Shaina Magdayao and Melissa Ricks cross paths in Kambal sa Uma

Malapit nang magkaharap na ang dalawang batang babaeng nagkahiwalay mula pagkabata sa panghapon na palabas ng ABS-CBN, ang Kambal Sa Uma.

Habang patuloy sa kanyang kasakiman si Celeste (Gina Alajar), patuloy naman si Milagros sa kanyang pangarap na muling makita ang isa pa niyang anak—si Vira (Shaina Magdayao).

Hindi pa rin nawawala ang galit ni Gabriel (Matt Evans) sa naging dahilan ng kamatayan ng kanyang ama. At ang patuloy niyang paghahanap sa taong responsable sa pagkamatay ng kanyang ama.

Sunud-sunod ang pagdating ng mga taong nagsasamantala kay Ella (Melissa Ricks).

At sa mga susunod na araw, isang kaabang-abang na eksena ang magaganap--ang pagkukrus ng landas nina Ella at Vira. Sa pagkakataong ito, maramdaman kaya nila ang lukso ng dugo sa pagitan nila? Ano ang magiging reaksyon nila sa isa't isa?

Patuloy na abangan ang mga kapana-panabik na mga eksena sa Kambal Sa Uma, weekdays pagkatapos ng Wowowee sa ABS-CBN.