Pansamantalang nakalaya si Lakambini “Lakam” Chiu matapos niyang makapag-post ng PHP5.6 million na piyansa sa pamamagitan ng surety bond pagkatapos ng kanyang arraignment sa Quezon City court noong Huwebes, Setyembre 24, 2026.
Kinumpirma ng Bureau of Jail Management and Penology (BJMP) na nakalabas si Lakam mula sa Quezon City Jail Female Dormitory bandang 5:30 ng hapon.
Hindi personal na dumalo sa korte si Lakam para sa kanyang arraignment, ulat ng ABS-CBN News.
Ayon sa abogado niyang si Atty. Dominic Solis, dumalo ang kanyang kliyente sa pamamagitan ng video conferencing.
Nagpasok si Lakam ng plea of not guilty sa mga kasong kinakaharap niya.
“Our client entered the plea of not guilty to the charges of qualified theft via video conferencing,” pahayag ni Solis.
Sinabi rin ng abogado na sa kabila ng sitwasyon, kinakaya naman ni Lakam ang mga nangyayari.
“Our client is holding up quite well considering the circumstances,” dagdag niya.
Read: Lakam Chiu’s father visits her as family struggles to raise bail
KIM CHIU ATTENDS ARRAIGNMENT
Samantala, personal na dumalo si Kim sa arraignment kasama ang kanyang mga abogado. Sinamahan din siya ng Star Magic head na si Laurenti Dyogi.
Hindi nagbigay ng media interview ang aktres, ngunit naglabas siya ng pahayag sa pamamagitan ng kanyang legal counsel.
Ayon sa abogado ni Kim at ng House of Little Bunny Philippines, Inc. (HOLB-PH), determinado silang ituloy ang mga kasong isinampa laban kay Lakam.
“Our clients are dedicated to pursue the cases against Lakam Chiu. We are precluded by the courts to make comments because of the subjudice rule.
"For now, the arraignment was concluded and the cases will continue to be heard by the court," pahayag ni Atty. Margrein Archernar M. Gregana.
Ipinaalala rin ng kampo ni Kim na kailangang dumaan sa tamang proseso ang mga susunod nilang legal na hakbang.
Ayon kay Atty. Gregana, nagtitiwala sina Kim at HOLB-PH sa justice system habang nagpapatuloy ang pagdinig sa mga kaso.
“Naniniwala ang HOLB at si Kim Chiu sa justice system natin at pinapaubaya niya ito na dadaanan sa tamang proseso para makamit ang hustisya,” aniya.
Sa ngayon, nagpapatuloy ang mga kasong qualified theft laban kay Lakam habang isinasagawa ng korte ang kaukulang proseso.
Ang kanyang pagpasok ng not guilty plea at ang pagkakaloob ng piyansa ay bahagi ng mga legal na hakbang sa kasong hindi pa nareresolba ng korte.
Read: Kim Chiu breaks silence after sister Lakam Chiu’s arraignment