Among the six films that Sine Direk will launch starting this April in SM cinema theaters, ang pelikulang ididirek ni Maryo J. delos Reyes ang pinakahuli na nagsimula ng shooting. Ito ay ang Kamoteng Kahoy na inspired by a true to life story—a tragedy na naganap noong 2005 sa Mabini, Bohol.
As a Boholonian, Direk Maryo has a personal attachment to the story na isinulat ng premyadong scriptwriter na si Ricky Lee. Mga batang actor ang mga bida sa pelikulang Kamoteng Kahoy na produced ng APT Entertainment sa pakikipagtulungan ng the Directors Guild of the Philippines.
Pinagsama ni Direk Maryo ang child actors ng ABS-CBN na si Nash Aguas at GMA-7 naman na si Robert "Buboy" Villar. Kasama rin dito ang child star na si Sharlene San Pedro at iba pang artista tulad nina Gloria Romero, Yul Servo, Ana Capri at marami pang iba. Ito ay kuwento ng mga grade school children na nalason nang dahil sa pagkain ng kamoteng kahoy na aksidenteng nalagyan ng pesticide.
Sa estimate ni Direk Maryo ay magsushoot sila for eight days para sa Kamoteng Kahoy, na nakatakdang ipalabas simula June 3, 2009. Gusto niya sana ay sa Bohol sila mag-shoot ngunit dahil sa budget constraints sa ibang lugar na lang ang location nila.
Magkaganunman, hindi naman daw nagwo-worry si Direk Maryo na hindi nila matatapos ang shooting and post production ng Kamoteng Kahoy. May time table naman daw sila kaya kahit noong Holy Week, nag-trabaho sila para ma-accommodate ang schedules ng dalawang bagets. Incidentally, si Direk Maryo rin ang talent manager nina Nash at Buboy.
Mas may pressure ba na mga alaga niya ang mga bida?
"Mas may pressure kasi, um-oo ako sa mga schedules nila noong una kong binigay. Kaya lang like they told me, these two actors have a movie, umoo ko, kasi, co-management kami ng ABS-CBN. Kaya pumili ako ng schedule na available ako, pero noong pumasok na mga ibang schedules nila, nag-overlap sa schedule na ginawa ko. So, I had to beg them that this is mine already."
Wala kayang patalbugan na magaganap sa dalawang important child actors ngayon ng both network?
"Well, they are both my talents and I believe that both of them are very good. Like for example, si Nash, Best Child Actor na, three times na ‘yan. Si Buboy naman, nanalo na sa Metro Manila Film Festival. So, I feel, I now have the best actors in town. Kasi, sila ang best child actors as of now. At saka, sila ang talagang in-demand in-terms of commercial, in-terms of TV shows. Nakikipagbuno nga ako sa schedules nila.
"In fact, si Joel Lamangan mismo, tinanggihan ko para kay Buboy. Gagawa siya ng horror, ‘yung [Padre de] Familia, kasama dapat si Buboy dun, e, magsisimula siya ng Panday, siya ang sidekick ni Bong Revilla. Tapos, may Zorro pa siya."
Kung mapapansin, tila nalilinya si Direk sa paggawa ng mga projects na ang mga bida ay mga bata. Nandiyan ang soap-opera niya noon na Mga Anghel Na Walang Langit at ang award-winning movie na Magnifico.
"Noon pang araw, noon pang High School Circa, yung una kong pelikula mula pa noong Annie Batungbacal, Bongga Ka Day, Magnifico. Inaano rin ako ng mga programa abroad, what is your next movie that we want to bring abroad.
"And I felt, I want to do this. This is a long time dream. The incident happened in 2005. Kumbaga sa ano, ‘yan ang sinasabi sa Sine Direk na matagal na naming brain child ito. Ibig sabihin, matagal na naming pinag-uusapan ni Ricky, hanggang sa matupad nga. So, iho-hold natin ito kasi, walang possible producer. Siyempre, hindi naman natin maiaalok sa Regal, Star..."
Ayon kay Direk Maryo, definitely ay ilalahok daw niya itong Kamoteng Kahoy sa Berlin Film Festival.
Bukod nga kay Direk Maryo, ang ibang director and their respective movie na mapapanood sa kauna-unahang taon ng Sine Direk ay sina Joel Lamangan (Fuschia), Soxie Topacio (Ded na si Lolo), Lore Reyes (Litsonero), Peque Gallaga (Agaton and Mindy) at Mel Chionglo (Bente).
Naitanong namin kay Direk Maryo bilang isa sa pinakakilalang premyadong director, does he get inspiration from newbie indie directors who are able to do the materials that they like through indie-digi films kumpara sa mga commercially produced film sa mainstream?
"Well, ako personally, hindi ako atat gumawa ng independent. Kaya lang, I feel, kung independent ang tawag mo sa isang material na gusto mong gawin or is dear to a director's heart and became a personal film, then, it is an independent film. But like for example, I can always say no because siguro, given a chance and the privilege mainstream project all the time. Modesty aside, hindi naman nawawala ang offer for me to do sa Viva, Regal or Star...as a matter of fact, meron akong naka-line-up sa kanila.
"Pero kaya lang, katulad nga ng mga process nila, it has to go to the execom, kaya sinasabi ko na lang kapag sa mga main studios, give me the project and I will study. If I like to do it, I will do it. Siyempre, hindi naman sa amin nanggagaling, it's the other way around. Siyempre, meron silang mga artista na kailangang i-fulfill at bigyan ng pelikula."
Bukod sa Kamoteng Kahoy, abala si Direk Maryo sa pagdidirehe ng GMA-7 afternoon soap opera na Dapat Ka Bang Mahalin.
PEP Live