Halatang ini-enjoy ng beteranang aktres at dating ABS-CBN executive na si Charo Santos, 70, ang kanyang retirement.
Sa Golden Screen Awards: Dekada Awards 2026 ng Multi-Media Press Society of the Philippines (MMPress, Inc.) noong October 4, 2026, sinabi ng aktres na masaya siya sa kanyang buhay at karera ngayon.
Malaki ang pasasalamat niya dahil hanggang ngayon ay patuloy siyang binibigyan ng halaga sa showbiz makalipas ang ilang dekada.
Ito ay matapos siyang hiranging isa sa Dekada Awardee for Best Actress para sa pelikulang Kun Maupay Man It Panahon (2021).
"I'm feeling very much overrated. Isa na namang karangalan na dapat ipagpasalamat in my fifty years in the business.
"Again, this is a proud blessing. Thank you very much," saad ni Charo.
Bukod pa rito, masaya rin siyang nagkuwento sa nakakahiligan niyang libangan ngayon, ang TikTok.
Kaya naman tinagurian na rin siyang "social media darling" ngayon.
View this post on Instagram
Aniya, "Yeah. I'm having fun doing all my TikToks."
Sinu-sino ang nagko-conceptualize ng kanyang mga content?
Lahad ni Charo: "I have a group with me. We brainstorm, yun, then we agree on what content to post.
"Siyempre we also look at trends. That's how, you know, you keep your young audience engaged."
At pinaglalaanan daw niya ng oras ang pagsu-shoot nila ng kanyang contents.
"May time ako for this kasi retired na ako. Wala na akong corporate work. Yes.
"So I have time, I have time to do movies. You know, as, as we know, I finished Batang Quiapo, 'no, three years with Coco Martin.
"So I'm looking forward to doing more projects hopefully next year.
"Kasi ngayon medyo chill lang. Pa-TikTok-TikTok," lahad niya.
Read: Nawat Itsaragrisil slams Miss Grand Ecuador national director
CHARON ON BEING PART OF THE NEW ABS-CBN BOARD
Noong May 2024, inanunsiyo ng ABS-CBN Corporation ang appointment ni Charo bilang isa sa board of directors nito.
Kaya naman parang nagbalik siya sa corporate world.
"Yeah. I'm now a regular member of the board of ABS-CBN," pagkumpirma niya.
Pero hindi naman daw ito talaga nakakapagod dahil isang beses lang sila sa isang buwan nagkikita-kita.
"As member of the board, you only go for the meetings once a month.
"I'm not part of management," paglilinaw ni Charo.
Read: Charo Santos-Concio on ABS-CBN, embracing social media, politics