Ibinalita sa PEP (Philippine Entertainment Portal) ng talent manager at director na si Manny Valera na natuloy ang first shooting day ng Regal horror flick na Tiyanak kahapon, April 25. Si Direk Manny ang supervising producer ng Tiyanak, na remake ng Janice de Belen movie that popularized the slogan "Ang anak ni Janice..."
Sa Apalit, Pampanga, kinunan ang Tiyanak, at present lahat ng cast sa first shooting day. Bukod pala kina Jennylyn Mercado, Mark Herras, at JC de Vera, bida rin dito si Rica Peralejo. Kasama rin sa cast ang dalawang Star Magic stars na sina Jill Yulo at Alwyn Uytingco, plus Ryan Yllana, Karel Marquez, and Andrei Felix.
Bukod pala kina Jennylyn at Mark, may isa pang pares ng ex-lovers sa pelikula—sina Jill at Alwyn.
Ayon pa sa napakahabang text message ni Direk Manny, wala naman daw tension sa set, lalo na kina Jennylyn and Mark. The former lovers were last paired in another Regal movie, ang Super Noypi, na entry sa 2006 Metro Manila Film Festival.
Tiyanak is directed by Mark Reyes and is slated for a late June or early July playdate.