PRESS STATEMENT FROM ABS-CBN:
"Ginulantang kamakailan ang lahat ng balitang pinagsasaksak ang ABS-CBN director na si Ricky Rivero sa mismong bahay niya sa Quezon City ng isang binatang nakilala niya lamang sa social networking site na Facebook.
"Sa kabila ng tinamong sugat ay nagawa pa ni Rivero na ipag-drive ang sarili papunta sa Philippine Heart Center. Nasa maayos na siyang kalagayan ngayon at nahuli na rin ng pulis ang suspek na nagngangalang Hans Ivan Ruiz.
"Ang insidenteng ito ay isa lamang sa maraming kaso ng pambibiktima ng masasamang loob gamit ang popular na social networking sites sa internet.
"Minsan na ring nalinlang ang 19 taong gulang na si "Janice" na matapos makipagkita sa lalaking nakausap sa chat pagkatapos pa lang ng isang buwan ay nagahasa pagkatapos itong lasingin ng suspek na si Jeffrey Calara.
"Paano nga ba makakaiwas sa mga ganitong uri ng pananamantala at karahasan?
"Hihimayin ni Ted Failon ang bawat detalye ngayong Sabado (June 18) sa Failon Ngayon, 4:45 PM sa ABS-CBN."
Ed's Note: When content falls under "Press Statement," this means that the material is fully and directly from the company itself. The use of open-and-close quotation marks to envelope the entire text shows as much. This also means that PEP is not the author of the statement being read. PEP is simply providing the information for readers who may be interested.