May bagong digital short film na natapos ang award-winning at internationally-acclaimed filmmaker na si Jon Red. Ito ay ang Pirata, na tinatampukan nina Ronnie Lazaro, Mon Confiado, EJ Salcedo, at introducing si Steph Tablizo.
Kabilang rin sa cast sina Shamaine Buencamino, Raul Morit, Hector Macaso, EJ Salcedo, Ogi Sugatan, at Larry Manda. May cameo roles rin sina Bembol Roco at Ketchup Eusebio.
Sa panayam ng Philippine Entertainment Portal (PEP) kay Direk Jon sa pamamagitan ng e-mail, sinabi ng director na una niyang naisip ang material niya ng Pirata limang taon na ang nakakalipas.
"I thought of the concept of Pirata five years ago when I made my Cinema One Originals film Anak Ng Tinapa, written by cinematographer Ogi Sugatan. The opening was a torture scene with two corrupt men and their victim. I developed a story expanding that sequence," simula ni Direk Jon.
Tungkol saan nga ba ang kuwento ng Pirata?
"Ang Pirata ay tungkol sa dalawang misteryosong karakter na nagkukulong sa isang maayos na bahay. Nagkukuwentuhan sila tungkol sa mga buhay-buhay nila, mga pangarap, at kabiguan.
"Malalaman nating may pangatlong tao pa pala silang kasama sa bahay—isang nakatali at tinorture nilang vendor ng pirated DVDs. Galit sila sa krimen na pagpipirata... Peke daw siya at ipokrito.
"Pero sa pag-uusap ng dalawa, malalaman nating kahit papano, kahit sila ay may maskara... lahat naman, pirata."
Ano'ng masasabi niya sa kanyang cast?
"Ronnie Lazaro and Mon Confiado are seasoned, longtime collaborators who have supported my works. Steph Tablizo, who plays their victim, a pirated DVD vendor, is a new discovery and was very impressive in her screen test. Bembol Roco and Ketchup Eusebio play cameos as gangsters."
Ayon kay Direk Jon, "metaphor" ang mga character na ginagampanan nina Ronnie at Mon sa kuwentong ito. Kakaiba rin ang atake ng direktor sa mga eksena ng kanyang pelikula.
"Yung characters na Bert at Gerry ay metaphor. They represent anyone in power who's corrupt. Puwede itong big businessmen, politicians, gangsters, or police. Absurd o surreal ang treatment sa mga eksena. Puro sila flip.
"Hindi makatotohanan ang ibang mga sitwasyon sa film, pero realistic ang acting at dialogue.
"Nakaporma ng business attire [coat and tie] sina Bert at Gerry. Malinis, maganda ang mga paligid pero maangas at marumi ang tema at dialogue nila," sabi ni Direk Jon.
PRODUCTION CREW. Ang buong production staff ng Pirata:
Production Company: Pelipula
Director, writer, producer, director of photography, production designer, editor: Jon Red
Line Producer: Carol Bunuan Red
Lighting and camera assistants: Totoy Alcancia, Gym Lumbera, Jet Leyco, Malay Javier
Art Directors: Mikey Red and Timmy Harn
Additional sets by Arnold Limjoco, Danny Red
Additional dialogue/acting coach: Marinette Lusanta
Aminado si Direk Jon na pagkatapos niyang magdirek sa pelikula at telebisyon sa mahigit na isang dekada, ang Pirata ay isang pagpapatunay na bumabalik siya sa kanyang pinagsimulan: ang paggawa ng independent (o "indie") films.
"After working as a professional film and TV director for more than ten years, this film is an attempt to go back to my 'indie amateur roots.'
"Kasi, ako lahat dito ang sa creative, e, doing almost all the major creative work. And working on a short format with a surreal and experimental theme."
At ano naman ang mensahe ni Direk Jon sa kanyang audience sa kanyang latest short film na Pirata?
"Ang message ng movie ay: Hypocrisy is around us. Everyone seems to be wearing a mask."
DIRECTOR'S PROFILE. Si Direk Jon Red ay nag-aral ng painting and visual arts sa Philippine High School for the Arts and University of the Philippines, kunsaan siya nagtapos ng kursong Fine Arts.
Um-attend ito ng film workshop sa Mowelfund Film Institute, hanggang sa pinasok na niya ang daigdig ng screenwriting at filmmaking, at nagsimula nang magsulat at magdirek ng short films and TV shows—and eventually ay naparangalan siya ng iba't ibang award-giving bodies, pati na sa abroad.
Ang 12-munite video niyang Es (1988) ay nanalong Best Jury Prize sa 1991 Mondiale de la Video sa Brussels, Belgium at nagwagi rin bilang first prize sa Experimental Video Category sa 2nd Gawad-CCP for Alternative Film and Video noong 1988.
Ang TV show niyang Sineskwela (School on the Air) ay nagwaging Grand Prix sa Science and Images Festival sa Paris, France.
Sinasabing isa si Jon Red sa nagsimulang gumawa ng digital film sa bagong henerasyon at bagong dekada ng 2000s, dahil taong 1999 pa lamang ay naidirek na niya ang kanyang first full-length digital film na Still Lives (a pioneering digital film screened as Official Selection at the 2000 Singapore International Film Festival).
Ang pelikula ay tinampukan nina Joel Torre, Ynez Veneracion, Allan Paule, Nonie Buencamino, and Caridad Sanchez.
Ang kanya namang Utang ni Tatang ay nagwagi bilang best cinematography and production design at the 2002 Manila Film Festival; ang ASTIGmatism na nanalo ng Silver DV Award at the 28th Hongkong International Film Festival (2004).
Si Direk Jon rin ang sumulat ng screenplays ng mga pelikulang Radyo at Ilusyon, produced ng Viva Films. With Carol Bunuan Red, he conceptualized and line produced Imahe Nasyon, an omnibus film commemorating the EDSA One revolution, directed by 20 directors.
Ang iba pang directorial works niya ay Boso (2005) na isang sex comedy produced by Digital Viva, starring Katya Santos, Jeffrey Quizon, Allen Dizon; Anak ng Tinapa (2005) produced by Cinema One Originals starring Ryan Eigenmann, Atong Redillas, and China Cojuangco.
Ginawa niya rin ang surreal film na Cut, isang experimental, no-dialogue feature produced by Pelipula, starring Joel Torre and Jao Mapa; Coup B'etat, isang political satire produced by the NCCA; Salam, isang TV show produced by Knowledge Channel and ABS-CBN Foundation.
Sinulat at dinirek rin niya ang Pain Things (2007), produced by Filipino Pictures starring Christian Vazquez and Michael de Mesa; Motorcycle (Cinema One Originals 2008 entry, starring Jason Abalos).
Siya rin ang namahala ng first teleserye ni Cristine Reyes bilang bida na Eva Fonda sa ABS CBN. October 2009 nang ipalabas ang huling full length film niyang Ang Beerhouse produced by Pabrika Pictures and Joel Torre, na tinampukan nina Ryan Eigenmann, Jeffrrey Quizon, Ronnie Lazaro, and Gwen Garci.
Ginawa rin nito ang Pandesal Sardinas Gatas (PSG) segment ng Ambisyon 2010 ng ANC.
Si Direk Jon ang siyang nakatatandang kapatid ng isa pang award-winning at internationally-acclaimed filmmaker na si Raymond Red.