For the first time, nagkaroon ng tinatawag na "Don't Lie To Me: Body Edition" ang Showbiz Central kunsaan, si Maui Taylor ang unang "test subject." Dito ay magkakaalaman kung totoo o hindi ang mga usap-usapang pinaretoke daw niyang talaga ang karamihan sa body parts niya. Sinimulan ni John "Sweet" Lapus ang pagtatanong sa kanya...
Body part no. 1, pina-retoke mo nga ba ang iyong ilong?
"Yes!" ang sagot ni Maui at ang result naman ay "Truth."
"Hindi naman, actually, pinagawa ko siya, pero, since noong nagka-problem ako, yung laman na lang talaga ng ilong ko, yung tip na lang. It's the cartilage from my ears. So, yung bridge ko ngayon, it's natural already," katuwiran ni Maui.
So, technically, body part mo pa rin pala ang nandiyan?
"Oo, galing sa tainga."
Second body part, ayon kay Sweet siya raw ay pina-enhance niya ang baba niya. Si Maui raw ba ay pina-enhance rin ba ang baba?
"Yes!" ang mabilis na sagot ni Maui which yielded a "Truth" from the lie detector investigator.
"Bilugin kasi ang mukha ko. Kulang ako rito [points at her chin], so, pinadagdagan ko. Ang problema lang sa kanya, masyadong active yung muscle ko sa ibaba, so, nagkakaroon siya ng fold na every three months, bino-botox siya."
Body part no. 3: pinaretoke ba ang kanyang tiyan?
"Yes," muli ang sagot ni Maui na "Truth" na naman ang katapat na resulta.
"Actually, noong nagpa-lipo ako, it was 2004. So, I had to maintain it. Ang ginawa ko, I kept on working-out noong 2005. Ang ginawa ko, yung may abs. Kasi, I maintain at pinaghirapan ko siya.
"Actually, lumaki ako ngayon, nasa 24 to 25 ang waist line ko. Pero noong nagpa-body contour ako, nasa 22 to 23."
Body part no. 4: pinaretoke ba ang kanyang behind?
"No," ang sagot ni Maui na tinapatan ng result na "Truth" uli.
"Mana ako kay Mommy, malaki ang balakang. Napansin ko nga habang tumatanda ako, ‘Mommy, bakit parang lalong lumalaki ang puwet ko?'"
Body part no. 5: Pina-retoke ba ni Maui ang kanyang dibdib?
"Yes," muli ang sagot ni Maui and "Truth" uli ang resulta ng lie detector test.
"Actually, papaliitan ko na nga siya. I think, hindi na siya proportion sa body ko. So, siguro, last week of May papaliitan ko na siya. Mabigat, e, sobrang mabigat. Right now, it's 280 cc. So, if I was not mistaken, it's 34B. I wanted it sana, mga 32C. Kasi, when I get thinner, nahahalatang talagang pinagawa ko siya. Gusto ko talaga, yung natural look lang siya."
Hirit tuloy ni Sweet sa mga artistang nagpapagawa ng boobs, make it a point daw na malapit pa rin sa natural look ang pagpaparetoke ng boobs para hindi halata, especially kung hindi naman sila aamin.
THE CEBU ISSUE. At dahil nakaupo na rin lang si Maui sa lie detector machine, tinanong na siya ni Sweet tungkol naman sa isang recent fashion show daw na sinalihan niya sa Cebu. Balitang nagkaroon daw ng problema roon involving the conservative Cebuanos and the producers of the show. May balita pang banned na raw siya na mag-perform sa Cebu dahil sa recent problem na ito. So totoo nga bang banned na siya sa Cebu?
"No," ang sagot ni Maui na tinatapatan ng lie detector machine ng resultang "Truth."
"Kasi ano po siya, I think, ang naging isyu sa kanya, yung time na nag-umpisa kami ng fashion show. Pero, gusto ko lang din pong i-clear na ang call time namin mas 12 midnight, which was already Easter Sunday. We started the program at 12:30 in the afternoon. That was the issue.
"Second, as soon as we arrived in Bantayan Island, sinabi na nila sa amin na there are priests complaining since the people in Cebu are very conservative. So, what they did, they edited what we are wearing. We had our bikini inside, but we have tops...tinakpan.
"So, they we're saying na mahangin. Siyempre, mahangin sa Cebu, mahangin sa tabing-dagat. Pero kahit daw tinakpan, nakita pa rin yung bikini. Sa side naman ng mga producer, sinunod naman nila yung pag-edit ng mga susuutin namin. In fact, I saw the bikinis, they we're really skimpy and I said, I can't wear any bikini as skimpy as that. So, sinabi ko, is it possible that we wear our own bikini? Kasi ako, ang bikini ko, talagang boy leg or yung covered.
"So, basically that is. And we we're just guest po sa fashion show na yun. Hindi kami yung main acts talaga."
Balak din daw kasuhan ng gobernadora ng Cebu na si Gwendolyn Garcia siya, si Paolo Paraiso at ang producer ng show?
"Actually, tatlo po kami riyan...si Jennifer Lee. I don't think the artist should be blamed or sued on this side of the story, di ba? We are just performers. We are just told to do our job. We have contract signed. And we are just fulfilling our duties. That's all about it."
One of the few celebrities lang si Maui na sumalang sa "Don't Lie To Me Segment" na puro truth ang lumabas at walang lie.