Kasalukuyang nasa St. Luke's Hospital sa Global City, Taguig ang 2008 Ms. Philippines-Earth at Miss Earth winner na si Karla Paula Henry.
Ayon sa ulat ni Ginger Conejero ng ABS-CBN News, sinaksak ang beauty queen habang palabas siya ng tinutuluyan niyang California Garden Square sa Mandaluyong City
Lasing daw ang lalaking sumaksak sa beauty queen. Ang suspek ay tenant din daw sa nasabing lugar.
Pero ligtas na raw sa kapahamakan ang Fil-Canadian beauty queen.
Si Karla ang kauna-unahang Pilipina na nanalo ng titulong Miss Earth, na naganap noong November 9, 2008 sa Clark Expo Amphitheater, sa Angeles City, Pampanga.
PEP Live