.
"Ultimately, the feeling was, 'Okay, mission accomplished tayo. May nagawa tayong tama.'"
Ito na ba ang tamang panahon upang siya naman ang magpatuloy ng pag-aaral?
"Ay, opo. Ngayon na graduate na siya, ako naman po ang mag-aaral," sabi ni Bianca.
Anong kurso ang kukunin niya sa kolehiyo?
"Ay! Pinag-iisipan ko pa po, but I have two choices. It's either I go to a design school for interior design or I'm also looking po into a big university siyempre.
"Pero hindi po ako decided sa kung ano talaga but, yes, I'm excited to study."
May mensahe ba siya sa mga katulad niyang may hindi magandang pinagdaanan noong kabataan?
Pumanaw ang ina ni Bianca noong limang taong gulang pa lamang ang aktres.
Naging ulilang lubos siya sa edad na sampu dahil pumanaw na rin ang kanyang ama.
Lumaki si Bianca sa poder ng kanyang paternal grandmother na si Vicky Umali.
Ayon sa Kapuso actress: "I always held on to that quote that we hear, 'This too shall pass.'
"Every time I would go through something painful, I would go through something hard, I always remind myself that this too shall pass.
"Lilipas din ito. Ang buhay tuluy-tuloy lang yan kahit anong mangyari. And I have discovered that this is not all that life will offer you.
"The things that you are going through is making you stronger and everything happens for a reason.
"You may not see it right at that moment, but you will see it eventually.
"You believe that you see it. Even if you don't believe in yourself, believe that there is a reason.
"Believe that you will eventually understand why this is happening and then you will be grateful. I'm sure of it."
Read: Miss World Ethiopia's sister kidnapped, murdered before pageant