Kapuso na rin ang world boxing champion na si Manny "Pacman" Pacquiao dahil sa GMA-7 na ipapalabas ang kanyang pinaka-latest na boxing bout kunsaan makakasagupa niya si Jorge Solis. Ang kanilang bout ay tinawag na Blaze Of Glory: Pacman Rides Again. Ipapalabas ang fight card na ito sa April 15 (Sunday) at 9 a.m.
Idedepensa ni Pacquiao ang kanyang World Boxing Council International super featherweight title against undefeated Mexican dynamo Jorge "Coloradito" Solis.
Marami nga ang nagulat sa bakuran ng ABS-CBN dahil lahat ng laban ni Pacquiao ay sa network nila pinalalabas. Pinagawan pa nga raw ng theme song ng Dos si Pacquiao kada may laban itong ipinalalabas sa kanila.
Ayon sa aming source, nagkaroon daw ng bidding para sa telecast rights ng Blaze Of Glory. Ang naging bid ng Kapamilya network ay P39 million samantalang P40 million naman daw ang offer ng Kapuso. A matter of P1 million lang ay nakuha ng Siyete ang laban ni Pacquaio.
Dahil nga sa turn out na ito, malamang na malaking promo ang gagawin ng GMA-7 para sa pag-acquire nila ng telecast rights ng bagong boxing match ni Pacquaio.
With reports from www.gmanews.tv