Lubos na nagdadalamhati ang pamilya, mga kaibigan, at katrabaho ni Jacob Aaron Polintan dahil sa biglaan niyang pagpanaw.
Siya ay 24 taong gulang lamang nang bawian ng buhay dahil sa motorcycle accident.
Naiulat ang kanyang pagpanaw nitong umaga ng Miyerkules, October 7, 2026.
Read: Jacob Aaron Polintan dies at 24
Sa Facebook post ni Jacob, bandang 10:30 P.M. ng Martes, October 6, waring pabiro itong humirit na nakasuot na siya ng sapatos bilang sagot sa isang content creator na nagyayaya na magpunta ng Batangas.
Ayon sa netizens, hindi maiwasang mabigyan nila ito ng pansin dahil tila nagbigay daw ng ito ng pahiwatig sa pagpanaw nito.
Bumuhos din ang pakikiramay ng mga netizen na nalungkot dahil nasa kabataan pa si Jacob at marami pa raw pangarap na nais sanang abutin.
Si Jacob ay pambato ng Bulacan sa Mr. Philippines 2026, isang male pageant na ginanap sa Quezon City noong August 31, 2026. Hindi man nasungkit ang main title ay tinanghal siyang Mr. Philippines 2026 Culture and Arts ambassador.
Isa siyang pageant enthusiast na nanalong Ginoong Bulacan 2024 at Ginoong Paombong 2023.
Base sa Facebook account niya, isa rin siyang content creator na may 103,000 followers sa Facebook.
Mayroon din siyang hiwalay na Facebook page na Jacob Vlog na may 37,000 followers.
Read: Alwyn Uytingco on marriage to Jennica Garcia: "We tried."
JACOB AARON POLINTAN AND HIS MOTORCYCLE
Makikita sa kanyang posts na likas ang hilig niya sa motorcyle at nature trips bilang paraan niya na pamamahinga.
Noong September 30 ay ibinahagi niya ang video ng pagsakay niya sa kanyang motor sa tapat ng isang simbahan.
Nilapatan niya ito ng kantang "Heal The World" ni Michael Jackson.
Noong September 27, sakay siya ng kanyang motor sa Cabangan, Zambales.
Ikinatuwa pa niya na may nakakilala raw sa kanya bilang owner ng Jacob Vlog Facebook page.
Biro niya sa kanyang caption noon, "feelingckatyarn."
Bukod dito ay marami pa siyang videos na pinapakitang sakay siya ng kanyang motor sa gas station, sa parking area, at tapat ng commercial spaces.
Alagang-alaga niya ang kanyang motor, na pinakita niyang nililinisan niya sa isa niyang post noong July 28.
May mga post din siya ng hitsura ng motor na gusto niyang bilhin balang araw.
Read: Robbie Jaworski reveals how he spent his first talent fee
HIS LOVE FOR NATURE
Hilig din niya ang pamamasyal sa mga tahimik na lugar na napapaligiran ng magandang tanawin.
Una na rito ay iyong isa sa mga huling Facebook posts niya na nagpunta siya sa camping trip sa isang batis na napapaligiran ng matataas na puno.
May solo pictures siya roon at makikitang mga simpleng tent ang accomodation sa lugar.
"Habang may pag kakataon sulitin mo nang sulitin," sabi niya sa caption.
Noong September 28, nag-post naman siya ng video niya na kuha sa tabing-dagat bandang dapit-hapon.
"Dagat na," nang-aanyayang caption niya.
Noong September 26 ay pinakita rin niya ang pamamasyal niya sa isang malinis na batis kunsaan tanaw ang mga bundok sa kanyang gawing likuran.
Nilapatan niya iyon ng kantang "Alapaap" ng Eraserheads.
"Malayo sa usok at lubak ng lubacan hahahaha," masayang sabi niya sa caption.
