Pumanaw na ang dating Sampaguita actress na si Jean Lopez sa edad na 86 noong September 1, 2026.
Kinumpirma ng anak ni Jean na si Barbi Castelvi ang malungkot na balita sa pamamagitan ng Instagram post.
Nakasaad dito: "My sweet mommy is gone. My first love, my first teacher, my first protector has gone on to the next party.
"September 1st 2026 was the worst day of my life.
"She was the best mother and I was privileged to be her daughter.
"She went suddenly, quickly, softly and unexpected.
"I will try my best to go on because I know she would want that. She lived an iconic unique life.
"From famous movie star/singer/model/tv producer/dancer Jean Lopez in the Philippines to moving our family to Canada to live a normal life, she was graceful, kind, empathetic and loving.
"I’ll see you in the next life my love. I will never be the same without you. Thank you for teaching me to be like you."
View this post on Instagram
Ayon naman sa isa pang anak ni Jean na si Billie Jean, "She was praying with my Dad and suddenly gasped her last breath right before the rosary."
Hindi pa tinutukoy kung ano ang sanhi ng pagkamatay ni Jean.
Read: Sugarpop member Vanessa Rangadhol dies at 30 after accident
JEAN LOPEZ: ONE OF THE MOST BEAUTIFUL FACES IN PHILIPPINE SHOWBIZ
Si Jean Lopez, na isang mestiza, ang isa sa itinuturing na may pinakamagandang mukha sa Philippine showbiz.
Kabilang siya sa prized stars ng dating nangungunang film company sa bansa, ang Sampaguita Pictures.
Ayon sa publicist at Philippine showbiz trivia personality na si Renz Spangler, madalas i-cast si Jean bilang leading lady ng mga nangunanang comedians at matinee idols noong kasagsagan ng kanyang showbiz career.
Ilan sa mga tinampukan niyang pelikula ay Ang Magkakapitbahay (1960), Dobol Trobol (1960), Operetang Sampay-Bakod (1961), Kandidatong Pulpol (1961), Eca Babagot (1961), Si Lucio at Si Miguel (1962), Tanzan the Mighty (1962), Susanang Daldal (1962), Detektib Kalog (1963), Mga Batang Iskwater (1964), Mga Batang Turista (1965), The Sound of Buwisit (1965), Inday ng Buhay Ko (1966), Ito ang Dahilan (1966), Together Again (1967), Ayos na Darling (1968), at Let's Do It: The Las Vegas Way (1970).
Kabilang sa mga nakatrabaho ni Jean ay sina Dolphy, Susan Roces, Eddie Gutierrez, Josephine Estrada, Amalia Fuentes, Greg Martin, at Helen Gamboa.
Ikinasal si Jean sa kapwa artista na si Romano Castellvi noong 1969.
Kalaunan ay iniwan ni Jean ang pag-aartista upang manirahan sa Toronto, Canada, kasama ang kanyang pamilya, kung saan namuhay sila nang mapayapa at malayo sa kinang ng showbiz.
Read: Director Monti Parungao dies at 58 after battle with colon cancer