Pinagpapasalamat ni Alwyn Uytingco, 38, na maayos ang co-parenting agreement nila ng estranged wife na si Jennica Garcia, 36.
May dalawang anak ang estranged couple: sina Athena Mori, 11, at Alexa Severina, 8.
Pitong taon silang nagsama bilang mag-asawa, pero nauwi ito sa hiwalayan noong 2021.
Makalipas ang dalawang taon, kinumpirma ng aktres na sumasailalim sila annulment ang
Sa panayam ng PEP.ph (Philippine Entertainment Portal), nagbahagi ang aktor ng magandang samahan nila ni Jennica pagdating sa pagpapalaki ng kanilang dalawang anak.
"I believe it's going very, very good. Lagi naman kaming magkausap ni Jen. We're very open how we will make everything healthy for our kids," bungad ni Alwyn.
Aminado si Alwyn na sa umpisa ay hindi naging madali ang set-up nila.
"It really took a while, super. And it was not an easy process.
"I guess ganun naman yata talaga, with heartbreaks and all. It's messy, pero I'm glad we're here now in this season.
"It's not easy, I would say. Marami pa ring struggles. But feeling ko yun yung nagiging motivation namin parehas. Talagang laban, laban, yun."
Ilang beses na pag-uusap daw ang kinailangan bago sila nagkasundo pagdating sa mga bata.
Lahad niya: "Yeah, nag-usap, and consistent yun, constant yun, both personal and on the phone.
"Lagi kaming magkausap, healing with things. And ako naman, open ako palagi to communication.
"I am good with Jen. Siya rin, very open yung communication naman.
"Kasi we are talking about the kids, bakit hindi ka gagawa ng paraan? Yun naman ang nagugustuhan ko sa aming dalawa. We're both doing our own part."
Nakapanayam ng PEP si Alwyn sa launch ng Cinepanalo sa Gateway 2 sa Quezon City noong September 2026.
Read: Jennica recalls emotional struggles after separation from Alwyn
ALWYN UYTINGCO NO LONGER WANTS TO DWELL IN THE PAST
Nung kasagsagan ng hiwalayan nila ay pinili raw ni Alwyn na tumahimik at wag na lang magsalita, lalo't alam niya na kung anuman ang sasabihin niya ay maaaring makadagdag lang ng gulo at problema.
"Siguro ako mas pinili ko na maging tahimik kasi it will only add fuel to the fire and ako mas gusto kong solusyunan yung mga bagay na gusto kong gawin for my kids.
"Of course, I am also dealing with my career on and off camera.
"Kaya ang nangyari, prinocess ko siya on my own with my friends and family."
Pero hindi na raw para idetalye pa niya ang pinagdaanan noon.
Paliwanag ni Alwyn: "I'd rather not speak about it. Siguro may mga bagay na parang I kept it private.
"Alam ko na part ako ng industry na ito all my life, mula pagkabata ko. And, I guess, I deserve to keep this part of my personal life.
"Of course, Jen is open with what happened, people are talking about it. Kumbaga, right naman niya yun to talk about it.
"Basta sa akin, this is how I handle it."
Isa sa isyung nabalita noon ay ang kakulangan daw ni Alwyn na tugunan ang pinansyal na pangangailangan ng kanilang pamilya lalo na pagdating sa mga anak.
"Oo, at di rin ganun kadali yun," saad niya.
"Especially na ako, ang work ko ay off cam, nasa production ako, and di naman ganun kalaki ang kinikita namin."
Sabay sabi rin niya: "What I mean is regardless kung gaano siya kahirap, priority ko ang mga bata."
Read: Jennica Garcia closes door on possible reconciliation with estranged husband Alwyn Uytingco
ON RESPECTING THEIR DECISION
Nang tanungin ng awtor na ito kung mahal pa ba niya si Jennica, agad naman sinagot ito ni Alwyn.
"Of course, oo naman, di naman mawawala yung part na yun, e.
"The respect and the care, nandun pa rin yun sa lalim ng pinagsamahan. It's just that may mga bagay talaga, I guess, doesn't really work," pahayag ng aktor.
Hindi naman daw madali ang proseso ng hiwalayan nila.
"I hope some people also respect me, respect Jen for that decision.
"It's a bitter pill to swallow, but some things kailangan nating tanggapin na it doesn't work, which we tried. I tried. Trinay namin.
"But right now, our focus is for the kids, makapag-aral sila, makapagtapos sila."
Basta ang mahalaga raw ay maayos sila ni Jennica.
"Pag nag-usap naman kami ni Jen, it's always me supporting her in what she does.
"Kung ano yung mga ginagawa niya, tinatanong ko naman, sinasabihan ko naman siya.
"If she needs help with anything, I'm here."
Read: Robb Guinto confirms breakup with Yasser Marta
ON MOVING FORWARD
Tinanong din namin si Alwyn kung ano ang magiging reaksyon niya kung saka-sakaling pumasok muli sa panibagong relasyon si Jennica.
"Hindi na ako mahe-hurt," aniya.
Kung ipakilala sa kanya?
"Sure, walang problema, I would be happy. She's like a good friend to me, and kung saan siya magiging masaya, kung saan siya magiging successful.
"I also pray for her, for her success, kasi if she'll be successful, my kids will be in good hands."
Sa ngayon ay nanatiling single si Alwyn, at prayoridad daw niya palagi ay ang kapakanan ng dalawang anak.
"Wala, it's a choice. And I think I need to spend more time with myself. Ang daming kailangang ayusin, I'm just being real."
Sa huli ay tinanong namin si Alwyn kung ano ang natutunan niya sa pag-ibig na puwede niyang ibahagi sa ibang taong dumaraan sa pinagdaanan niya.
"Love is something that is not just a good stuff. It's not just butterflies and warmth.
"It's also part ng love yung struggles and how you handle those struggles. Kailangan manggagaling [from] both ends."
Kasama si Alwyn sa dalawang full-length film entries sa Puregold CinePanalo. Assistant director siya sa Patay Gutom at supporting cast member siya sa Wantawsan.