Natuwa ang entertainment press sa kuwentuhan nina Heart Evangelista at John Prats tungkol sa kanilang dating relasyon at paghihiwalay.
Noong 2023, naghiwalay ang reel-to-real loveteam, matapos ang pagpapalabas ng My First Romance, ang romantic movie nilang dalawa kasama sina Bea Alonzo at John Lloyd Cruz.
“After nung mga ganap na kailangan naming gawin for My First Romance, after the premiere night, after the presscon, wala na, we never saw each other again,” sabi ni John.
Pagkatapos ng paghihiwalay ay 23 years silang hindi nagkita.
“We never said goodbye,” sabi naman ni Heart.
Naganap ang interview with the press sa opisina ng Cornerstone Studios sa Quezon City noong Biyernes, September 18, 2026.
Read: Yeng Constantino regrets serenading Ryan Bang at her concert
REUNION MOVIE
Humarap ang mag-ex sa presscon para sa announcement ng kanilang reunion movie na nakatakdang ipalabas sa February 2027.
Nakahanda na ang script nito, ngunit wala pang title.
Si John ang magiging direktor nito.
Kuwento ng dalawa, naging posible ang reunion movie dahil maganda ang resulta ng guesting ni John sa talk show ni Heart.
Noong May 9, 2026 inere ang nasabing guesting sa Heart World.
Matapos nito, tuluy-tuluy ang reconnection ng mag-ex, at sa katunayan ay bumida pa sila sa isang music video ni TJ Monterde.
Dito na nag-offer si Erickson Raymundo, founder ng Cornerstone Studios, ng pelikula.
“Sobrang excited namin,” saad ni John.
“Tapos, yun nga, sinabi sa akin ni Erickson, 'Now, why don't you direct the film?'
"So, parang una kinabahan ako, but parang nagkaroon ako ng kumpiyansa kasi parang walang ibang perfect film na idi-direct ko kundi yung istorya namin.”
Kilalang direktor ng mga concert at TV show si John, pero hindi pa siya nakakagawa ng pelikula.
Pagpapatuloy ng dating matinee idol: “Yung pelikula kasi sobrang personal, so I have this confidence to tell the story na, na walang makakapagsabi kundi kami lang.
"And yun nga, sobrang mas excited akong mag-direct. Mas kinakabahan akong umarte.”
Read: Heart Evangelista, John Prats revisit first love and breakup
BREAKUP MEMORIES
Para makapag-prepare para sa pelikula ay sinariwa ng dating magkasintahan ang kanilang dating ugnayan.
Kasama na rito ang paghahanap ng souvenirs mula sa nakaraan, na maaaring gamitin sa pelikula.
Natawa ang press nang tinawag ni Heart si John na “tatanga-tanga” dahil sinunog na nito ang mga bagay na ibinigay niya rito noon.
Isa sa mga nawala ay ang scrapbook na ginawa ni Heart.
Pagbabahagi ni John: “Every day pinupuno niya yun, like, even the tissue na may tulo ng kape nung lumipad kami to Bacolod, nilalagay niya,.
"Tapos may mga notes, lahat yun. Yung sugar na ginamit ko for this, lahat yun.
"That's how, kung paano niya ginagawa, kini-keep yung memories namin."
Sinira raw ito ng 42-year-old actor-director para gumaan ang kanyang loob.
“Akala ko kasi makakalimutan ko siya afterwards," sabi ni John.
"I felt kind of better. Parang sabi ko, 'Okay ah, I feel better ah.'
"Pero after, like, few hours, parang hindi rin pala nakakatulong.
"So, sayang pala, kasi sayang.
"Nung nag-usap kami sa pelikula, 'Sayang sinunog natin, pwede nating gamitin sa pelikula,'” dagdag pa niya.
Pero mabuti na lang daw ay may mga naitago si Heart. Isa rito ang isang journal na may mga drawing at punit.
Sabi ni 41-year-old actress and TV host: “Grabe ko talaga i-treasure yung mga tao sa buhay ko. Talagang kineep ko.
"Pero napunit talaga yung iba. Siya nga sinunog, e.”
Read: Heart, John revive "Please Be Careful With My Heart" duet
MORE THAN KILIG
Tanong ng PEP.ph (Philippine Entertainment Portal), nararamdaman pa ba ng dalawa ang kilig matapos ang lagpas na dalawang dekada?
“More than kilig, mas more happy kami when we're together,” sagot ni John.
Namamangha raw siya na marami pa ring fans ang kilig na kilig sa throwback photos nila.
“Yung may mga nagtu-tweet na ganun, naa-amaze din kami kasi just like, just having a photo together, like, kuwentuhan, iba ah!
"So, feeling ko, naniniwala na lang ako dun sa chemistry na sinasabi nila.”
Ibang level din daw kasi ang pinagsamahan nilang dalawa dati.
“Because it's very genuine," sambit ni John.
"Like, whenever we're together, it's like more than... ang hirap ding makahanap ng ganun sa industriya, na the connection, the friendship that we have now.”
Sabi naman ni Heart, “Para talagang walang lumipas na oras.”
Read: Yeng Constantino reveals Ryan Bang ghosted her; Heart Evangelista, Vice Ganda snub each other?