Pumanaw na ang stand-up comedian na si Kirara Kawai, Rodolfo Rausa Jr. sa tunay na buhay, nitong Miyerkules, October 21, 2026.
Inanunsiyo ang pagpanaw ni Kirara ng kanyang mga kaanak sa pamamagitan ng Facebook post.
Bahagi ng nakasaad dito: "With deep sadness, we announce the passing of our beloved Brother, Rodolfo Rausa Jr. also known as KIRARA KAWAI"
Nakalagay rin dito ang detalye ng kanyang burol sa Prudential Memorial Chapel sa Sampaloc, Manila, mula ngayong Huwebes, October 22, hanggang sa Linggo, October 25.
Hindi tinukoy kung ano ang sanhi ng pagpanaw ni Kirara.
Nagpaabot din ng pakikiramay ang pamunuan ng The Library Comedy Bar, kung saan naging regular performer si Kirara.
Nakasaad sa kanilang social media post: "FAREWELL, KIRARA.
"Comic Ave. By the Library mourns the loss of a promising talent whose laughter, warmth, and passion for entertainment will never be forgotten.
"You may have left before your time to grace our stage, but your light will forever remain in our hearts. May heaven welcome you with the same joy you hoped to share with the world.
"Rest in peace, Kirara. Until we meet again on the other side."
Kalakip ng mensahe ang art card kung saan nakalagay ang larawan ni Kirara, pati ng mga pumanaw na ring stand-up comedians na sina Michelle O'Bombshell, Dax Martin II, at Arnell Tamayo.
Related Stories:
- Impersonator Michelle O'Bombshell dies at 48
- Comedian Dax Martin II dies
- Comedian Arnell Tamayo dies at 61
DEATH OF STAND-UP COMEDIANS
Si Kirara ang ikaapat na stand-up comedian na pumanaw nito lamang October 2026.
Nauna sa kanila si Dax Martin II, Daxxeno Fowler sa tunay na buhay, noong October 8. Siya ay 56.
Sumunod si Arnell Tamayo na pumanaw sa edad na 61 noong October 14.
Pangatlo si Boobah, Noel Montero sa tunay na buhay, noong October 16. Siya ay 46.
Noong April 6, 2026 ay pumanaw rin ang impersonator at stand-up comedian na si Michelle O'Bombshell, Roderic "Ador" Cuntapay sa tunay na buhay, sa edad na 48.
Dahil sa sunud-sunod na pagkamatay ng stand-up comedians ay hindi maiwasan isipin ng ilang netizens kung may kinalaman ang kanilang trabaho sa kanilang maagang pagpanaw o hindi magandang kalusugan.
Komento nga ng kapwa nila performer na si Jonathan Habla (published as post): "Iba kasi Ang trabaho natin. Gising sa Gabi tulog sa umaga. Tapos sabayan pa k alak sigarilyo.. at mg fastfood pa lagi pa karne Ang ulam. Bihira Ang isda at gilay. Talaga di tyo mag expect n mahaba buhay."
Read: Anthony Roquel, Iskul Bukol star Tonette Macho, dies at 68