Proud si Jake Cuenca sa pagiging endorser niya ng bagong alcoholic beverage na The Bar dahil ito raw ang isa sa major endorsements na tinanggap niya. Female counterpart naman ni Jake bilang endorser si Angelica Paganiban.
Sa launching nina Jake at Angelica as The Bar endorsers na ginanap kagabi, April 18, sa Atrium ng Eastwood Mall sa Libis, Quezon City , hindi naitago ni Jake ang kanyang kasiyahan nang ma-interview siya ng PEP (Philippine Entertainment Portal).
"I feel honored na kami ni Angelica ang napiling endorsers. This is one of my first major endorsements. At saka gusto ko talaga yung product. I love this product," sabi ni Jake.
ENDORSING ALCOHOLIC BEVERAGE. Hindi ba siya nagwo-worry na ma-tag as lasenggero dahil sa pag-e-endorse ng isang alcoholic beverage? Hindi ba siya natatakot na makaapekto ito sa image niya?
"Hindi naman," sagot ni Jake. "More than worried, mas excited ako to be an endorser. It doesn't mean naman na endorser ka ay malakas ka nang uminom o lasenggero ka na. Dun mo puwedeng ma-influence yung mga tao to be responsible drinkers. Sabi nga, drink moderately, di ba? At saka alam ko kung paano i-handle yung sarili ko. As long as hindi tayo nakikitang nagwawala because of drinking, I have nothing to worry about na makakaapekto ito sa image ko."
Kapag nagkakaproblema ba siya, does he resort to drinking?
"Pag may problema ako, hindi," sagot niya. "Mas masarap kasing uminom kapag masaya ka. Drinking should be a fun thing, a celebration."
TAYONG DALAWA. Pagkatapos nito ay napag-usapan naman ang tungkol sa Tayong Dalawa, ang top-rating ABS-CBN teleserye na pinagbibidahan nilang tatlo nina Gerald Anderson at Kim Chiu.
Hanggang kailan mapapanood ng mga tao ang Tayong Dalawa?
"Ang alam ko, we will be airing till June or July. So, matagal-tagal pa. We just finished our first season this week. Yung umeere ngayon is pang-13th week na, I think. Kaya nagpapasalamat kami sa lahat ng mga sumusuporta sa Tayong Dalawa. We're doing great, thank you," saad ni Jake.
Ano ang feeling na ang daming pumupuri sa acting na ipinapakita niya sa Tayong Dalawa?
"Tumataba ang puso ko sa comment na 'yan. Nakaka-flatter talaga at talagang nakaka-motivate sa akin na galingan ko pa lalo at ibigay ko pa ang sarili ko lalo sa trabaho. Pero, siyempre, ayokong pumasok sa ulo ko 'yan. Gusto ko lang, pumasok na lang siya sa puso ko.
"First time kong mag-portray ng role na ganito kalawak, ganito kalalim. From high school, hanggang sa nag-PMA, hanggang sa malapit na siyang mamatay, hanggang sa bumalik, tapos parang nasiraan ng ulo. Kaya very grateful ako sa ABS-CBN sa pagtitiwalang ibinigay sa akin to portray this role."
Bukod sa maraming papuri na natatanggap ng show, pati na rin sa mga artista nito, ikinararangal din ni Jake ang pagkilala na ibinigay sa kanila kamakailan ng Armed Forces of the Philippines.
"Yun nga, binigyan nila kami ng plaque of appreciation. Kasi nga, yung application ng PMA [Philippine Military Academy], umangat ng by 300 percent. So, ang laki-laking honor nito. Masayang-masaya kami lahat. Revelation kasi ang Tayong Dalawa dahil dumami ang mga taong gustong ipagtanggol ang bansa natin. So, talagang it's a good thing.
"Sa simula pa lang, alam na namin ni Gerald na malaking responsibilidad ito, e... Hindi na uso rito na lalagyan mo ng kung anu-anong kontrobersiya. Kasi siyempre yung nire-represent ko, mga sundalo.
"Yun ang parang ginawa naming responsibilidad ni Gerald in the beginning na hindi natin ipapahiya ang Army, ang Navy, o ang Air Force sa ginagawa namin. Pinaninindigan namin ni Gerald yun hanggang ngayon, hanggang sa matapos. Actually, parang life-long effort na 'yan, e, na paninindigan namin lahat ng natutunan namin sa show na ito."
Sa anong eksena siya nahirapan sa Tayong Dalawa?
"Madami, e," sagot ni Jake. "Pero yung mahirap minsan, yung maliliit na eksena, e. Kasi siyempre yung emtional continuity na war shock, dapat nakikita yun ng mga tao. Dinadama ko yun talaga. Kahit may eksena na walang lines, nagpapa-acting coach pa rin ako kasi kailangan pinaniniwalaan ko yung hirap. Nag-usap talaga kami ng mga director namin to make it realistic. Ang laki ng naitutulong nila para ako, si Gerald, si Kim, mag-mature yung acting."
Marami rin ang nakakapansin na sumasabay na silang tatlo sa galing ng mga award-winning actors na kasama nila sa show.
"Ginagalingan lang talaga namin. Ang laki rin naman ng tulong ng mga co-stars namin. Sobrang bawat taping, nandun sila para bigyan kami ng advice, ng support. Sobra, ano sila... Wala kaming maramdaman na kahit anong pagda-down. Walang may attitude, walang may ere. At saka ang mga directors namin, kung hindi maganda, sasabihin agad. Bago pa lumala yun, sasabihin na nila para ma-improve. So, it's really a joint effort between the cast and the directors. Team effort talaga kami from day one hanggang ngayon."
Ano pa ang aabangan ng mga tao sa Tayong Dalawa?
"Madami pa, sobrang dami pa. Marami pang revelations, conflicts... Basta abangan n'yo."
Busy rin si Jake ngayon sa dami ng kanyang showbiz commitments. Mapapanood din siya sa Precious Hearts Romances, kasama si Cristine Reyes. May horror movie rin siyang ginagawa with Shaina Magdayao, ang Estrella, under Star Cinema.
ADMIRER OF MELISSA RICKS. Kinumusta rin ng PEP kay Jake ang nali-link romantically sa kanya ngayon na si Melissa Ricks. Ano na ba ang status ng relationship nila?
"Friends... we're friends. Okay naman kami ni Melissa. Minsan nagkukumustahan kami sa text. Pero sabi ko nga, hindi pa ako nanliligaw e. I'm just an admirer."
Pero tuluy-tuloy pa rin ba ang pagpapadala niya ng pagkain sa house nila?
"Yung pagkain, yeah. Pero ano lang naman yun, e, talagang sign of friendship lang talaga 'yon," sabi ni Jake.
Ano ang comment niya sa sinabi ni Melissa na kay Matt Evans lang siya magpapahalik on screen?
"Hindi naman ako mao-offend doon kasi magkaibigan lang naman po talaga kami, e," sagot niya. "At saka masayang-masaya ako para sa kanilang dalawa kasi nakatrabaho ko silang dalawa sa Pedro Penduko. Kaya nung malaman ko na napaka-engrande talaga ng Kambal sa Uma, proud ako sa kanilang dalawa."
Naapektuhan ba siya sa sinabi ni Melissa na mas may advantage daw si Matt over him?
"Well, in fairness naman, mas matagal talaga yung pinagsamahan nila. And I'm not getting in between that. Basta sa akin, I'm an admirer of her. Sa ngayon, hindi pa naman talaga ako nanliligaw," pagtatapos ni Jake.