Ikinasal na ang dating aktres na si Ilonah Jean sa kanyang American partner na si Derrick Younger.
Ibinahagi ni Ilonah ang tungkol sa kanyang pagpapakasal sa Facebook nitong Sabado, October 31, 2026.
Sa kanyang post, nagpasalamat si Ilonah sa lahat ng well-wishers.
Saad niya: “We planned a big wedding surrounded by family and friends, but since April, we’ve faced unexpected challenges, including my surgery.
“Through it all, God reminded us that what matters most is His blessings, our faith, and the love and commitment we’ve shared from the beginning.”
Sa huli, nagdesisyon daw si Ilonah at ang partner niyang magkaroon na lamang ng intimate wedding kasama ang kanilang mga mahal sa buhay.
“It may not have been the wedding we planned, but it was exactly what our hearts needed,” post pa ng dating aktres.
Sabi ni Ilonah ukol sa kanyang mister: “I am grateful to God for giving me a partner who loves, understands, and cares for me.
“Beyond being Jimbo’s mom, I prayed for someone to share this next chapter of my life with. In His perfect timing, God brought Derrick into my life. He is truly an answered prayer.
“For now, we are married, blessed, and excited for the beautiful journey ahead.
“God’s timing is always perfect, and His plans are greater than ours.”
Ang "Jimbo" na tintutukoy ni Ilonah ay si Juan Miguel Santos, ang kanyang anak sa una niyang napangasawa.
Read: Jinkee Pacquiao fires back after being bashed over bodyguard holding umbrella for her
Ito ang ikalawang pagpapakasal ng aktres.
Noong 2007, iniwan ni Ilonah ang kanyang karera sa Pilipinas at nagpunta sa Amerika at ikinasal.
Subalit makalipas lamang ang isang taon, na-divorce ang kanilang kasal.
Si Ilonah ay nakatira ngayon sa Atlanta, Georgia.
Read: Alice Dixson recounts maldita days; past rift with Dina Bonnevie
WHO IS ILONAH JEAN?
Dalawang dekada sa showbiz si Ilonah.
Nadiskubre siya nang sumali siya sa artista search ng Regal Films na Search for the Stars.
Nakapasok siya sa Top 20 at ang nanalo ay si Alice Dixson, kuwento ni Ilonah sa YouTube channel na Over A Glass Or Two noong 2023.
Nananatili raw niyang malapit na kaibigan si Alice.
Nakagawa ng maraming pelikula at teleserye si Ilonah.
Sa pelikula, ilan sa mga huling ginawa niya ay ang Milan at Feng Shui na parehong ipinalabas noong 2004.
Sa teleserye naman, ilan sa mga ginawa niya ay ang Vietnam Rose (2006) at Mangarap Ka (2004).
Kahit na may successful business daw siya sa Pilipinas noon at may TV project pang nakapila, nagdesisyon siyang magpunta sa US noong 2007 para magpakasal at makasama ang mga kapatid at ina na based na sa U.S.
Bumalik siya sa Pilipinas at at ginawa niya noon ang teleseryeng The Killer Bride (2020).
Read: Mimiyuuuh sheds light on previous "clean-money girl" remark