Very open si Matteo Guidicelli sa pag-amin na crush niya ang Pop Princess na si Sarah Geronimo. Nabalita pa nga na noon na sinundan pa raw ng young actor si Sarah sa Cebu para manood ng concert nito, na ikinatuwa naman ng singer. Usap-usapan din na kung ano raw ang kinaayaw ng mga magulang ni Sarah kay Rayver Cruz ay siya namang pagkagusto ng mga ito sa half-Italian, half-Filipino actor.
Nakausap ng PEP (Philippine Entertainment Portal) si Matteo sa ASAP XV kahapon, June 13. Hiningan namin siya ng reaksiyon sa balitang pagkaboto sa kanya ng pamilya ni Sarah.
"They're cool," sambit ng 21-year-old racer turned actor. "I've met a lot of parents already in my life, Sarah's parents are very nice, very down to earth. Sarah is very nice, her parents are very nice also. Kahit sa Cebu dati pa at sa ASAP pag nagkikita kami dun, ambait nila, sobra."
Totoo bang sinundan niya sa Cebu si Sarah nang mag-concert ito doon na ikina-touch naman daw ng singer-actress dahil sa effort nito na kilalanin siya?
"Kasi nung una akong pumunta sa Batangas, pinanood ko siya. Kasama ko yung mga Popsters, mag-isa lang ako dun. Then Billy [Crawford] told me, 'Matteo, pupunta kami ng Cebu for Sarah's concert.' Sabi ko, taga-Cebu rin ako. So, nagpunta kami and we were introduced. 'Saka matagal na rin akong hindi nakabalik sa Cebu. Timing lang na may show si Sarah. I feel so cool about that. She is Sarah Geronimo, she's very talented, and it's nice to make her feel happy," sabi ni Matteo.
He also admits na bukas ang communication nila ni Sarah.
"Wala ngayon kasi nasa abroad siya. But nag-communicate kami before she left. Nag-usap kami about school," banggit niya.
Pero nilinaw ni Matteo na hindi niya talaga masasabing crush si Sarah na gusto na niya itong ligawan. Ina-admire lang daw niya ang talent nito.
"I want to make it clear na hindi ako nanliligaw kay Sarah. I admire a lot of people and Sarah is one of the people I admire a lot," sabi niya.
Balita na basketball buddies sina Matteo at Rayver at magkaibigan. Hindi kaya naiilang si Matteo na ang crush niya ay ang rumored ex-girlfriend ng kaibigan niya?
"Friends kami ni Rayver, sobrang bait nun," sabi ni Matteo. "Nakita ko nga sa SNN, 'Matteo at Rayver, nagdedmahan.' Nag-text si Rayver sa akin, 'Matteo, laugh trip ito!' I even introduced him to our trainer sa Gold's Gym, palagi kaming nagte-train, magkasama kami lagi. Awkward feeling? Wala, sobrang bait ni Rayver sa akin."