February na kaya panahon na naman ng Valentine concerts. Isa na nga sa mga magbibigay-saya ngayong Valentine season ang acoustic phenomenon na si Aiza Seguerra.
Magkakaroon siya ng very special show titled Aiza's Lovelife Revealed sa Bacolod at Cebu, produced by P3P Events and Promotions.
Ang double musical event na ito ay magaganap sa SM Bacolod Cinema 1 sa February 12 at sa SM Cebu Cinema 2 sa February 13. Special guest ni Aiza sa dalawang shows na ito si Juris Fernandez, na dating singer ng MYMP.
All OPM (Original Pilipino Music) ang line up ng mga kanta nina Aiza at Juris sa concert kaya siguradong patok ito sa mga kababayan natin.
Mabibili ang tickets sa Bacolod concert sa SM Bacolod Department Store's Service Counters at Savemore Supermarket.
Para sa Cebu concert, tickets are available sa Ticketnet sa Customer Service Counter ng SM Cebu Department Store.